Read MUKANDA WANZAMBI 2 Makorinte 4 Bible Online

2 Makorinte 4 - MUKANDA WANZAMBI bible

2 Makorinte 4

¹Dichi chitukweti mudimu iwu, mwonamutunatambuli luwi hitwazeyaloŋaku.

²Tunaleki yuma yansonyi yakujinda. Hitwendaŋa nakudi-mbanaku; hitwaheŋeshaŋa mazu aNzambi nakutwambaku. Ilaŋa chitwashimunaŋa nsaŋu yaNzambi yalala chalumbuluka, twadimwekeshaŋa kuyinleji yanyichima yawantu ejima, niNzambi namoni.

³Neyi nsaŋu yetu yayiwahi yinabutewi, yinabutewi mudi antu adi nakujilumuka.

⁴Mudi wena nzambi yampata yamakonu[1] naputishi mesu ayitoŋojoka yawantu abula kwitiya; kuchina mwaana wansaŋu yayiwahi yalubanji lwakulema kwaKristu, chinfwana chaNzambi, kuyichiila.

⁵Muloŋa hitwadishimunaŋa etu awenuku, twashimunaŋa Kristu Yesu netu diyi Mwanta. Etu kwetu tuyanduŋu jenu hansaŋu yaKristu.

⁶Muloŋa Nzambi welili nindi, Chejeji chimwekani hadiŋi mwidima; diyi natoŋeki munyichima yetu, nakwinkelamu chejeji chakwiluka nachu lubanji lwakulema kwaNzambi, lwamwekanaŋa kumesu aKristu.

⁷Ihetidi tudi nadu munsaba jamawumba, kulonda Ŋovu jabadika nankashi jiikali jambala jaNzambi, jibuli kwikala jetwetu aweni.

⁸Atukabishaŋa mbadi jejima, kutukaŋesha nehi; twenda tujinoka, kutukuma nehi;

⁹enda atuhaŋa, kutushiya kanka wetu nehi; anatubuli dehi hamaseki, etu kunoŋa nehi.

¹⁰Twasendaŋa munyijimba kufwa kwafwiliyi Yesu kutwayaloŋa kwejima, mafuku ejima; kulonda wumi waYesu wumwekanaŋa nawa munyijimba yetu.

¹¹Muloŋa etu twahandaŋa atuhanaŋa mafuku ejima tufwi hansaŋu yaYesu, kulonda wumi waYesu wumwekani munyijimba yetu yanoŋaŋa.

¹²Dichi kufwa kwakoŋaŋa mudetu, ilaŋa wumi wakoŋaŋa mudenu.

¹³Twahoshaŋa nanichi chitwetiyaloŋa, muloŋa tukweti spiritu yakukuhwelela yowumu, mwomwasonekeluwu nawu, Nahoshi nanichi chinetiyili.

¹⁴Muloŋa tweluka netu iwu wasaŋwili Mwanta Yesu mudi afu, wakatusaŋula ninetu chimu naYesu, wakatwimika kumesu indi chimu nanenu.

¹⁵Yuma yejimiyi tunayimweni hansaŋu yenwenu, kulonda luwi chilukuvulila antu amavulu, lwakavulishi kusakilila nankashi nawa, kulonda Nzambi alemi.

¹⁶Dihu hafuma kubula kuzeya; muloŋa hela muntu wetu wahanzi wudi nakuya nakunoŋa, muntu wetu wamukachi wudi nakuya nakubalumuka wamwiha hefuku hefuku.

¹⁷Muloŋa lukadi lwetu lwakatataka lwapepela, lwatukoŋelaŋa pezu yakulema kwabadika nankashi, kulema kwahaya nyaka.

¹⁸Hitwatalaŋa yuma yamonewaŋaku, twatalaŋa yuma yinabuli kumonawu; yuma yamonewaŋa yakatataka, hakwila yuma yabulaŋa kumonawu yahaya nyaka.