Read MUKANDA WANZAMBI 1 Timotea 2 Bible Online

1 Timotea 2 - MUKANDA WANZAMBI bible

1 Timotea 2

¹Nasambili kuyileja nami, lembelelenuŋa, lombenuŋa, hakwilenuŋa, sakililenuŋa antu ejima;

²nianyanta ankanu, niantu alema ejima; kulonda tushakami chachiwahi zo, nakwila mwaya kwakama Nzambi nakalemesha.

³Ichi chachiwahi, chinateli kumesu aNzambi, Chamwinu chetu;

⁴yena wakeŋa a antu ejima nindi ahandi, eluki nsaŋu yalala chikupu.

⁵Muloŋa kwekala Nzambi wumu, niihaku wumu mukachi kaNzambi nawantu, yena himuntu, yowu Kristu Yesu,

⁶wadiheni wakukuula nachu antu ejima; wunsahu owu awushimwini hamwaka wawu;

⁷wowankunjikililuwu kwikala nimukwakushimuna nikapostolu; nahoshi mwalala, hinatwambuku, niikali nkuluŋaŋa yawajentili mukukuhwelela nimunsaŋu yalala.

⁸Dichi nakeŋi nami, amayala alombi mwejima nakwolola makasa ajila kwiwulu, chakadi ndombu, chakadi ntadi.

⁹Mwomumu niambanda adiwahishi nakuvwala mahina chalumbuluka, nansonyi nikuwundisha mumesu; bayi nakuyindayinda nsuki, hela nawuru hela namperola, hela mahina asweja kulema wuseyaku;

¹⁰ilaŋa adiwahishi nanyidimu yayiwahi yatelela ambanda adishimunaŋa nawu twaakamaŋa Nzambi.

¹¹Mumbanda adizi chamwena nakwovwaha kwalala.

¹²Hinetejaŋa mumbanda kuleja hela kwikala mwanta weyalaku, ilaŋa ekali wamwena.

¹³Muloŋa Adama diyi ásambilili kuleŋawu, nkumininaku hiEvu.

¹⁴Hiyadimbili Adamaku, hakwila mumbanda chamudimbiluwu hakudimbuka nakuvulumuna;

¹⁵ilaŋa wakaamwinewa hakuvwala anyana, neyi akukakela mukukuhwelela, nimukukeŋa, nimukujila nakuwundisha mumesu.