Read MUKANDA WANZAMBI Maheberu 5 Bible Online

Maheberu 5 - MUKANDA WANZAMBI bible

Maheberu 5

¹Muloŋatupristu amaneni ejima atondaŋawu mukachi kawantu, ayikunjikaŋa mudimu wakukoŋela antu muyuma yaNzambi, kulondaakalambuli yamukunkulu, nakuketula yimuna yahanyiloŋa.

²Awa atupristu amaneni anatweshi kutiyila wushona antu ayambashanaŋa niapwapukaŋa, muloŋa niwena aweni azeyazeyaloŋa.

³Dichi chiŋa alambuli niyanyiloŋa yawu aweni, neyi chalambula ŋawu yawakwawu nawa.

⁴Kwosi muntu wadilemeshaŋa yomweni nindi ekali kapristuku, chiŋa amutambika kudi Nzambi, neyi chamwililuwu Aroni.

⁵Dichi niKristu nawa hadilemesheli yomweni nindi ekali kapristu munenuku, chiŋa Nzambi wamwilili nindi, Eyi wuMwanami, lelu nakuvwali.

⁶Neyi chaneliyi kwacheŋi nindi, Eyi wukapristu wahaya nyaka wafwana neyi Melekizedeki.

⁷Mafuku ashakaminiyi Yesu hamaseki walambwili yena watwesheli kumupulwisha afumi mukufwa nikulomba nikulembelela nikudila kwakweni nimadilu; amutiyili nanochu chadiŋiyi nawoma wakwakama Nzambi.

⁸Hela wadiŋi Mwana, wadizili kwovwahila nayuma yakabiliyi.

⁹Dichi chaneliyi walala chikupu, hakwikala mukwakubuza njila yawamwinu wahaya nyaka wawejima akumwovwahila.

¹⁰Hiyakumutena kudi Nzambi nindi diyi kapristu muneni wafwana neyi Melekizedeki.

¹¹Tukweti yuma yayivulu yakumutena yena, yakala kulumbulula muloŋa muneli akwakutiya nakuhuwaŋesha.

¹²Hanu mutenowu mwela dehi ankuluŋaŋa, heseka munakeŋi cheŋi wakuyileja mwaya nsaŋu jamazu aNzambi jatachi; mwabalumuka dehi kwikala akwakukeŋa mayeli hohu bayi kudya kwakolaku.

¹³Muloŋa muntu wanwaŋa mayeli wabula kushinshika mwaya mazu akuloŋa, Muloŋa himukeki.

¹⁴Ilaŋa kudya kwakola kwambala kwawantu apama dehi; wowu afumba dehi yitoŋojoka yawu, enjilila dehi kwambula yayiwahi nayatama.