Read MUKANDA WANZAMBI Joshua 19 Bible Online

Joshua 19 - MUKANDA WANZAMBI bible

Joshua 19

¹Chinjikijilu chamuchiyedi chamwekeneni Simeyona, chambala chamuchidi wawanyana kaSimeyona mwahita yisaka yawu; wuswana wawu wadiŋi mukachi kawuswana wawanyana kaYuda.

²Wuswana wadiŋi iwu Berisheba hela Sheba, iwu Molada;

³iwu Hazara Shuwali, iwu Bala, iwu Ezemi;

⁴iwu Eletoladi, iwu Betulu, iwu Horama;

⁵iwu Zikilaŋi, iwu Betimarakaboti, iwu Hazara Susa;

⁶iwu Betilebayoti, iwu Sharuheni; nyikala yamaneni ikumi nayisatu ninyikala yayu yanyanya;

⁷iwu Ayini, iwu Rimoni, iwu Eteri, iwu Ashana; nyikala yamaneni yiwana ninyikala yayu yanyanya;

⁸ninyikala yanyanya yejima yadiŋi yakundama kunyikala yenoyu yamaneni nikuBayalatabera, Rama wakukabeta kakuchidiilu. Weniwu diwu wuswana wamuchidi wawanyana kaSimeyona mwahita yisaka yawu.

⁹Mwomwiseka damuchiyedi wawanyana kaYuda dimu mwadiŋi wuswana wawanyana kaSimeyona, muloŋa iseka dawanyana kaYuda dayitoheleli, dichi anyana kaSimeyona atambwili wuswana mukachi kawuswana wawu.

¹⁰Chinjikijilu chamuchisatu chamwekeneni anyana kaZebuluni mwahita yisaka yawu. Ŋinza yawuswana wawu yashikili nikuSaridi.

¹¹Ŋinza yawu yakandukilili kumujika nikuMarala, yashikili nikuDabesheti, yashikili nikukakaloŋa kadi kwakwihi naYokineyami;

¹²yabalumukilili kuSaridi hiyikuya kumusela kwatuntukilaŋa itaŋwa nikuŋinza yaChisoloti Tabori; yiidika nikuDaberata, yikanduka nikuYafwiya;

¹³kufuma kwenoku hiyikuhita nakutalisha kumusela hiyikuya nikuGati Hefwenai, kuEtikazini, yiidika nikuRimoni, washika kuNeya;

¹⁴ŋinza yanyeŋumukili kumutamba wakabeta kakuchimunswa, hiyikuya nikuHanatoni; kuyakumini kwokuchinekineki chaIfwataheli;

¹⁵niKatati, niNahalala, niShimironi, nildala, niBetelemi; nyikala yamaneni ikumi nayiyedi ninyikala yayu yanyanya.

¹⁶Weniwu diwu wuswana wawanyana kaZebuluni mwahita yisaka yawu, nyikala yamaneni yoyeniyi ninyikala yayu yanyanya.

¹⁷Chinjikijilu chamuchiwana chamwekeneni Isakari, wowu anyana kaIsakari mwahita yisaka yawu.

¹⁸Ŋinza yawu yashikili nikuYezereyeli, nikuKesuloti, nikuShunemi;

¹⁹nikuHafwarayimi, nikuShiyoni, nikuAnaharata;

²⁰nikuRabiti, nikuKishiyoni, nikuEbezi;

²¹nikuRemeti, nikuEnŋanimi, nikuEnihada, nikuBetipazezi;

²²ŋinza yashikili nikuTabori, nikuShahazuma, nikuBetishemeshi; ŋinza yawu kuyakumini kwokuYodana; nyikala yamaneni ikumi nayitanu nawumu ninyikala yayu yanyanya.

²³Weniwu diwu wuswana wamuchidi wawanyana kaIsakari mwahita yisaka yawu, nyikala yamaneni ninyikala yayu yanyanya.

²⁴Chinjikijilu chamuchitanu chamwekeneni muchidi wawanyana kaAsheri mwahita yisaka yawu.

²⁵Ŋinza yawu yadiŋi niHelikata, niHali, niBeteni, niAkishafwa;

²⁶niAlameleki, niAmada, niMishali; yashikili nikuKarameli kumujika, nikuShihori Libinati;

²⁷yibalumuka hiyikuya nikwatuntukilaŋa itaŋwa kuBetidagoni, yishika nikuZebuluni, hiyikuya nikukabeta kakuchimunswa kuchinekineki chakuIfwateli, nikuBetemeki nikuNeyeli; yiidika nikuKabuli kuchikasa chachidiilu;

²⁸nikuEberoni, nikuRehobi, nikuHamoni, nikuKanahi ndo nikuZidoni muneni;

²⁹ŋinza yabalumukili, hiyikuya nikuRama, nikumukala waTira wampwembu; ŋinza yibalumuka hiyikuya nikulosa; kuyakumini kwokukaluŋalwiji kumpata yaAkizibi;

³⁰niUmahi nawa, niAfweki, niRehobi; nyikala yamaneni makumi ayedi nayiyedi, ninyikala yayu yanyanya.

³¹Weniwu diwu wuswana wamuchidi wawanyana kaAsheri mwahita yisaka yawu, nyikala yamaneni yoyeniyi ninyikala yayu yanyanya.

³²Chinjikijilu chamuchitanu nachimu chamwekeneni anyana kaNafwatali, anyana kaNafwatali mwahita yisaka yawu.

³³Ŋinza yawu yafumini kuHelefwi kumukula wamuZayananimi, nikuAdaminekebi, nikuYabeneyeli, yishika nikuLakumi; kuyakumini kwokuYodana;

³⁴ŋinza yibalumuka hiyikuya nikumujika kuAzinoti Tabori, yifuma nikwenoku yiidika nikuHukoki; yashikili nikuZebuluni kukabeta kakuchidiilu; yashikili nikuAsheri hamujika, nikuYuda oku kuYodana mbadi yatuntukilaŋa itaŋwa.

³⁵Nyikala yampwembu yadiŋi niZidimi, niZeri, niHamata, niRakata, niKinereti;

³⁶niAdamahi, niRama, niHazori;

³⁷niKedeshi, niEdereyi, niEnihazori;

³⁸niIroni, niMiŋidali Eli, niHoremi, niBetanata, niBetishemeshi; nyikala yamaneni ikumi nayitanu nayiwana ninyikala yayu yanyanya.

³⁹Weniwu diwu wuswana wawanyana kaNafwatali mwahita yisaka yawu, nyikala yamaneni nanyikala yayu yanyanya.

⁴⁰Chinjikijilu chamuchitanu nachiyedi chamwekeneni muchidi wawanyana kaDani mwahita yisaka yawu.

⁴¹Ŋinza yawuswana wawu yadiŋi niZora, niEshetawoli, nilrishemeshi;

⁴²niShayalabini, niAyŋaloni, niltalahi;

⁴³niEloni, niTimina, niEkeroni;

⁴⁴niEletekehi, niGibetoni, niBayalata;

⁴⁵niYehudi, niBenebaraka, niGatirimoni;

⁴⁶niMeyakaroni, niRakoni, najinza yidi kwakwihi naYopa.

⁴⁷Ŋinza yawanyana kaDani yapandakeni yeniyi, muloŋa anyana kaDani ayili nakulwa naLeshemi, awulukukili, awutapili nampoku yakabali, awutambwili hiwawu, ashakaminumu; atumbili Leshemi nawu Dani, nejina datata yawu Dani.

⁴⁸Weniwu diwu wuswana wawanyana kaDani mwahita yisaka yawu, nyikala yamaneni yoyeniyi ninyikala yayu yanyanya.

⁴⁹Dichi akumisha nikubalola ituŋa diikali wuswana wawu kuŋinza, kuŋinza. Anyana kaIsarela amwinkeli mwana kaNuni Yoshuwa wuswana windi kwadiŋuwu wena,

⁵⁰amwinkeli mukala walombeliyi, wowu waTimonati Sera, mumpata yaEfweremi yamapidi; mwomwalejeliyi Yehova; yena mukala wawutuŋili, washakaminumu.

⁵¹Wenawa diwu mawuswana abalwiluwu kapristu Eleyazari, namwana kaNuni Yoshuwa, niakulumpi jawatata janyichidi yawanyana kaIsarela, ayibalwilili ekali wuswana wawu nachinjikijilu chakusakula nachu, muShilo kumesu aYehova, kuchisu chetenti dakubulakena. Dichi akumisha nikubalola ituŋa.