Read MUKANDA WANZAMBI 1 Makorinte 2 Bible Online

1 Makorinte 2 - MUKANDA WANZAMBI bible

1 Makorinte 2

¹Enu ana kwetu, chinenjili kudenu nakushimuna nsaŋu yaNzambi, hinenjili namazu asweja kuwaha, hela akuyihayamisha namaanaku.

²Muloŋa nalekeli kwiluka chuma chacheŋi mukachi kenu, chiŋa yowu Yesu Kristu hohu, nami diyi apopeleluwu kukulusu.

³Nadiŋi nenu nakuzeya niwoma nikuzaala kwakweni.

⁴Chinayilejelaŋa, nichinashimwinaŋa nsaŋu, hichadiŋi chakuyikanjikija namazu amaanaku, ilaŋa chadiŋi mukulumbulula kwaSpiritu niŋovu;

⁵kulonda kukuhwelela kwenu kubuli kukolela kumaana awantu, chiŋa kwikali kwamuŋovu yaNzambi.

⁶Twahoshaŋa yama ana nawakula dehi; himaana amakonu, hela awanyanta amakonuku, wenawa keŋahiti.

⁷Twashimunaŋa maana aNzambi akujinda, ajindiluwu dehi, Nzambi wayitoŋwelaŋahu dehi henohu mpata jichidi kanda ajileŋi, kulonda kutulemesha.

⁸Anyanta ampata yinu hiyeluka wena maanawaku; neyi ayilukili, mutenowu hiyapopeleli Mwanta waMpuhu kukulusuku.

⁹Chanasonekuwu nawu, Nzambi waloŋeshela dehi antu amukeŋa yuma yabulili kumona mesu, yabulili kutiya matu, yabulili kwijila mumuchima wamuntu.

¹⁰Ilaŋa Nzambi natumwckesheliyi naSpiritu. Muloŋa Spiritu washinshikaŋa yuma yonsu, chalala yuma yaNzambi yayeni yakunama.

¹¹Muntwinyi welukaŋa yitoŋojoka yamuntu, chiŋa spiritu yayomweni muntu? Chochina niyitoŋojoka yaNzambi, kwosi wayilukaku, chiŋa Spiritu yaNzambi.

¹²Etu hitunatambuli spiritu yamunu mwishinaku, tunatambuli Spiritu wakudi Nzambi, kulonda twiluki yuma yanatwinkuwu kudi Nzambi chamukunkulu.

¹³Diyi yuma yitwahoshaŋa, hitwahoshaŋa namazu atulejaŋa nama ana awantuku, chiŋa namazu atulejaŋawu kudi Spiritu, nakwesekeja yuma yawuspiritu nayuma yawuspiritu.

¹⁴Hakwinza muntu wachisemwa hatambulaŋa yuma yaSpiritu yaNzambuku, muloŋa yena wukuyimona nindi wusupi; hakutwesha kuyilukaku, muŋa ayishinshikaŋa naSpiritu hohu.

¹⁵Hakwila muntu waSpiritu wasompeshaŋa yuma yonsu, yena yomweni hiyamusompeshaŋa kudi muntuku.

¹⁶Hinyi weluka mwatoŋojokaŋayi Yehova, mwaka amuleji maana? Ilaŋa etu tukweti yitoŋojoka yaKristu.