Read MUKANDA WANZAMBI Joshua 3 Bible Online

Joshua 3 - MUKANDA WANZAMBI bible

Joshua 3

¹Yoshuwa wanyamukili budidi yayeni, afumini kuShitimi ashikili kuYodana, niyena nianyana kaIsarela ejima. Akamini kwenoku henohu achidi kanda azambuki.

²Chimwahitili mafuku asatu atulala ahitilimukachi kachilombu,

³ayilejeli antu, nawu, Chimwakamona chimba ŋucha chitiyaŋenu chaYehova Nzambi yenu, niatupristu aLevi nakuchisenda, mwakanyamuka kumudi, mwakachilondela.

⁴Ilaŋa mukachi kenu nachimbapu mwakashali iluŋa dakweseka neyi munkotweli jachikasa makombakaji ayedi. Bayi mwakaswila kwakwihi nachuku, kulonda mwakelukinjila yimwakayia, muloŋa njila iyi kanda muyihitapahu dehuku.

⁵Yoshuwawayilili antu, nindi, Dŋilikenu; muloŋa kumadiki Yehova wakela yihayamisha mukachi kenu.

⁶Yoshuwa wahosheli nawatupristu, nindi, Nyamunenu chimbaŋu chachitiyaŋenu, musambilaŋahu dehi, antu ashali munyima. Anyamwini chimbaŋu chachitiyaŋenu, hiyakuyaŋahu dehi kumbidi, antu alondeleli munyima.

⁷Yehova wamwilili Yoshuwa, nindi, Ifuku dalelu nukutachika kukutohesha kumesu awaIsarela ejima, kulonda akeluki nawu mwomunadiŋilaŋa naMosi dimu munukwikalila naneyi.

⁸Wakaleja atupristu asendaŋa chimbaŋu chachitiyaŋenu, neyi, Chimukushika kwesekela meji aYodana, mwakemana muYodana ku-ka.

⁹Yoshuwa wayilili anyana kaIsarela, nindi, Inzenu kunu mutiyi mazu aYehova Nzambi yenu.

¹⁰Yoshuwa nindi, Tiyenu mumwakelukila nenu Nzambi wamumi wudi mukachi kenu, mumwakelukila nenu wakayitemwina niaKenani, niaHiti, niaHivi, niaPerizi, niaGiragashi, niaAmori, niaYebusi kumukuyenu chakadi nikukaŋanya.

¹¹Talenu, chimbaŋu chachitiyaŋenu chaMwanta weseki dejima, china chikuhita nakwijila muYodana china.

¹²Dichi dinu tambulenu kwenu amayala ikumi nayedi amunyichidi yaIsarela, hamuchidi iyala wumu, hamuchidi iyala wumu.

¹³Atupristu asendaŋa chimbaŋu chaYehova Mwanta weseki dejima, chakadatawu mumeji aYodana, mwakamona meji aYodana akaketuka ngwa, meji akwinza kuntu, akemana ibebi fwi-i.

¹⁴Nochu dimu mwamwenuwu, chafuminuwu antu kumatenti awu nawu azambuki Yodana, atupristu asendeli chimbaŋu chachitiyaŋenu hiyakutwaminaku.

¹⁵Chashikiluwu akwakusenda chimbaŋu kuYodana, nyendu yawatupristu asendeli chimbaŋu yeŋilili lwe kwesekela meji—muloŋa hachilaaka chakwaŋula kudya chejima Yodana wenzalaŋa to-o nihachikumu chindi chejima panda—

¹⁶meji enjili kuntu hiyakwimana nikwimana, hiyakunyamuka nikwiwulu ibebi fwi-i, kwakulehi nankashi kwoku Adama, mukala wuna wakumaŋana naZaretani. Nimeji ana akunkumukili nakuya kwijiya dakuchana, dodu Ijiya Damuŋwa, aketukili chikupu ngwa. Antu azambukili kumululakenu naYeriku.

¹⁷Atupristu asendeli chimbaŋu chachitiyaŋenu chaYehova emeni mbe hamaseki amomu chau mukachi kaYodana, niaIsarela ejima azambukili hamaseki amomu chau, nichichamanisniluwu kuzambuka Yodana muza wejima.