Read MUKANDA WANZAMBI Joshua 15 Bible Online

Joshua 15 - MUKANDA WANZAMBI bible

Joshua 15

¹Mwasakwililuwu muchidi wawanyana kaYuda nachinjikijilu mwahita yisaka yawu mwashikili kuŋinza yaEdomi nikwisaŋa daZini kukabeta kakuchidiilu, kukabeta kakuchidiilu kwakweni kunsa.

²Ŋinza yawu yakabeta kakuchidiilu yafumini kwakumina Ijiya Damugwa kwokumwendu wadu watala kukabeta kakuchidiilu;

³wayili mbadi yakabeta kakuchidiilu hamukandu waAkarabimi, yahitili nikuZini, yakandukili kumbadi yaKadeshi Baraneya yakabeta kakuchidiilu, yahitili nikuHezeroni, yakandukili kuAdara, yanyegumukili nakuya kuKaraka;

⁴yahitili nikuAzamoni yiidika nikukaloŋa kaEjipitu; ŋinza yina yakuminini kukaluŋalwiji; yeniyi diyi yikwikala ŋinza yenu yakukabeta kakuchidiilu.

⁵Ŋinza yakumusela yowu Ijiya Damugwa nikwakumina Yodana. Ŋinza yamutamba wakukabeta kakuchimunswa yafumini kumwendu wejiya kwakumina Yodana.

⁶Ŋinza yina yakandukili kuBetihoŋala, yahitili kumbadi yaBetaraba yakabeta kakuchimunswa; ŋinza hiyikukandukila nikwilola daBohana mwana kaRubeni.

⁷Ŋinza yakandukili kuDebiri nakufuma muchinekineki chaAkori, hiyikuya nikukabeta kakuchimunswa nakutalisha kuGiligali, watala mesu kumukandu waAdumimi, wekala ishinadi dakaloŋa dakabeta kakuchidiilu; ŋinza yahitili nikumeji akuEnshemeshi, yakuminini kuEnirogeli.

⁸Ŋinza yakandukilili kuchinekineki chamwana kaHinomi nakuya kumbadi yawaYebusi yakukabeta kakuchidiilu, diku kuYerusalema; ŋinza yakandukili nikunamutu wampidi yemana kuchinekineki chaHinomi kumujika, chekala kwakumina muhoŋi wawaRefwa mbadi yakukabeta kakuchimunswa.

⁹Ŋinza ayipimini kufumisha kunamutu wampidi nakutwala kukaseloki kameji akuNefwetowa, yayili nikunyikala yamumpidi yaEfwenaoni; ŋinza ayipimini nikuBayalahi, diyi Kiriyati Yeyarimi.

¹⁰Ŋinza yanyegumukili Bayalahi nakuya kumujika kumpidi yaSeyiri, yihita nikumbavu yampidi yaYeyarimi yakabeta kakuchimunswa, diyi Chesaloni, hiyikukunkumuka nikuBetishemeshi, nakuhita kuTimina.

¹¹Ŋinza yedikili nikumbadi yaEkeroni yakabeta kakuchimunswa; ŋinza ayipimini nikuShikeroni, hiyikuhita nikuhita nikumpidi yaBayala, hiyikwidika nikuYabaneyeli; ŋinza kuyakuminini kwokukaluŋalwiji.

¹²Ŋinza yakumujika yashikili kwokukaluŋalwiji keneni, nikumukulishu waku. Dimu muŋinza yawanyana kaYuda kwi-ndo mwahita yisaka yawu.

¹³Wamwinkeli mwana kaYefune Kalebi iseka damukachi kawanyana kaYuda; mwomwaya lushimbi lwaYehova lwalejeliyi Yoshuwa, wowu mukala waAraba, yenowu diyi tata yaAnaki; diku kuHeberoni.

¹⁴Kalebi watemwinumu anyana kaAnaki asatu amayala, iwu Sheshayi, iwu Ahimani, iwu Talamayi, wowu anyana kaAnaki.

¹⁵Wanyamukili kwenoku nakuya nakudasa naweniDebiri; ijina daDebiri hakusambila dadiŋi Kiriyati Sefwenai.

¹⁶Kalebi welili nindi, Yowu wukutapa Kiriyati Sefwenai nakuwulukuka nakamwinka mwanami Akisa asumbuli.

¹⁷Otiniyeli, mwana kaKenazi mana kwaKalebi, owulukuka nikuwulukuka; wamwinkeli mwanindi Akisa, nindi sumbulaku.

¹⁸Cheliliyi nenzi dehi kudi yena, hakumukanjikija iyala amulombi tata yindi iha. Wasulukili hachimbulu chindi; Kalebi wamwilili nindi, Wunakeŋidi?

¹⁹Yena mumbanda nindi, Nkiswili nkisu; wunanyinki ituŋa dakabeta kakuchidiilu, nyinki nituseloki. Kalebi wamwinkeli tuseloki nitwakundundamu nitwakunkulu.

²⁰Weniwu diwu wuswana wamuchidi wawanyana kaYuda mwahita yisaka yawu.

²¹Nyikala yamaneni yadiŋi kwakumina muchidi wawanyana kaYuda, mbadi yaŋinza yaEdomi, kukabeta kakuchidiilu yadiŋi niKabezeyeli, niEderi, niYaguri;

²²niKina, niDimonaha, niAdada;

²³niKedeshi, niHazori, niltinani;

²⁴niZifwi, niTelemi, niBeyaloti;

²⁵niHazorihadata, niKeriyoti Hezeroni, diwu Hazori;

²⁶niAmama, niShema, niMolada;

²⁷niHazaraŋada, niHeshimoni, niBetipeleti;

²⁸niHazarashuwali, niBerisheba, niBiziyotiya;

²⁹niBayalahi, nilyimi, niEzemi;

³⁰niEletoladi, niChesili, niHorama;

³¹niZikilaŋi, niMadamana, niSanesana;

³²niLebayoti, niShilihimi, niAyina, niRimoni; nyikala yamaneni yejima makumi ayedi ninyikala yitanu nayiwana, ninyikala yayu yanyanya.

³³Kwakunkumuka, niEshetawoli, niZora, niAshena;

³⁴niZanowa, niEnŋanimi, niTapuwa, niEnama;

³⁵niYaramuti, niAdulami, niSoko, niAzeka;

³⁶niSharayimi, niAditayimi, niGedera, niGederotayimi; nyikala yamaneni ikumi nayiwana ninyikala yayu yanyanya.

³⁷NiZenana, niHadasha, niMigidaligadi;

³⁸niDilani, niMizipa, niYoketeyeli;

³⁹niLakishi, niBozekati, niEgeloni;

⁴⁰niKaboni, niLahamami, niChitilishi;

⁴¹niGederoti, niBetidagoni, niNayamaha, niMakeda; nyikala yamaneni ikumi nayitanu nawumu ninyikala yayu yanyanya.

⁴²NiLibina, niEteri, niAshani;

⁴³nilfwata, niAshenahi, niNezibi;

⁴⁴niKeyila, niAkizibi, niMaresha; nyikala yamaneni yitanu nayiwana ninyikala yayu yanyanya.

⁴⁵Iwu Ekeroni, nimatawuni awu ninyikala yawu yanyanya;

⁴⁶kufumisha kuEkeroni nikukaluŋalwiji, nyikala yamaneni yejima yakumbadi yaAshidodi, ninyikala yayu yanyanya.

⁴⁷NiAshidodi nimatawuni awu ninyikala yawu yanyanya; niGaza nimatawuni awu ninyikala yawu yanyanya, kushika nikukaloŋa kaEjipitu, nikaluŋalwiji keneni, nikumukulishu waku.

⁴⁸Mwituŋa damapidi, niShamiri, niYatiri, niSoko,

⁴⁹niDanena, niKiriyati Sana, diwu Debiri;

⁵⁰niAnabi, niEshetemowa, niAnimi;

⁵¹niGosheni, niHoloni, niGilohi; nyikala ikumi nawumu ninyikala yayu yanyanya.

⁵²NiAraba, niDuma, niEshana;

⁵³niYanimi, niBetitapuwa, niAfweka;

⁵⁴niHumitahi, niKiriyati Araba, yowu Heberoni, niZiyori; nyikala yamaneni yitanu nayiwana ninyikala yayu yanyanya.

⁵⁵NiMawoni, niKarameli, niZifwi, niYuta;

⁵⁶niYezereyeli, niYokedeyami, niZanowa;

⁵⁷niKayini, niGibeya, niTimina; nyikala yamaneni ikumi ninyikala yayu yanyanya.

⁵⁸NiHalihuli, niBetizuri, niGedori;

⁵⁹niMayarata, niBetianoti, niEletekoni; nyikala yamaneni yitanu nawumu ninyikala yayu yanyanya.

⁶⁰NiKiriyati Bayali, yowu Kiriyati Yeyarimi, niRaba; nyikala yamaneni yiyedi ninyikala yayu yanyanya.

⁶¹Mwisaŋa, niBetaraba, niMidini, niSekaka;

⁶²niNibishana niMukala Wamugwa, niEngedi; nyikala yamaneni yitanu nawumu ninyikala yayu yanyanya.

⁶³Hakwinza aYebusi, wowu eniYerusalema, anyana kaYuda hiyatwesheli kuyitemuna mwokuku; ilaŋa aYebusi ashakama nawanyana kaYuda kuYerusalema nikulelu.