Read MUKANDA WANZAMBI Maheberu 11 Bible Online

Maheberu 11 - MUKANDA WANZAMBI bible

Maheberu 11

¹Nochu kukuhwelela yowu kwiluka chalala netu yuma yitwachiŋe-jaŋa yidi kwoku, yowu kwesekesha yuma yakadi kumonewa.

²Muloŋa dimu mwatiyakeneni awakulumpi mpuhu yayiwahi.

³Nakwitiya kwakukuhwelela tuneluki netu matuŋa amakonu ejima ayileŋeli nezu daNzambi, chakwila yuma yamonewaŋa hiyayilili nayuma yamwekanaŋaku.

⁴Nakukuhwelela Abeli wamulambwili Nzambi himulambu wakubadika walambwili Kena, dichi hakutiyakana mpuhu nawu waloŋa; chatambwiliyi Nzambi yamukunkulu yindi wamushimwini wunsahu; dichi hela wafwa wuchidi kuhosha nihanu.

⁵Nakukuhwelela anamututulwili Enoki kulonda abuli kumona kufwa; hiyamumwenuku muloŋa anamututulwili kudi Nzambi. Helili kanda anamututululi amushimwini wunsahu nawu wamutiyishilaŋa Nzambi kuwaha.

⁶Chakadi kukuhwelela hichinatweshi kumutiyisha kuwahaku; muntu wukwinza kudi Nzambi chiŋa etiya nindi wudi kwoku, nindi wasomonaŋa antu amukeŋakeŋaŋa.

⁷Nakukuhwelela Nowa, chamulejeluwu kudi Nzambi nsaŋu yayuma yachidiŋi kanda yimwekani, chamutiyiliyi Nzambi woma, hakuloŋesha watu wakuhandisha nachu akwetala dindi; hakuhisha nachu antu ampata yamunu mwishina, hakwikala nswana yakuloŋa kwakufuma kukukuhwelela.

⁸Nakukuhwelela Abarahama, chamutambikiluwu hakwovwahila, hakufuma mwadiŋiyi nakuya kwakukepa kutambwilayi wuswana; hakufuma mwadiŋiyi chakadi kwiluka kwakuyayi.

⁹Nakukuhwelela hakwikala mwenyi mwituŋa damukuninuwu, neyi mwambala hohu, nakushakama mumatenti naIsaka naYakoba, answana akuswana nindi chikaninu chochimu;

¹⁰muloŋa wadiŋi nakutalila ŋanda yikweti yikuku, yakwila mukwakuyipima nikuyituŋa yowu Nzambi.

¹¹Nakukuhwelela hela yomweni Sara watambwili Ŋovu yakubaaba ivumu heliliyi nakuli dehi, naŋandakani dehi havwalilaŋawu anyana; muloŋa watoŋojokeli wakanini nindi washinshika.

¹²Dichi kudi muntu wumu, wela dehi neyi mufu, kwavwalikili antu avula neyi tutumbwa twamwiwulu, neyi wusekulula wakuchikumu chakaluŋalwiji wakachindewaŋa.

¹³Wenawa ejima afwili mukukuhwelela chakadi kutambula yikaninu, akuminini dakuyimwena maaya, nakuyisambilila iku yichidi kwakulehi, hiyakwiteja nawu tudi enyi niakwakwenda mwambala hanu hamaseki.

¹⁴Muloŋa antu akuhosha mwenimu hiyakushimuna chalumbuluka nawu tunakeŋi ituŋa detwetu aweni.

¹⁵Mwalala neyi ashili muchima hetuŋiodu dafuminuwu, mutenowu atwesheli kufunta cheŋi.

¹⁶Ilaŋa katataka anakeŋi ituŋa dabadika kuwaha, dodamwiwulu; dichi Nzambi hanatiyi nsonyi yakumutena nawu Nzambi yawuku, muloŋa wayiloŋeshela dehi ŋanda.

¹⁷Nakukuhwelela Abarahama, chamwesekeluwu, hakulambula Isaka; eŋaŋi, yena watiyili kuwaha kutambula yikaninu, hakulambula mwanindi wumu hohu;

¹⁸yowu atenenuwu nawu, Anyaneyi akayitenena mudi Isaka.

¹⁹Welili nindi, hela mukufwa Nzambi natweshi kumusaŋula; dimu mwamutambwiliyi muchifwikija.

²⁰Nakukuhwelela Isaka wakiswilili Yakoba naEsawu nkisu, nakutena yuma yamba kenza.

²¹Nakukuhwelela Yakoba, heliliyi hakukeŋa kufwa, hakukiswila anyana kaYosefu nkisu mwayedi wawu; hakudifukula nakunoŋamina hamukombu windi.

²²Nakukuhwelela Yosefu, heliliyi hakukeŋa kufwa, hakutena chamba kedikawu anyana kaIsarela; hakuyileja mwakelawu namafwahindi.

²³Nakukuhwelela, havwalikiliyi Mosi, anvwali jindi amuswekeli tukweji tusatu, nanochu chamumwenuwu nawu himwana wawutotombu; hiyatiyili woma walushimbi lwamwantaku.

²⁴Nakukuhwelela Mosi, heliliyi nakuli dehi, hakuleka kumutena nawu mwana kamwana kaFwaro wamumbanda;

²⁵hakutonda kumona ihuŋu chimu nawantu aNzambi, hakuleka kuluŋa mpinji yantesha nachiseki chanshidi.

²⁶Wafuukwili kusawuka kwaKristu nindi himaheta abadika yuma yalema yamuEjipitu yejima, nanochu chatalililiyi masomu amba kamusomonawu.

²⁷Nakukuhwelela wafumini muEjipitu chakadi kutiya woma wandombu yamwanta; chadiŋi nakumonayi wakamonewaŋa hakutatakena.

²⁸Nakukuhwelela hakwila paseka nakusampula mashi, kulonda mukwakujilumuna anyana awedi abuli kuyila chuma.

²⁹Nakukuhwelela ahitili mukaluŋalwiji kachinana nakwenda hamaseki awuma, cheliluwu aEjipitu nawu esekumu hiyakujilumukilamu.

³⁰Nakukuhwelela mpwembu jaYeriku jakundokeli, cheliluwu anajinyeŋumuki dehi mafuku atanu nayedi kwi-ndo.

³¹Nakukuhwelela chivumbi Rahaba hanoŋeli chimu nawantu ajikwaku, Muloŋa watambwili akwakwendesha chamwena.

³²Indi nukuhosha mwekwawu mudihi? Muloŋa nabuli mpinji yasushimuna nsaŋu jaGideyona, naBaraka, naSamisoni, naYefwata; naDavidi naSamweli nawatuprofwetu.

³³Wenawa emikili mawanta mushindu nakukuhwelela, elili mwaya kuloŋa, atambwili yikaninu, ajikili tunwa twawanyitupa,

³⁴ajimini Ŋovu jakesi, apulukili kuyitapa nampoku yakabali, hazeyeluwu akwatili Ŋovu, elili ayilobu kunjita, atemwini majita awantu akumatuŋa acheŋi,

³⁵ambanda atambwili afu awu chakusaŋuka mukufwa. Amakwawu ayihumpwili humpule-e nichafwiluwu, hiyetejeli kuyipulwishaku, kulonda akamoni kusaŋuka kwabadika kuwaha.

³⁶Amakwawu ayikabishili nakuyiyiŋila nikuyijipola yikoti, eŋaŋi, ninyonji nituleya.

³⁷Ayasoleli malola, ayiketoleli ngwa ngwa, ayesekeli, ayitapoleli nampoku yakabali. Akimbokeli nakuvwala yitembi yawanyikoku niyawampembi; asheli kwamakasamunshiŋu; ayi mwesheli lukadi, ayikoŋeli chatama.

³⁸Mpata yamunu mwishina hiyateleleli wena kushakama mwoku. Akimbokelaŋa nakululuta mwakadi meji, nihamapidi, nakwiŋela mumayeŋu nimumena amumaseki.

³⁹Wena ejimawa, hela atiyakeni mpuhu yayiwahi yakukuhwelela hiyatambwili chikaninuku,

⁴⁰muloŋa Nzambi watumwenenaŋahu dehi chuma chabadika kuwaha, kulonda abuli kuyiwahishaŋahu dehi chikupu chakadi etu.