Read MUKANDA WANZAMBI Maroma 7 Bible Online

Maroma 7 - MUKANDA WANZAMBI bible

Maroma 7

¹Hinukuhosha nawantu eluka nshimbi. Enu ana kwetu, munaya mbichiŋi neli nshimbi jikweti wanta hadi muntu neyi wuchidi wamumi?

²Mumbanda wasumbuka neyala, amubombela hamu neyala nanshimbi, hachidiyi iyala wamumi; ilaŋa neyi iyala wukufwa, yena mumbanda nafumi dehi kulushimbi lwanfumwindi.

³Dichi dinu, neyi yena mumbanda wukusumbuka neyala wacheŋi, nfumwindi wuchidi wamumi, akumutena nawu chivumbi. Ilaŋa neyi nfumwindi wukufwa, yena mumbanda nafumi dehi kulushimbi olu; hela wukusumbuka neyala wacheŋi hakwikala chivumbuku.

⁴Enu ana kwami, enu nawa kunshimbi mwela dehi muyafu namujimba waKristu, kulonda mwakekali nawacheŋi, yenowu asaŋwiluwu mudi afu, kulonda tumusoŋeli Nzambi nyikabu yindi.

⁵Muloŋa chitwa diŋi muchisemwa chaheseki, kufwila kwanshidi kwenji laŋa kunshimbi, hikukukoŋa muyidi yetu yamujimba, nakusoŋa nyikabu yakutwala kukufwa.

⁶Ichi dinu, atufumishili kunshimbi; kuyu moyu yatukakeleli tuyafu, kulonda twakakalakali muŊovu yayiha, yoyaSpiritu, bayi muŊovu yayikulu yamukandaku.

⁷Ichi dinu tukwakula netwidi? Nshimbi hinshidi, tahindi? Chinjila! Ilaŋa dinu, hinadi kwiluka nshidi chakadi nshimbuku. Muloŋa neyi nshimbi jabulili kwila nawu, Kwikala nalwisu chinjila; hinadi kwiluka lwisuku.

⁸Ilaŋa nshidi yinakwatili Ŋovu kulushimbi, hiyikukoŋela mudami lwisu lwejima lweŋi nalweŋi; muloŋa kwabula nshimbi nshidi yafwa.

⁹Chinabulili nshimbi nadiŋi mumi, Ilaŋa chenjili nshimbi, nshidi hiyikuhizumuka, ami nawa hinukufwa.

¹⁰Lushimbi lwadiŋi lwakuleta wumi hinukulumona lwaleta kufwa.

¹¹Muloŋa nshidi yinakwatili Ŋovu kulushimbi, hiyikundimba, hiyikunjaha.

¹²Nochu dinu, nshimbi jajila, nikuleja kwajila, kwaloŋa, kwawaha.

¹³Indi chuma chachiwahi chimbalumukili kufwa, tahindi? Chinjila! Alondeli nshidi yimwekani nawu hinshidi, chiyakoŋeli kufwa mudami nachuma chachiwahi, kulonda nshidi yiikali yasweja nankashi kutama nalushimbi.

¹⁴Tweluka netu nshimbi jineli jawuspiritu, ilaŋa ami nidi wachisemwa chaheseki, anlanda dehi kuwuduŋu wanshidi.

¹⁵Munelaŋa hineluka mwoku. Munakeŋaŋa kwila hinelaŋa mwokuku, munahelaŋa dimu nelaŋa.

¹⁶Neyi nelaŋa munabulaŋa kukeŋa, netejaŋa nshimbi nami jajiwahi.

¹⁷Dichi dinu, hiyami nawa nelaŋa mwokuku, nshidi yekala mudami diyi yelaŋa.

¹⁸Muloŋa neluki nami mudami, nateni chisemwa chami chaheseki, nami himwekala chuma chachiwahi hela chimuku. Muloŋa muchima wakukeŋa kwila chachiwahi nidi nawu, ilaŋa kwilamu kutwesha nehi.

¹⁹Kuwaha kunakeŋa kwila hinelaŋaku, ilaŋa kutama kunabula kukeŋa kwila, diku nelaŋa.

²⁰Neyi nelaŋa chuma chinabula kukeŋa kwila, komana hiyami nachilaŋaku, achila ŋakudi nshidi yashakama mudami.

²¹Namoni komana kudi lushimbi lwakwila neyi nakeŋi kwila chachiwahi, komana kutama kudi kwoku.

²²Muloŋa muntu wami wamukachi watiyana kuwaha nanshimbi jaNzambi;

²³ilaŋa namoni lushimbi lwacheŋi muyidi yami lwalwishaŋa nalushimbi lwayitoŋojoka yami, lunakeŋi kuŋi jiŋa muwuduŋu walushimbi lwanshidi lwekala muyidi yami.

²⁴Ami nshona! O kukala kunamonaŋa! Wukuŋamwina kumuji mbiwu wakufwa, hinyi?

²⁵Nasakilili Nzambi nami Yesu Kristu Mwanta wetu diyi natweshi. Dichi dinu ami aweni, nayitoŋojoka nakalakelaŋa nshimbi jaNzambi, hakwinza nachisemwa chaheseki nakalakelaŋa lushimbi lwanshidi.