Read MUKANDA WANZAMBI 2 Makorinte 10 Bible Online

2 Makorinte 10 - MUKANDA WANZAMBI bible

2 Makorinte 10

¹Ami aweni Pawulu, nayilembeleli nakwovwaha ninawushona waKristu, ami chinekalaŋa mukachi kenu nadizozaŋa, ilaŋa chinukwikala kwacheŋi hinayitiyaloŋa womaku.

²Eŋa, hinukuyilembelela nami chinamba kashakama nenu nakabuli kuyizuwila, munatoŋojoki nami nakazuwila amakwawu atumonaŋa nawu twelaŋa chakuchisemwa chaheseki.

³Muloŋa hela twcndaŋa mumujimba wachisemwa chaheseki, njita yetu hiyachiscmwa chahesekuku.

⁴Muloŋa yitwa yanjita yetu hiyachisemwa chahesekuku; hiyitwa yasweja Ŋovu kumesu aNzambi yakusanda nachu mpwembu jakola,

⁵nikufumba nachu yitoŋojoka, niyuma yejima yadimika kwiwulu yadikapaŋa nákubula kumwiluka Nzambi; kulonda kutwala yitoŋojoka yejima muwuduŋu wakwovwahila Kristu.

⁶Neyi enu munovwahili dehi, tukubabesha antu ajikwa ejima.

⁷Mwatalaŋa yuma yamwekanaŋa kumesu, tahindi? Neyi kudi muntu wadimonaŋa nindi nimuntu waKristu, atoŋojoki cheŋi mumuchima windi, nindi neyi yena himukwaKristu, mwomumu ninetu nawa tuyakwaKristu.

⁸Hela neyi nukudisamba kakavulu hansaŋu yawanta wetu hinukutiya nsonyuku; Mwanta Yesu watwinkeli wantowu kulonda kuyikolesha, bayi kuyikisaŋanaku.

⁹Hinakeŋi kumwekana neyi nakeŋi kuyitiyisha woma nanyikanda yamuku.

¹⁰Muloŋa nawu, Nyikanda yindi yalema, yikweti niŋovu; hakwila chamwekanayi mumujimba wudi neyi muntu wazeya, nimazu indi akuhemesha.

¹¹Muntu wukuhosha mwenomu, eluki nindi chitudi munyikanda yetu hitudi kwacheŋi, dichi chitwakela hitwakenza.

¹²Hitukweti Ŋovu yakudibomba nawu, hela yakudesekesha nawakwetu amakwawu adishimuna ŋaku; wena chadiŋi maŋawu mulwawu, nichadesekaŋawu mulwawu ochu, hiyakweti maanaku.

¹³Etu kwetu hitukudisamba chakubadika mwatwesekelawuku, chiŋa mwomwatwesekelawu dehi kudi Nzambi, diyi watubalwilili ŋinza yashika ndo nikudenu.

¹⁴Hitukumotoka muŋinza yetuku; hituneli netu tukukaŋanya kushika kudenuku, muloŋa twashikili nansaŋu yaKristu yayiwahi ndo nikudenu.

¹⁵Hitukudisamba nakubadika mwatwesekelawu dehuku, mwaka tudisambi nanyidimu yawantu acheŋi; ilaŋa twachiŋejaŋa netu neyi kukuhwelela kwenu kunakuli dehi, twakamotwesha ŋinza yetu, twakaya kumbidi,

¹⁶kulonda twakashimuni nsaŋu yayiwahi mumpata jikwawu jidi kumbidi yenu, twakabuli kudisamba namudimu waloŋeshawu dehi kudi muntu wacheŋi.

¹⁷Muntu wukudisamba adisambili mudi Mwanta.

¹⁸Muloŋa muntu wadishimunaŋa yomweni, hidiyi etejaŋawuku; chiŋa muntu akushimunawu kudi Mwanta.