Read MUKANDA WANZAMBI Joshua 2 Bible Online

Joshua 2 - MUKANDA WANZAMBI bible

Joshua 2

¹Mwana kaNuni Yoshuwa, wawombolweli muShitimi amayala ayedi ayi nakwendesha. Wayilili nindi, Yenu mwakatali niituŋa niYeriku. Ayili, ashikeneni mwitala damumbanda chivumbi, ijina dindi Rahaba. Hiyakukama mwenomu.

²Amulejeli mwanta wakuYeriku, nawu, Lelunawufuku munenzi amayala awanyana kaIsarela, anenzi nakwendesha ituŋa.

³Mwanta wakuYeriku watumesheli kudi Rahaba, nin di, Idishaku amayala anenzi kuwu deyi, ana waleja mwitala deyi; muloŋa anenzi nakwendesha ituŋa dejima.

⁴Mumbanda wanoneni ana amayala ayedi, hakuyisweka, hakwila nindi, Awa amayala mwalala enza kudami, ami kwamihineluka kwafumawuku.

⁵Hana helawu hiyakukeŋa kupata kuchisucha mukala, kuneli dehi bwi-i, mayala edika nikwidika. Kwayawu mayalaami kwiluka nehi. Yilonde lenu lufuchi, mwakayikwata.

⁶Komanawayi kandamisha dehi hewulu detala, nayisweki munsachi jafwalakisi yaaliliyi chachiwahi hewulu detala.

⁷Amayala ayilondeleli lufuchi munjila yakuya kuYodana, ashikili nikumwaba. Chedikiluwu ana akuya nakuyilondela apata nikupata chenzelu chamukala.

⁸Hachiduwu kanda akami, yena mumbanda wakandamini hewulu detalahadiŋuwu,

⁹wayilili ana amayala, nindi, Neluki nami Yehova nayinkiitu pidi, twa yifwa dehi mutentu, niantu ejima ashakama mwitu pa chanatiyuwu enu ananowi dehi.

¹⁰Muloŋa tuna tiyi chomishiliyi Yehova meji muKalupa lwŋi Kachinana kumwenjilapenu, himwafuminenu muEjipitu; nimumwayikopeli anyanta ayedi awaAmori, adiŋi kwisninadi daYodana, wowu aSihoni naOŋi, imwajilishili chikupu.

¹¹Chitwa chitiyili, nyichimayetu hiyikunowa; chitwa yitiyili hikwasheli muntu wakúumik aku; muloŋa Yehova Nzambi yenu yena diyi Nzambi wamwiwulu niwahanu heseki.

¹²Dichi dinu, nanochu chinayili chachiwahi, nayilembeli nami nsanyikilenu Yehova, nenu, Twaka yila chachiwahi akumutaŋa watata yeyi. Munyinki chinjikijilu chalala;

¹³mwakahandishi nitata yami, nimamayami, niana kwami amayala, niana kwami awambanda, niyuma yawu yejima, mwakahandishi wumi wetu tubuli kufwa.

¹⁴Amayala amwilili nawu, Neyimwakabula kushimuna iyi nsaŋu yetu, twakakumina dakuyifwila hanyijimbayenu, chakelayi Yehova natwinki dehi ituŋa twakakwila chachiwahi chakadi kudimbana.

¹⁵Yena mumbanda hakuyizelumwina mwipwata namwonji, muŋatala dindi dadipi hampwembu yamukala, yena kwindi wadiŋi watuŋa hampwembu.

¹⁶Wayilili nindi, Yenu kumpidi, akuyilondela akendakayikwata, kabatamenuku mafuku asatu, nichakafuntawu akuyilondela, ninenu mwakayi kwenu.

¹⁷Amayala amwilili nawu, Kusanyika kuwunatusanyikishi etu kwe tu hitwakawana hoku muŋaku.

¹⁸Tala, chitwakenza mwituŋa, yeniyi mbalawanda yichinana wakayikasila mwipwata muwunatuzelumwini, wakapompeshela mwitala deyi nitata yeyi, nimama yeyi, nianakweyi, niakwetala datata yeyi ejima.

¹⁹Hakwinza wakedika mwitala deyinakuya mumukwakwa, nsaŋu jindi jakamukumina yemweni, oju kwetuhiŋetuku. Yowu wakekala nindi mwitala, neyi akamwila chuma, ojuhi nsaŋu jetu, jakatukumina.

²⁰Ilaŋa neyi wakashimuna iyi nsaŋu yetu hitwakawana muŋa hakusanyika kuwunatusanyikishuku.

²¹Welili nindi, Mwomu nayi mazu enu, mwomutwakelila. Wayilili nindi, Yenu. Hiyakuya. Yena wakasili mbalawanda yina yichinana mwipwata.

²²Wena ayili, ashikili kumpidi, ajipililuku mafuku asatu, nichafuntiluwu ana ayilondeleli. Ana ayilondeleli ayikepeli kepe-e njila yejima, kuyimonanehi.

²³Nochu ana amayala ayedi afu ntili, akunkumukili hampidi, azambukili, enjili kudi mwana kaNuni Yoshuwa, amushimwinini mwejima mwamwenuwu.

²⁴Amwilili Yoshuwa, nawu, Chalala Yehova natwinki dehi etu ituŋa dejima; antu ejima ashakama mwituŋa chana tutiyuwu ananowi dehi.