Read MUKANDA WANZAMBI Joshua 9 Bible Online

Joshua 9 - MUKANDA WANZAMBI bible

Joshua 9

¹Anyanta ejima alukanu niakwishinadi daYodana, niakumapidi, niakuyinekineki, niakumukulishu wejima wakaluŋalwiji kakuLebanoni, niaHiti, niaAmori, niaKenani, niaPerizi, niaHivi, niaYebusi, cheliluwu anachitiyi dehi,

²hiyakudipompa namuchima wawu wumu nawu akalwi naYoshuwa naIsarela.

³Ilaŋa eniGibeyoni chatiyiluwu mwayililiyi Yoshuwa Yeriku naAyi,

⁴ababeli kwawu, adifwikŋili neyi hiatuŋanda, asendeli njeki jajikulu hayimbulu yawu, ninswaha javinyu jakula dehi, jafwa dehi, jakuchimeka chimeka;

⁵nikunyendu yawu nkwabilu jakula dehi, jakunyeka dehi, avweli nimahina amakulu; mankendi ejima asendeluwu ampawu adiŋi awuma, ela dehi nimbuwa.

⁶Ayili kudi Yoshuwa kuchilombu chakuGiligali, amwilili yena nawamayala aIsarela nawu, Etu tunafumi kwituŋa dadilehi, dichi dinu tukwatenu wubwambu.

⁷Amayala aIsarela ayilili ana aHivi, nawu, Hadaha twashakama nenu hamu; ndochu tukukwata nenu wubwambu ŋahi?

⁸Wena amwilili Yoshuwa nawu, Etu tuyambugeyi. Yoshuwa wayilili nindi, Yenu anyi? Indi kumunafumi kudihi?

⁹Wena amwilili nawu, Etu ambugeyi tunafumi kwituŋa dadilehi nankashi muloŋa wejina daYehova Nzambi yeyi; muloŋa tunatiyi mpuhu yindi; niyejima yeliliyi muEjipitu,

¹⁰niyejima yayililiyi ana anyanta ayedi awaAmori alukanu adiŋi kwishinadi daYodana, aSihoni mwanta wakuHeshiboni, naOŋi mwanta wakuBashani, wadiŋi kuAshataroti.

¹¹Nochu niakulumpi jetu niakwetu ejima twatuŋa nawu atwilili nawu, Sendenu mpawu yenu yakudya munjila, yenu mwakayibulakani, mwakayili nenu, Etu tuyambuŋenu, dichi tukwati nenu wubwambu.

¹²Wenowu mankendi etu owu chitwafumini nawu kumataletu netu ampawu, adiŋi atata bu-su ifuku ditwanyamukili nakwinza kudenu; ichi dinu, tala o chiyinomi, chiyela dehi mbuwa;

¹³nŋinswaha javinyu jitwalogeli, jadiŋi jajiha; tala, jafwa dehi; nimahinetu awa ninkwabilu jetu ŋi jakula dehi naniyi njila yasweja nankashi kuleha yitunendi.

¹⁴Nochu amayala atambwili kudya kwawu, hiyehwili maana kukanwa kaYehovaku.

¹⁵Yoshuwa wavumbikili nawu ikala, wakwatili nawu wubwambu wákubula kuyijaha; atulamba amuchipompelu asanyikili kudi wena.

¹⁶Chimuneli munahiti dehi mafuku asatu nahana hadikwatiluwu nawu wubwambu, hiyakutiya nawu komana atuŋa mwamwihi, komana ashakama nawu hamu.

¹⁷Anyana kaIsarela ayili munjila yawu, ashikili kunyikala yawu ifuku damuchisatu. Nyikala yawu yoyaGibeyoni, naChefira, naBeyeroti, naKiriyati Yeyarimi.

¹⁸Anyana kaIsarela hiyayitapiluku, muloŋa atulamba amuchipompelu asanyikili dehi kudi wena nakutenenamu Yehova Nzambi yaIsarela. Chipompelu chayitopekeli ayilolu.

¹⁹Ilaŋa tulamba ejima elili chipompelu chejima nawu, Etu tunasanyiki dehi kudi wena nakutenenamu Yehova Nzambi yaIsarela, dichi hitukutwesha nawa kuyila chumaku.

²⁰Tiyenu namutukuyila kulonda tuyileki ahandi, kuchina twa-kenda kawaninahu ndombu nachina chitwasanyikili kudi wena.

²¹Atulamba ayilili nawu, Yilekenu kwawu ahandi. Nochu elili akwakuchaya nchawa jachipompelu chejima niakwakutaha meji neyi mwomwahosheluwu atulamba.

²²Yoshuwa wayitambikili wahosheli nawu, nindi, Mwatudi mbililidi nenu mwekala kwakulehi nanetu? Komana twashakama nenu hamu.

²³Ichi dinu mwashigewa dehi, enu kwenu hosi wamba kashalahu yobula kwikala nduguku, yenu akwakuchaya nchawa, yenu akwakutaha meji ambala etala daNzambi yami.

²⁴Amwakwili Yoshuwa nawu, Muloŋa etu ambuŋeyi atulejeli mwakumona hohu, nawu Yehova Nzambi yeyi wamulejeli kambuŋindi Mosi, nindi kayinki ituŋa dejima, nindi kayijilumuni eniituŋa ejima ji-i kumukuyenu; tutiya niwoma nankashi nanenu netu hitukuhandaku, hitukukwata nimaana awa.

²⁵Dichi dinu, yetu awa, tuyantu eyi; mwomu muwunakeŋi neyi dimu munawahi, neyi dimu munaloŋa kutwila, atwili.

²⁶Nochu dichi chayililiyi, wayamwinini kudi anyana kaIsarela, hiyayijahiluku.

²⁷Denodu ifuku Yoshuwa wayilishili akwakuchaya nchawa niakwakutaha meji niachipompelu niakameŋa kaYehova nikulelu, kwejima kwakutondayi.