Read MUKANDA WANZAMBI Joshua 24 Bible Online

Joshua 24 - MUKANDA WANZAMBI bible

Joshua 24

¹Yoshuwa wapompesheli nyichidi yaIsarela yejima kuShekemi, wayitambikili niakuhtmpi jawaIsarela, nianyanta jawu, niansompeshi jawu, niatulala twawu; emeni kumesu aNzambi.

²Yoshuwa wayilili antu ejima nindi, Tiyenu chanahoshiyi Yehova, Nzambi yaIsarela, nindi, Ankakulula jenu hamwaka ashakamini kwishinadi daKaloŋa, wowu aTera tata yaAbarahama tata yaNahori. Apeshelaŋa akishi.

³Namufumishili nkakulula yenu Abarahama kwishinadi daKaloŋa, namuhitishili mwituŋa daKenani dejima, navulishili anyanindi, namwinkeli Isaka.

⁴Isaka namwinkeli Yakoba naEsawu; Esawu namwinkeli mpidi yaSeyiri, nami ayiheti yiikali yindi. Yakoba nawanyanindi akunkumukilili muEjipitu.

⁵Natemesheli Mosi naAroni, nakatishili Ejipitu nayipúpu yinelili mukachi kawu; nkumininaku hinukuyiidishamu.

⁶Ankakulula jenu nayiidishili muEjipitu; enu mwashikili kukaluŋalwiji; aEjipitu ayihaŋili ankakulula jenu namakálu anjita nawantu akwendela hatuwalu, hage-e nikuKaluŋalwiji Kachinana.

⁷Chalembeleluwu kudi Yehova, washili mwidima hakachi kenu nawaEjipitu, wayikumpwilili meji akaluŋalwiji, wayijiyishili mumeji; mesu enu amweni yinelili muEjipitu; mwashakamini mwisaŋa nyaka yayivulu.

⁸Nayitweli mwituŋa dawaAmori, dekala kwishinadi daYodana; wena alwili nenu; nayinkeluwu, enu mwaheteli ituŋa dawu; nayijilumwininuwu kumukuyenu.

⁹Mwana kaZipori Balaki, mwanta wakuMowabi, yonyamuka nikunyamuka, hakulwa nawaIsarela; watemesheli nakutambika mwana kaBeyori Balami, nindi enzi ayishiŋi.

¹⁰Ilaŋa mi kwami Balami hinamwitŋiluku; dichi yena kwakuyikiswila nkisu hohu; niyamwina nikuyamwina kudi yena.

¹¹Mwazambukili Yodana, himukushika nikui Yeriku; eniYeriku, niaAmori, niaPerizi, niaKenani, niaHiti, niaGiraŋashi, niaHivi, niaYebusi alwili nenu, ami nayinkeluwu.

¹²Nayitwamŋililuku amayanvu, ayitemwininuwu anyanta awaAmori ayedi kumwayilagenu; hiwayitemwini kweyi nampoku yeyi yakabali indi kwiji nawuta weyi wamukunjuku.

¹³Nayinkeli ituŋa dakadi kukabakenamu nyidimu enu aweni, ninyikala yákubula kutuŋa enu aweni, mwomumunashakami; nimatempa anyivinyu, nimatempa anyiolive ákubula kudidimina, dimu mwadyaŋa.

¹⁴Dichi dinu mwakamenu Yehova, mukalakelenu chakadi kudimbana nakashinshi; fumishenu mukachi kenu akishi apeshelaŋawu ankakulula jenu kwishinadi daKaloŋa nimuEjipitu; mukalakelenu Yehova.

¹⁵Neyi enu nenu chatama kumukalakela Yehova, komana tondenu lelu imukukeŋa kukalakela; hela munakeŋi akishi apeshelaŋawu ankakulula jenu kwishinadi daKaloŋa, indi kwiji munakeŋi akishi awaAmori akweti ituŋa dimwashakama; hakwila ami nimutaŋa wami tukumukalakela kwetu Yehova.

¹⁶Kuchinka antu nawu, Etu tumuleki Yehova kulonda tupeshi akishi? Chinjila!

¹⁷Muloŋa Yehova Nzambi yetu diyi watufumishili ninetu niankakulula jetu mwituŋa daEjipitu, mwitala dawudugu, diyi watukogeleli kumesu etu yinjikijilu yina yamaneni, diyi watuhembeli mwejima mutwendeli nimukachi kawantu ejima mutwahitili.

¹⁸Netu Yehova watutemwinini antu ejima, wowu aAmori ashakamini mwituŋa; nochu ninetu tukumukalakela Yehova, muloŋa diyi Nzambi yetu.

¹⁹Yoshuwa wayilili antu nindi, Himukutwesha kumukalakela Yehovaku, muloŋa hiNzambi Wajila; hiNzambi wamukawu, hakayanakena hela i nyiloŋa yenu hela nshidi jenuku.

²⁰Neyi mukumuleka Yehova nakupesha akishi awantu acheŋi, niyena wakabalumuka nakuyila chatama nakuyi-nogesha, kutoŋa yena hakusambila diyi wayikogeli chachiwahi.

²¹Antu amwilili Yoshuwa nawu, Chinjila! Etu kwetu tukumukalakelaŋa Yehova.

²²Yoshuwa wayilili antu nindi, Muyayinsahu akudishimuna enu aweni, nenu munatondi Yehova mumukalakelaŋa. Wena nawu, Tuyayinsahu chi.

²³Yena nindi, Dichi dinu natenu akishi akwacheŋi adi mukachi kenu, talishenu muchima wenu kudi Yehova Nzambi yaIsarela.

²⁴Antu amwilili Yoshuwa nawu, Yehova Nzambi yetu, diyi tukukalakela, izu dindi didu tukutiyilila.

²⁵Nochu Yoshuwa watiyageni nawantu chitiyaŋenu denodu ifuku, wayishilili nilushimbi nichila muShekemi.

²⁶Yoshuwa wasonekeli mazu awa mumukanda wanshimbi jaNzambi; wanoneni ilola deneni, wadimikili mwishina damukula wadiŋi kwakwihi namalala aYehova.

²⁷Yoshuwa wayilili antu ejima nindi, Talenu, ilolidi dikwila chinsahu chakutushimuna, muloŋa dinatiyi mazu aYehova ejima anahoshiyi nanetu; dichi dakela chinsahu chakuyishimuna, mwakenda kadikala Nzambi yenu.

²⁸Yoshuwa wayimwaŋili antu, ayili iwu kuwuswana windi, iwu kuwuswana windi.

²⁹Chimwelili yumiyi yinakumi dehi, mwana kaNuni Yoshuwa, kambuŋaYehova, wafwili. Nyaka yindi yashikili munyaka nkulakaji nanyaka ikumi.

³⁰Amujiikili muŋinza yawuswana windi mwomuTiminati Sera, wekala mumpata yaEfweremi yamapidi, hamutamba wakabeta kakuchimunswa wampidi yaGayashi.

³¹AIsarela amukalakeleli Yehova mafuku aYoshuwa ejima, nimafuku ejima adiŋuwu awakulumpi ashiyiliyi Yoshuwa, elukili mudimu waYehova wakogeleliyi aIsarela wejima.

³²Mafwaha aYosefu asendeluwu aIsarela hafuminuwu muEjipitu, ayijiikili muShekemi, mukachibalu kampata kalandiliyi Yakoba nawanyana kaHamori tata yaShekemi, namali asiliva nkulakaji; elili wuswana wawanyana kaYosefu.

³³Mwana kaAroni Eleyazari, wafwili; amujiikili mumpidi yamwanindi Fwinehasi, yamwinkeluwu mwituŋa daEfweremi damapidi.