Read MUKANDA WANZAMBI Maefese 5 Bible Online

Maefese 5 - MUKANDA WANZAMBI bible

Maefese 5

¹Dichi ikalenu akwakwimbujola Nzambi, neyi anyana akeŋewa.

²Endenu nakukeŋa neyi chatukeŋeliyi Kristu, hakudihana hansaŋu jetu ekali himulambu, nichimuna chakuketwila Nzambi, kulonda ekali ivumba dadiwahi.

³Hakwila wuvumbi, nawuzondu wamumuchima wejima, hela Iwisu, bayi muyitenaŋa mukachi kenuku, dimu mwatelela akwakujila;

⁴hela wuzondu, hela kuhosha kwawuhewu, hela kuseŋula; yumoyu hiyatelaku, chiŋa kusakilila hohu.

⁵Muloŋa mweluka dehi chalala nenu chivumbi, hela muntu wazonda mumuchima, hela mukwalwisu, hohamu nakupesha, hakweti wuswana muwanta waKristu naNzambuku.

⁶Bayi ayidimba kudi muntu namazu akuhemeshaku; muloŋa hansaŋu yayumiyi dihu henjilaŋa kuzuwa kwaNzambi hadi akwakujikwa.

⁷Dichi bayi mudibomba nawuku;

⁸muloŋa mwadiŋilaŋa mwidima, kwinza katataka muneli dehi chejeji mudi Mwanta; endenuŋa neyi akwachejeji,

⁹nakushinshika yuma yamutiyishaŋa Mwanta kuwaha;

¹⁰Muloŋa nyikabu yachejeji yekala muyuma yayiwahi niyaloŋa niyalala yejima.

¹¹Bayi mukundaŋana nayuma yelaŋawu mumwidimaku, chiŋa kuyikonkolola.

¹²Muloŋa chi kweti nsonyi hela kutena yuma yakujinda yelaŋawu.

¹³Ilaŋa yuma yakukonkololawu yejima ayimwekeshaŋa kudi chejeji; muloŋa chuma chanamwekeshuwu chinekali dehi chejeji.

¹⁴Dichi nawu, Eyi wakamaŋa tulu tonaku, saŋukaku mudi afu kulonda Kristu akutoŋekeli.

¹⁵Dichi babalenu mumukwendela. Bayi mwendaŋa neyi antu abula maanaku, endenu neyi akwamaana.

¹⁶Kwatilenu mafuku akuhita maana, muloŋa himwaka watama.

¹⁷Dichi bayi mubula maanaku, shinshikenu mwaya muchima waMwanta.

¹⁸Bayi musheta walwaku, chaletaŋa ipumba, ilaŋa inzalenu Spiritu.

¹⁹Hoshenuŋa muntu namukwawu namasamu nitumina nitumina twawuspiritu, namuchima wakumwimbila Mwanta chachiwahi;

²⁰nakusakilila Nzambi, yowu Tata, mwijina daMwanta wetu Yesu Kristu, mwahita yuma yejima, mafuku ejima.

²¹Ilenuŋa iwu ovwahila mukwawu, iwu ovwahila mukwawu, nanochu chimwa-mwakamaŋa Kristu.

²²Enu ambanda, ovwahilenu anfumu jenwenu aweni neyi chimwovwahilaŋa Mwanta.

²³Muloŋa iyala diyi namutu wamumbanda, chochadiyi Kristu namutu wachipompelu, diyi Chamwinu chamujimba.

²⁴Dichi chovwahilaŋa chipompelu Kristu, niambanda nawa chiŋa ovwahilaŋa anfumu jawu muyuma yejima.

²⁵Enu amayala, keŋenu aŋodi jenu neyi chakeŋeliyi Kristu chipompelu, hakudihanahu yomweni kuchikoola.

²⁶Kulonda chanachitookeshiyi dehi, achiliki nakuchiwelesha nameji amazu;

²⁷kulonda adinki yomweni chipompelu chalubanji, chakadi ihuji, hela nyiku, hela yuma yidi ochu; chiikali chajila, chakadi hakuchinkela muloŋa.

²⁸Mwomumu ni amayala niwena akeŋi aŋodi jawu aweni neyi chakeŋawu nyijimba yawu. Muntu wakeŋa a Iŋodindi wadikeŋa yomweni.

²⁹Muloŋa hikwekala muntu wakwatahu dehi nkunyi namujimba windi yomwenuku, wawudiishaŋa nikuwuhemba, chochelaŋayi Kristu nachipompelu nawa;

³⁰muloŋa etu yetu yidi yamujimba windi.

³¹Hansaŋu iyi iyala chiŋa ashiyi tata yindi nimama yindi, adibombi naŋodindi, niwena ayedi akekali mujimba wumu.

³²Nsaŋu iyi yakujinda yalema, nateni Kristu nachipompelu.

³³Ninenu ejima, keŋenu aŋodi jenu, iwu nakukeŋa windi, iwu nakukeŋa windi, neyi chimwadikeŋaŋa enu aweni; nimumbanda aakamaŋa nfumwindi.