Read MUKANDA WANZAMBI Maroma 5 Bible Online

Maroma 5 - MUKANDA WANZAMBI bible

Maroma 5

¹Dichi chitunekali dehi aloŋa nakukuhwelela, tukweti kuwunda naNzambi mudi Mwanta wetu Yesu Kristu.

²Kudi yena nawa diku tunamweni kwijila muluwi ilu mutwekala nakukuhwelela, tuzaŋalalenu nakuchiŋeja kulema kwaNzambi.

³Hidimu hohu bweŋuku, tuzaŋalalenu nawa nimulukadi lwetu; muloŋa tuneluki netu lukadi lwaletaŋa kutatakena;

⁴kutatakena kwaletaŋa kwilukamu; kwilukamu kwaletaŋa kuchiŋeja;

⁵kuchiŋeja hikwatiyishaŋa nsonyuku, muloŋa anechili dehi kukeŋa kwaNzambi munyi chima yetu, kudi Spiritu Wajila atwinkeluwu.

⁶Hitwachidiŋi twabula Ŋovu, Kristu wafwilili asekesha Nzambi, hashikili mwaka.

⁷Kufwila muntu waloŋa chakala, ilaŋa muntu wamuwahi, kwiji kukumwekana wumu wukubula woma wakumufwila.

⁸Ilaŋa Nzambi wamwekeshaŋa kukeŋa kwindi yomweni kudetu, hohitwadi idiŋi akwanshidi Kristu watufwilili.

⁹Dichi dinu, chitunekali dehi aloŋa namashi indi, twakabadika kupuluka kukuzuwa kwaNzambi hamujimba wayena.

¹⁰Chatukunda mishiluwu kudi Nzambi hakufwa kwamwa nindi, hitwadiŋi ayilumbu, ichi chana tukunda mishuwu dehi, tukusweja nankashi kuhanda nawumi windi.

¹¹Hidimu hohu bweŋuku, twazaŋalalaŋa mudi Nzambi mudi Mwanta wetu Yesu Kristu, kutunatambuli kukundamisha.

¹²Dichi kudi iyala wumu nshidi yepilili mumpata yamunu mwishina, ninshidi yaleteli kufwa; choche nochu nawa ni kufwa kwashikeneni antu ejima, muloŋa wejima wawu avulumwini.

¹³Nshidi yadiŋi mumpata yamunu mwishina henohu nshimbi jichidi kanda jinzi; neyi nshimbi kwosi hiyadi kwinka muntu muloŋaku.

¹⁴Ilaŋa dinu, kufumisha kudi Adama ndo nikudi Mosi, kufwa kwelili mwanta wawantu ejima hela abulili kuvulumuna chavulumwiniyi Adama, chifwikija chanowu eliluwu nawu wakenza.

¹⁵Ilaŋa chamukunkulu chaluwi hichinesekani namuloŋaku. Chafwiluwu antu amavulu nakuvulumuna kwamuntu wumu, komana luwi lwaNzambi nichamukunkulu chenjili naluwi lwamuntu wumu, yowu Yesu Kristu, chikuyiswejela nankashi antu amavulu.

¹⁶Chamukunkulu hichenjili nayena wavulumwinuku. Kusompesha kwenjili hansaŋu yavulumwini muntu wumu kulonda kuhisha, ilaŋa chamukunkulu chaluwi chenjili hansaŋu yanyiloŋa yayivulu, kulonda kubalumuna antu ekali aloŋa.

¹⁷Chavulu mwiniyi muntu wumu, kufwa hikukwila mwanta hansaŋu yamuntu wumu, dichi antu akutambula luwi olu lwasweja kuvula, nicha mukunkulu chakuloŋa, akubadika nankashi kwikala anyanta muwumi hansaŋu yawumu, yowu Yesu Kristu.

¹⁸Dichi dinu, neyi muloŋa wumu waleteli kuhisha kudi antu ejima, mwomumu nawa, mudimu wumu wakuloŋa hiwukuleta kuloŋa kwawumi kudi antu ejima.

¹⁹Chelili amavulu hiyakwikala akwanshidi nakujikwa kwamuntu wumu, dichi nawa antu amavulu akayi balu muna kwikala aloŋa nakwovwahila kwawumu.

²⁰Nshimbi hijikwinza nakutohesha muloŋa; komana kwaswejeli nshidi, hikukubadika nankashi luwi, lusweja nikusweja.

²¹Kulonda chelili nshidi mwanta mukufwa, choche nochu nawa luwi hilukwikala mwanta nakuloŋa, lwaya kuwumi wahaya nyaka, mudi Mwanta wetu Yesu Kristu.