Read MUKANDA WANZAMBI Joshua 12 Bible Online

Joshua 12 - MUKANDA WANZAMBI bible

Joshua 12

¹Tiyenu anyanta etuŋa atapiluwu anyana kaIsarela, hiyakutambulani ituŋa dawu kwishinadi daYodana mbadi yatuntukilaŋa itagwa, kufumisha kuchinekineki chaArinoni kutwala nikumpidi yaHerimoni, niyana yejima yambadi yamusela;

²Sihoni mwanta wawaAmori washakamini muHeshiboni, wadiŋi mwanta wawu kufumisha kuArowenai, hansa yachinekineki chaArinoni, nihakachi kachinekineki, nichibalu chimu chaGileyadi nakutwala kukaloŋa Yaboki, dimu muŋinza yawanyana kaAmoni;

³nichana chakwata nikukaluŋalwiji kaKineroti, mbadi yamusela, nakutwala nikwijiya dakuchana, dodu Ijiya Damugwa, mbadi yamusela, njila yakuya kuBetiyeshimoti; nikumbadi yakabeta kakuchidiilu kwakunkumukila nyikandu yaPisiga;

⁴nimuŋinza yaOŋi mwanta wakuBashani yowu washeluhu hadiŋi aRefwa, washakamini nikuAshataroti nikuEdereyi,

⁵wadiŋi mwanta wawu nimuHerimoni, nimuSaleka nimuBashani yejima ndo nikuŋinza yawaGeshuri, niyawaMayakati, nichibalu chimu chaGileyadi, dimu muŋinza yaSihoni mwanta wakuHeshiboni.

⁶Kambuŋa Yehova Mosi nianyana kaIsarela ayitapili. Kambuŋa Yehova Mosi wayinkeli dawu dakuheta, dambala dawaRubeni, nidawaGadi, nidamuchidi waManase wachibalu.

⁷Tiyenu anyanta etuŋa atapiluwu aYoshuwa nawanyana kaIsarela ishinadi daYodana damujika, kufumisha kuBayali Gadi muchinekineki chaLebanoni nakutwala kumpidi yaHalaka yaya kuSeyiri. Yoshuwa wayinkelidu nyichidi muza wawantu aswejeli kutaluka, yawaIsarela dawu dakuheta mwomwadambwililuwu;

⁸nimwituŋa damapidi, nidakunkumuka, nidayana, nidanyikandu, nidesaŋa, nimwituŋa dakukabeta kakuchidiilu, nikaHiti, nikaAmori, nikaKenani, nikaPerizi, nikaHivi, nikaYebusi;

⁹wumu, mwanta wakuYeriku, wumu, mwanta wakuAyi, wekala kumbadi yaBeteli;

¹⁰wumu, mwanta wakuYerusalema, wumu, mwanta wakuHeberoni;

¹¹wumu, mwanta wakuYaramuti, wumu, mwanta wakuLakishi;

¹²wumu, mwanta wakuEgeloni, wumu, mwanta wakuGezeri;

¹³wumu, mwanta wakuDebiri, wumu, mwanta wakuGederi;

¹⁴wumu, mwanta wakuHorama, wumu, mwanta wakuArada;

¹⁵wumu, mwanta wakuLibina, wumu, mwanta wakuAdulami;

¹⁶wumu, mwanta wakuMakeda, wumu, mwanta wakuBeteli;

¹⁷wumu, mwanta wakuTapuwa, wumu, mwanta wakuHefwenai;

¹⁸wumu, mwanta wakuAfweki, wumu, mwanta wakuLasharoni;

¹⁹wumu, mwanta wakuMadoni, wumu, mwanta wakuHazori;

²⁰wumu, mwanta wakuShimironi Meroni, wumu, mwanta wakuAkishafwa;

²¹wumu, mwanta wakuTanaki, wumu, mwanta wakuMegido;

²²wumu, mwanta wakuKadeshi, wumu, mwanta wakuYokineyami wamuKarameli;

²³wumu, mwanta wakuDori wamunamutumba waDori, wumu, mwanta wawaGowimi muGiligali;

²⁴wumu, mwanta wakuTiriza; anyanta ejima makumi asatu namwanta wumu.