Read MUKANDA WANZAMBI 2 Makorinte 12 Bible Online

2 Makorinte 12 - MUKANDA WANZAMBI bible

2 Makorinte 12

¹Chiŋa nidisambaŋa, hela chabula kutela. Nukukwata kukutena yuma yinamweni, niyanmwekesheleluwu kudi Mwanta.

²Munahiti dehi nyaka ikumi nayiwana, neluki ivala wamudi Kristu amuhukwili nakumutwala kwiwulu damu chisatu; kwiji wadiŋi mumujimba, indi kwiji hadiŋi mumujimbaku, hinelukuku, Nzambi diyi neluki.

³Neluki yena muntu owu, kwiji wadiŋi mumujimba indi kwiji hadiŋi mumujimbaku, hinelukuku, Nzambi diyi neluki;

⁴chamuhukwiluwu lwe nikwaNzambi,[2] hakutiya mazu akaŋanya kuhoshewa, ajila kuyitena kudi muntu.

⁵Nukudisamba nansaŋu yayenowu; hinukudisamba nansaŋu yamami awenuku, chiŋa yowu kuzeyazeya kwami.

⁶Muloŋa hela nukukeŋa kudisamba hinukusupaku, Muloŋa nukuhosha mwalala; Iluŋa naleki kwami, antu akenda kanlemesha chakubadika mwanmonaŋawu hela mwantiyaloŋawu.

⁷Anshili mwiŋa mumujimba wami, kulonda nibulaŋa kudilemesha chakubadika; hintemesha yaSatana anlemekaŋa, kulonda nibulaŋa kudilemesha nayimwekeshu yasweja.

⁸Chena chumichi namulembelelichu Mwanta mapampa kasatu, nami anfumishi mwiŋiwu.

⁹Ilaŋa yena naŋili nindi, Luwi lwami lunakuwanini, Muloŋa Ŋovu yami yalumbulukaŋa chikupu hakuzeya. Dichi hinukutiya kuwaha nankashi, nami komana chuma chachiwahi chochakudisamba nakuzeyazeya kwami, kulonda Ŋovu yaKristu yakekali hadami.

¹⁰Dichi nukukumina dakutiya kuwaha nakuzeyazeya, nikuŋila chatama, nikubula yuma, nimakabisha, niyuma yakala, hansaŋu yaKristu; muloŋa hinukuzeya, dihu hinukutiya Ŋovu.

¹¹Neli dehi chisupi, yenu munansaŋumuni; mutenowu enu aweni, yenu mwadi kuntena nenu nateli, muloŋa hinekala munyima yawapostolu asweja kulema hela hantuku, hela nimuntu wamukunkulwayi.

¹²Mwalala yinjikijilu yawupostolu ayikoŋeli mukachi kenu nakutatakena kwaleweni, niyinjikijilu, niyihayamisha, ninyidimu yaŋovu yayeni.

¹³Chumanyi chayikaŋesheli kwesekana nayipompelu yi kwawu? Kwiji chochinabulili kuyidiila yuma yenu? Neyi dichi, ŋanakenenu muloŋiwu.

¹⁴Tiyenu, yami nukwinza kudenu owu, kapampa kamuchisatu. Ami hinakeŋi kuyidiila yuma yenuku; nakeŋa enu antu aweni, hinakeŋa yuma yenuku. Anyana hidiwu ateji kuyiswekela anvwali jawuku, chiŋa anvwali diwu adi kuswekela anyana.

¹⁵Nukutiya kuwaha nankashi kudikisaŋana, hela kudi hana ami aweni kukoola wumi wenu. Neyi ami nukubadika kuyikeŋenu, enu mukukehesha kunkeŋami, tahindi?

¹⁶Hela chochu, hinadiili yuma venuku; nababeli, nayikokeli nama ana.

¹⁷Nadiili yuma yenu nawakwetu nayitemesheleli, tahindi?

¹⁸Natemesheli Titusa hamu nanowu mana kwetu. Titusa wadiili yuma yenu, tahindi? Hitwendeli kwetu mwaya Spiritu yowumuku? Hitwendeli kwetu mumahaji wowamuku?

¹⁹Mwejimimu mwatoŋojokaŋa nenu tunakeŋi kudiyiŋisha kudenu, tahindi? Twahoshaŋa mudi Kristu kumesu aNzambi. Ilaŋa enu akwetu twakeŋa a, yuma yejima yinekali yakuyikolesha nachu enu.

²⁰Muloŋa natiyi woma, nami chinakenza hamwaha nakabula kuyiwana munakeŋela kuyiwena; indi kwiji enu mwakabula kunmonami mumwakeŋa ela kunmwena. Kwiji nakawana nikuzuŋa, niichima, nindombu, nikudambola, nimatuŋiu, nitushawushawu, nikudinka wanta, nimapumba.

²¹Natiyi woma nami hamwaha Nzambi yami wakanzozesha kumesu enu chinakenza cheŋi, nakadila amavulu anavulumuni, anabuli kubalumuka mumuchima nakuleka wuzondu, niwuvumbi, nikufwila yatama yakoŋeluwu.