Read MUKANDA WANZAMBI Maroma 9 Bible Online

Maroma 9 - MUKANDA WANZAMBI bible

Maroma 9

¹Nahoshi mwalala mudi Kristu, hinatwambuku; chinleji chamicha muchima hichinsahu hamu naSpiritu Wajila,

²nami, kudi chuma chimu channeŋeshaŋa nankashi, hikukata kwabulaŋa kumwena mumu chima wami.

³Nadi kukeŋa nami nikumini dakushiŋewa nakukinjikewa nifumi kudi Kristu, kukoola ana kwami, antaŋa jami nasemuka nawu.

⁴Wowu aIsarela, enkeluwu kwikala anyana kambala; diwu enkeluwu ni kulema, niyitiyaŋenu; diwu enkeluwu ninshimbi, nikukalakela Nzambi, niyikaninu.

⁵Diwu akweti ankakulula, nikudi wena diku kwenjili Kristu ekali muntu, hiNzambi wabadika ejima, wakisulewa haya nyaka. Amena.

⁶Ilaŋa hichidi neyi mazu aNzambi anabuli Ŋovuku; muloŋa antu ejima avwalika kumutaŋa waIsarela hidiwu aIsarela wejima wawuku.

⁷Hela chaneluwu anyana kaAbarahama, wejima wawu hiyanyana chikupuku; ilaŋa nawu, Anyaneyi akayitenena mudi Isaka.

⁸Chaya mukwila nawu, anyana avwalika kumujimba hidiwu anyana kaNzambuku, ilaŋa anyana kachikaninu diwu afuukulawu nawu hiyanyana.

⁹Muloŋa izu dachikaninu dodenidi, nawu, Hachila aka chikwawu nakenza, Sara wakavwala mwana.

¹⁰Hidimu hohu bweŋuku, ilaŋa nichabaabiliyi Rebeka ivumu natata yetu Isaka, hadiŋuwu anyana achidi kanda avwaliki, kwila hela chachiwahi hela chatama kanda,

¹¹amwilili mumbanda nawu, Mukulumpi wakakalakela kansi.

¹²Kulonda mwatoŋwe liyi Nzambi mukoli, mwayitondeliyi hichakuni yidi muku, chiŋa kudi yena watambikaŋa.

¹³Mwomwasonekeluwu nawu, Nakeŋeli Yakoba, naheleli Esawu.

¹⁴Ichi dinu tukwakula netwidi? Nzambi wukweti habulilayi kuloŋa, tahindi? Chinjila!

¹⁵Muloŋa wamwilili Mosi nindi, Muntu nukukeŋa kutiyila luwi, diyi nukutiyila Iuwi; muntu nukukeŋa kutiyila wushona, diyi nukutiyila wushona.

¹⁶Dichi hichidi kudi wakeŋa aŋa, hela kudi wadikwatishaŋaku, chiŋa kudi Nzambi wukweti luwi hohu.

¹⁷Muloŋa mumukanda wajila amwilili Fwaro nawu, Dichi china kulemesheli, kulonda nimwekesheleli Ŋovu jami mudeyi, kulonda ijina dami ditiyakani mwejima mwahita iseki dejima.

¹⁸Nochu yowu anakeŋi kutiyilayi luwi, wukumutiyila luwi; yowu anakeŋiyi kuchinchikisha, wukumuchinchikisha.

¹⁹Eyi wukuŋila neyi, Muloŋanyi nihanu saŋa enkelayi antu nyiloŋa? Wukudikaŋa namuchima wambala hinyi?

²⁰Aka! Eyi wumuntu tuhu, wumuchiluli Nzambi? Indi chuma chatuŋi awu dehi chimwili mukwawukalawenu, nindi, Wunantuŋilidi mwenimu?

²¹Kaŋemi watweshaŋa kuwumba mwanake ŋiyi. Kuchikanka chimu abuli kuwumbaku chuma chimu chalema, nichuma chikwawu chabula kulema?

²²Nzambi chakeŋeliyi kumwekesha kuzuwa kwindi, nakutiyakesha Ŋovu jindi, wetejeli kudi wunjika nansaŋu yayuma yatela kuzuwila, yadiloŋeshela dehi kujilumuka;

²³kulonda akatiya keshi maheta akulema kwindi nayuma yatoŋolawu dehi, yaloŋeshela ŋayi dehi yiikali yalema,

²⁴yetu atambikiluwu mukachi kawajentili, himukachi kawaYudeya hohuku.

²⁵Chochanahoshuwu kumukanda waHoseya nawa nawu, Abulili kwikala antu ami, nakayila nami, Muyantu ami. Nimumbanda wabulili kukeŋewa, nakamwila nami, Akukeŋa.

²⁶Chakekala neyi kwayitenenuwu nawu, Himuyantu amuku; diku kwakayitenawu nawu, Mudi anyana kaNzambi wamumi.

²⁷Isaya hakubidika nakutena aIsarela nindi, Hela anyana kaIsarela akavula neyi wusekulula wakukaluŋalwiji, awa akashalahu diwu akahanda.

²⁸Muloŋa Yehova wakakoŋa mwaya izu dindi heseki, wakaketula nsaŋu nakuyi kumisha.

²⁹Chocheliliyi dehi Isaya nindi, Neyi Yehova wamazaza wabulili kutushiyila anyana, mutenowu tunekali neyi Sodoma, hela kutwilisha neyi Gomora.

³⁰Ichi dinu, tukwakula netwidi? AJentili, abulili kulondela mwaya kuloŋa, anatambuli dehi kuloŋa, kuloŋa kwokukukuhwelela.

³¹Kwinza aIsarela, alondelaŋa lushimbi lwakuloŋa, anabuli kushika kulushimbi ilu.

³²Muloŋanyi? Muloŋa chabuliluwu kulukeŋa nakukuhwelela, chiŋa nanyidimu hohu. Wena ahukeni kwilolodu dakuhukana.

³³Mwomwanasonekuwu nawu, Tiyenu, ami hinukusha muZiyona ilola dakuhukana, nilwilola lwakudimbwisha; muntu wukumukuhwelela hiya kamutiyisha nsonyuku.