Read MUKANDA WANZAMBI 1 Makorinte 13 Bible Online

1 Makorinte 13 - MUKANDA WANZAMBI bible

1 Makorinte 13

¹Neyi ami nahoshaŋa madimi awantu nawaŋelu, ilaŋa nabula kukeŋa, neli dehi neyi mpùŋa yikuvuma, hela neyi nyishimpu yikuvuma ŋŋi-ŋŋi-ŋŋi.

²Neyi neluka kuprofweta, neluka niyuma yakujinda yonsu, nima ana onsu; hela neyi ni kweti kukuhwelela kwonsu nikwakututulula nachu mapidi, ilaŋa nabula kukeŋa, niwamukunkulwayi tuhu.

³Neyi nukuhana mahetami ejima nidiishi atuzweŋi, hela neyi nukuhana mujimba wami awochi, ilaŋa nabula kukeŋa, hichikunkwasha nihantuku.

⁴Kukeŋa kwadiwunjikaŋa, kukweti niluwi; kukeŋa hikwahetaŋa ichimaku; kukeŋa hikwadinkaŋa wantaku; hikwaditoheshaŋaku;

⁵hikwelaŋa chuma chabula kutelaku; hikwakokwelaŋa kwindi hohuku; hikwanyakalaŋa kuzuwaku; hikwafuukwilaŋa mukwawu chuma chatamaku;

⁶hikwazaŋalalaŋa nayuma yabula kuloŋaku, kwazaŋalalaŋa nansaŋu yalala.

⁷Kwovwahilaŋa yuma yejima, kwetejaŋa yuma yejima, kwachiŋejaŋa yuma yejima, kwatatakenaŋa mwahita yuma yejima.

⁸Kukeŋa hikwakar; anyaloŋaku. Ilaŋa hela kuprofweta kwamba kahita; hela madimi eŋi amba kamwena; hela kwiluka kwamba kahita.

⁹Muloŋa twelukaŋa hanti, twaprofwetaŋa nawa hanti;

¹⁰ilaŋa chamba kashika chuma chalala chikupu, yuma yakumininamu yakahita.

¹¹Chinadiŋi kansi nahoshelaŋa yawansi, natiyilaŋa mwawansi, natoŋojokelaŋa yawansi; ilaŋa hanu hinakuli dehi, naleki dehi yuma yawansi.

¹²Muloŋa hanu tuchidi kumona muchibanjilu neyi mumbundu, ilaŋa henohu twamba kadimona mesu namesu; hanu neluka hanti, ilaŋa henohu nakeluka chikupu neyi chanapilukuwu ami.

¹³Ichi dinu kwekala kukuhwelela, nikuchiŋeja, nikukeŋa, yumiyi yisatu; chasweja kulema yowu kukeŋa.