Read MUKANDA WANZAMBI 2 Makorinte 9 Bible Online

2 Makorinte 9 - MUKANDA WANZAMBI bible

2 Makorinte 9

¹Nsaŋu yakukwasha akwakujila; ami hinamoni nsaŋu yakuyisonekela mukandaku.

²Muloŋa neluka dehi nami nyichima yenu yaya dehi mukwila chumichi, dichi chinadisambaŋa nachu kudi akwaMasidoniya, nami akwaAkaya aloŋesha dehi munahiti dehi niinwaka; niŋovu yenu yimunakalakali nachu yinaleteshi Ŋovu mudi antu amavulu.

³Ilaŋa natemeshapahu dehi mana kwetu kulonda mudiloŋeshaŋahu dehi neyi chinahosheli; nalondi nami chinadisambapa hansaŋu yenu chibuli kusawuka.

⁴Kuchina kwila neyi nakenza nawakwetu akuMasidoniya, akayiwana kanda mupompeshi yuma, etu twakatiya nsonyi, ninenu nawa, nachikuhwelela ichi chitunayikuhweleli.

⁵Dichi natoŋojoki nami chachiwahi kuyilembelela ana kwetu akenzaŋahu dehi kudenu, kulonda akaloŋeshaŋahu dehi chamukunkulu chenu chimwakanini, kulonda chakeli chakuloŋesha dehi, chiikali chaluwi hohu, bayi chakukanjikijaku.

⁶Ilaŋa muntu wukukuwa yantesha wakaaŋula nawa yantesha; muntu wukukuwa yayivulu wakaaŋula nawa yayivulu.

⁷Antu ejima atoŋojoki chachiwahi munyichima yawu hamuntu hamuntu, ahani chakadi kuneŋa hela kumukanjikija; Muloŋa Nzambi wakeŋa a muntu wahanaŋa nakuseha.

⁸Nzambi natweshi kuyivulishila luwi lwejima, kulonda enu anaheteshuwu yuma yejima mafuku ejima, mutweshi kukwasha nachu akwenu nawa nanyidimu yayiwahi yejima.

⁹Mwomwanasonekuwu nawu, Yena naŋalaŋcshi kwejima, nenki atuzweŋi; kuloŋa kwindi kwekala kwoku chahaya nyaka.

¹⁰Yena wenkaŋa mukwakukuwa mbutu niyuma yakudya, wakayinka mbutu jakukuwa, hakuyivulishilaju; hakuyivulishila ninyikabu yakuloŋa kwenu nawa.

¹¹Hakuyihetesha yuma yejima, kulonda mumonaŋa yakuhana; chimukuhana hichikuletesha kumusakilila Nzambi mudetu.

¹²Muloŋa kukwasha akwenu chochichi kwasweja kuletesha kumusakilila Nzambi, hikwakumina dakuwanisha mwabulilawu akwakujila hohuku.

¹³Chakulemeshawu Nzambi nakukwashiku, akwila nawu mwasweja kwovwahila kwitiya kwenu kumwetiya nsaŋu yaKristu yayiwahi, nanichi chimukusweja kuyikwasha niwena niantu ejima.

¹⁴Wena nawa hiyakuyilembelela, nikufwila kuyimona nawa, nanolu luwi lwaNzambi lunasweji nankashi mudenu.

¹⁵Tumusakililenu Nzambi nansaŋu yachamukunkulu chindi chakaŋanya kushimunewa.