Read MUKANDA WANZAMBI 1 Makorinte 8 Bible Online

1 Makorinte 8 - MUKANDA WANZAMBI bible

1 Makorinte 8

¹Nsaŋu yayuma yakupesha nachu akishi. Tuneluki netu wejima wetu tweluka. Kwiluka kwaletaŋa kudinka wanta; hakwila kukeŋa kwakoleshaŋa.

²Muntu natoŋojoki nindi neluki, kanda eluki mwadi kwilukayuku.

³Muntu wakeŋa a Nzambi, diyi elukawu kudi Nzambi.

⁴Dichi hansaŋu yakudya yuma yanapeshuwu nachu akishi; etu tuneluki netu mukishi hichuma munu mwishinaku; hikudi Nzambi wacheŋi nawaku, chiŋa yowumu hohu.

⁵Hela mwiwulu hela hamaseki, kudi atenaŋawu nawu anzambi, Muloŋa kwekala amavulu alumbishawu neyi Nzambi, nianyanta amavulu;

⁶hakwinza etu twamonaŋa netu kudi Nzambi wumu hohu, diyi Tata; kudi yena diku kwafumaŋa yuma yejima, diyi twahandilaŋa. Kudi niMwanta wumu hohu, diyi Yesu Kristu, mudi yena dimu mwekala yuma yejima, dimu twahandilaŋa nawa.

⁷Antu amakwawu hiyeluka chenochuku; ilaŋa amu, enjilila dehi akishi, adyaloŋa yakudya yawu kafwampi neyi hichuma chanapeshuwu nachu akishi; hiyakutamisha nachu chinleji chawu chamuchima chazeya.

⁸Kudya hikwatuwahishaŋa kumesu aNzambuku. Neyi tukubula kudya hichikututamishaku; hela neyi tukudya nawa hichikutuwahishaku.

⁹Ilaŋa babalenu, Ŋovu yenu iyi yibuli kwikala chuma chakudimbwisha nachu akwenu akadi Ŋovu.

¹⁰Muloŋa neyi muntu wukukumona eyi weluka wunashakami mumalala amukishi nakudya, kwiji chinleji chindi chamuchima chikukwatilaku Ŋovu yakudya yuma yanapeshuwu nachu akishi.

¹¹Kwiluka kweyi hikukunoŋesha mana kweyi wakadi Ŋovu, afwililiyi Kristu.

¹²Chimwavulumunaŋa ana kwenu nakukatisha chinleji chawu chamuchima chabula Ŋovu, mwavulumunaŋa Kristu.

¹³Dichi neyi yakudya yikudimbwisha mana kwami, nukuleka kudya mbiji chikupu haya nyaka, nakenda kadimbwisha mana kwami.