Read MUKANDA WANZAMBI 1 Matesalinika 4 Bible Online

1 Matesalinika 4 - MUKANDA WANZAMBI bible

1 Matesalinika 4

¹Nkumininaku enu ana kwetu, tunayilembeleli nakuyikonkomwena mudi Mwanta Yesu, netu mwendi nakumutiyisha Nzambi kuwaha mumwatiyili kudetu; ninichi dimu mwendelaŋa, muswejeshumu.

²Muloŋa muneluki chitwayilejeli mudi Mwanta Yesu.

³Muloŋa dimu mwanakeŋiyi Nzambi, nakeŋi nindi mujili, muleki wuvumbi;

⁴wejima wenu mwiluki chachiwahi kuheta iwu mujimba windi, iwu mujimba windi, nakujila nakalemesha;

⁵bayi nakufwila yawuvumbuku neyi ajentili anabuli kumwiluka Nzambi;

⁶kulonda kubuli muntu wukumotoka, hela kumwila mana kwindi chatama hansaŋu iyi; muloŋa Mwanta diyi mukwakutenda hansaŋu ŋi jejima, mwomutwayilejeli dehi, mutwakolesheli.

⁷Muloŋa Nzambi hatutambikilili wuzonduku, watutambikilili kujila.

⁸Dichi yowu wukudiwulamu hanadiwuli muntuku, nadiwuli Nzambi wayinkaŋa a Spiritu yindi Wajila.

⁹Nsaŋu yakukeŋa ana kwenu, hichikweti kuyisonekelaku; Muloŋa yileja dehi enu aweni kudi Nzambi, nindi keŋaŋanenu.

¹⁰Eŋaŋi, chalala mwakeŋa aŋa ana kwenu ejima adi muMasidoniya mwejima. Ilaŋa enu ana kwetu, hitukuyilembelela netu muswejeshumu.

¹¹Mukeŋi nankashi kushakama nakumwena, nakudowa, nakukalakala namakasa mwomutwayilejeli dehi;

¹²kulonda mwendi chalumbuluka kumesu awantu adi hanzi, kulonda mubuli kukaankila chuma nichimu.

¹³Enu ana kwetu, hitunakeŋenu kuyamba nsaŋu yawakwetu anakami dehi tuluku, kulonda mubuli kutiya wushona, neyi chatiyaloŋawu antu acheŋi anabuli hakuchiŋejela.

¹⁴Chitunetiyi netu Yesu wafwili wasaŋukili cheŋi, dichi nawa niwena anakami tulu mudi Yesu, Nzambi wakayileta chimu nindi.

¹⁵Muloŋa tukuyileja nezu daMwanta, netu etu amomi, tuchidi hanu kushika hakenzayi Mwanta, hiyetu twakasambilaŋahu dehi kuya, akwetu anakami tulu atulondeli munyimaku.

¹⁶Muloŋa yomweni Mwanta wakasuluka kwiwulu nakabobobu, nezu damukulumpi wawaŋelu, nampùŋa yaNzambi; niafu amudi Kristu diwu akasambila kusaŋuka.

¹⁷Hohenohu ninetu amomi tuchidi hanu, akatu hukwila chimu nawu mumavu, kulonda twakahumaŋani naMwanta muluzwizu; dichi hitwakekala naMwanta haya nyaka.

¹⁸Dichi dikundejenu namazu awa.