Read MUKANDA WANZAMBI Joshua 20 Bible Online

Joshua 20 - MUKANDA WANZAMBI bible

Joshua 20

¹Yehova wahosheli naYoshuwa,

²nindi, Hoshaku nawanyana kaIsarela, neyi, Ambulenu nyikala yenu yakupulukila, yina yinayishimwini kukanwa kaMosi,

³kulonda mbanji najahi mukwawu chakuluwukila chakadi kwiluka, akatemukiluku; yakekali nyikala yenu yakupulukila, kuchina mukwakutenda mukwawu anajahuwu.

⁴Akatemukili kumukala owu, akemani kuwiŋililu wakuchisu chamukala, akashimuni nsaŋu yindi kudi awakulumpi amukala wuna, wena akamutambuli mumukala mwaduwu, akamuleji mwakushakama kulonda ashakami nawu.

⁵Neyi mukwakutenda mukwawu wakamuhaŋa owu mbanji, bayi akamwinkayi owu muntuku, muloŋa yena watapili mukwawu chakadi kwiluka, hakusambila hadikwatili nindi nkunyuku.

⁶Yena akashakami mumukala wuna nichichakemanayi kumesu achipompelu nakumusompesha, nichichamba kafwayi kapristu muneni wakitunafuku ana; henohu mbanji akafunti cheŋi, akayi kumukala wawu, kwitala dindi, kwoku kumukala kwafuminiyi hatemukihyi.

⁷Nochu ajilikili niKedeshi wakuŊaliliya kuna kwituŋa daNafwatali damapidi, niShekemi wakwituŋa dakuEfweremi damapidi, niKiriyati Araba, diyi Heberoni, wakwituŋa daYuda damapidi.

⁸Kwishinadi daYodana kuYeriku mbadi yamusela, aambwili niBerezi mwisaŋa muchana, kumuchidi waRubeni, niRamoti Gileyadi kumuchidi waGadi, niGolani muBashani kumuchidi waManase.

⁹Yeniyi diyi nyikala yaambwililuwu anyana kaIsarela ejima, niafuma mumatuŋa acheŋi, kulonda muntu najahi mukwawu chakuluwukila akatemukiluku, akabuli kumujaha kudi mukwakutenda, nichichamba kemanayi kumesu achipompelu.