Read MUKANDA WANZAMBI Maheberu 3 Bible Online

Maheberu 3 - MUKANDA WANZAMBI bible

Maheberu 3

¹Dichi enu ana kwetu ajila, enu akwakutambwila kutambika kwatambikawu mwiwulu hamu, shinshikenu Kapostolu, Kapristu Muneniwakwiteja kwetu, yowu Yesu.

²Yena wadiŋi washinshika kumesu aniwu wamukunjikili kumudimu, neyi cheliliyi Mosi mwitala daNzambi dejima.

³Anamufuukuli nawu yena watela kumulemesha chakubadika Mosi, chochahamekaŋawu ntuŋi yetala chakubadika itala dadeni.

⁴Muloŋa matala ejima akweti ayituŋali; hakwinza watuŋili yuma yejima diyi Nzambi.

⁵Chalala Mosi washinshikili mwitala daNzambi dejima neyi ŋamba, nakushimuna nachu yuma yamba katenawu kukukuminina.

⁶Hakwila Kristu washinshika mwitala daNzambi nanochu chaneliyi yena himwana. Etu yetu itala dindi, neyi tukukakela kuumika kwetu, nikudisamba kwakuchiŋeja kwetu ndo nikunsa.

⁷Spiritu Wajila nahoshi nindi, Lelu neyi mukutiya izu dindi,

⁸bayi muchinchikisha nyichima yenu neyi haleteluwu ntadi, cheliluwu hefuku dakweseka mwisaŋaku,

⁹haŋesekeluwu ankakulula jenu, hantompeluwu hamwenuwu nyidimu yami nyaka makumi awana.

¹⁰Antu awa nayitiyili kutama, nelili nami, Hiyantu ajimbalaŋa munyichima yawu mafuku ejima, hiyaneluki njila jamuku.

¹¹Dichi hinukusanyika mukuzuwa kwami nami hiyakeŋila mukunooka kwamuku.

¹²Enu ana kwetu, babalenu hakenda kwikala mwinenu wumu wukweti muchima watama wákubula kukuhwelela, wakuleka Nzambi wamumi.

¹³Chiŋa kudikonkomwena hefuku hefuku hohanu hachidi kutenawu nawu, Lelu; mwinenu wumu wakenda kachinchika nakudimbana kwanshidi.

¹⁴Muloŋanatwilishi dehi akwakutambwila Kristu hamu, neyi tukukakela mutwatachikili kudikolesha ndo nikunsa,

¹⁵hohanu hachidi kwilawu nawu, Lelu neyi mukutiya izu dindi, bayi muchinchikisha nyichima yenu neyi chaleteluwu wena ntaduku.

¹⁶Aleteli ntadi hatiyiluwu, adiŋi anyi? Wowu ejima afumini muEjipitu naMosi.

¹⁷Indi awa atiyiliyi kutama nyaka makumi awana, adiŋi anyi? Wowu avulumwini, hiyakunoŋaela mwisaŋa.

¹⁸Indi awa asanyikililiyi nindi himwakeŋa ila mukunooka kwamuku, adiŋi anyi? Wowu ajikwili.

¹⁹Tunamoni netu akaŋenyi kwijila mu muloŋa wákubula kukuhwelela.