Read MUKANDA WANZAMBI 2 Makorinte 7 Bible Online

2 Makorinte 7 - MUKANDA WANZAMBI bible

2 Makorinte 7

¹Enu akwetu twakeŋa a, ichi chanatukanuwu mwenimu, tuditookeshenukutama kwamujimba nikwaspiritu; tukoleshenu kujila nawoma waNzambi.

²Tutambulenu munyichima yenu. Hitwakoŋeli muntu chatamaku; hitwaluwaŋesheli muntuku; hitwadiili yuma yamuntuku.

³Chinukuhosha mwenimu hinalondi kuyinka muloŋaku; muloŋa nahosha dehi hakusambila nami mwekala munyichima yetu, kulonda hela kufwa tufwili hamu, hela kuhanda tuhandili hamu.

⁴Nasweji wulobu wakuhosha nanenu, nadisambaŋa nankashi hansaŋu yenu; anasweji kunkundeja, muzaŋalu wami wudi nakusumpoka mulukadi lwetu lwejima.

⁵Hela hitwenjili muMasidoniya, hitwamweni hakunookeshela nyijimba yetuku; ilaŋa atukabishili niniku niniku, hanzi hadiŋi madombu, mukachi kutiya woma.

⁶Hakwila Nzambi, wakundejaŋa akwakululuta, diyi watukundejeli henjili Titusa.

⁷Hakuminini dakutukundeja henjiliyi hohuku, watukundejeli nawa nanoku kukundeja kumwamukundejeli yena, chatulejeliyi chimwafwilaŋa kunmona, nichimwandilaŋa, nichimwantiyaloŋa iyena kumuchima; dichi dinu, nitiya nikuwaha kwasweja.

⁸Muloŋa hela nayineŋesheli namukanda wami, hinatiyi chikelaku, kutoŋa hakusambila natiyili chikela; Muloŋa namoni nami mukandowu wayineŋesheli, eŋa, ilaŋa dinu hihaleheli chalalaku.

⁹Ichi dinu natiyi dehi kuwaha, nanochu chimwaneŋeli chakubalumuka mumuchima, bayi kwakuneŋa tuhuku. Muloŋa mwaneŋeli chakuyineŋesha kudi Nzambi, kulonda mubuli kumona chuma chakuyihalwisha kudetu.

¹⁰Muloŋa kuneŋa kwaneŋeshaŋayi Nzambi, kwaletaŋa kubalumuka mumuchima, kwashikaŋa kuwamwinu, hikwaletaŋa chikelaku; hakwinza kuneŋa kwampata yamunu mwishina, diku kwaletaŋa kufwa.

¹¹Dichi munamoni chimwaneŋeli chakuyineŋesha kudi Nzambi, chaleteli kwakama mudenu; talenu oku kudiyiŋisha, ninoku kutiya kutama, ninowu woma, ninoku kufwila, ninodu iyena, ninoku kutenda! Muna diyiŋishi chikupu munsaŋu yejimiyi.

¹²Dichi hela nayisonekeleli mukanda, hinahakwilili muntu welili chatama, hela muntu eliluwu chatamaku, nalondeli kwakama kumwasweja kutwakama kumwekani kudonu, akumoni kudi Nzambi.

¹³Dichi chumichi chinatukundeji. Chatukundejawu dehi twatiyilikuwaha nankashi namuzaŋalu waTitusa; muloŋa mwanamutulishili mumu-chima wejima wenu.

¹⁴Muloŋa chinadisambili kudi yena nansaŋu yakutena enu, hinatiyili nsonyuku. Mutwahosheli nanenu mwejima twahoshelimwalala; nimutwadisambili kumesu aTitusa mwomu nawa munamwekanidehi chalala.

¹⁵Wasweja kuyikeŋa nankashi, haanukayi chimwovwahilili enu ejima, himukumutambula nawoma nikuzaala.

¹⁶Ami natiyi kuwaha chinatweshi kuyikuhwelela chikupu munsaŋu jejima.