Read MUKANDA WANZAMBI Maheberu 7 Bible Online

Maheberu 7 - MUKANDA WANZAMBI bible

Maheberu 7

¹Muloŋa yeniwu Melekizedeki, mwanta waSalema, kapristu kaNzambi Mukwakubadika, wakinkililili Abarahama hafuntiliyi kwayiliyi nakutapa anyanta, wamukiswilih nkisu.

²Abarahama hakumwambwila yena iseka damwikumi dayuma yejima. Kulumbulula ijina daMelekizedeki, chakusambila nawu, Mwanta wakuloŋa; cheŋa nawu, Mwanta waSalema, diyi Mwanta wakuwunda;

³wakadi tata yindi hela mama yindi hela muyachi; wakadi hatachikililiyi mafuku indi, hela hakumishilihyi kuhanda; ilaŋa amufwikŋili neyi Mwana kaNzambi, wekala kapristu haya nyaka.

⁴Toŋojokenu chatohehyi muntu iwu, enkeluwu kudi nkakulula Abarahama iseka damwikumi dayuma yabadika kuwaha yapupiliyi kunjita.

⁵Chalala anyana kaLevi, atambulaŋa mudimu wawupristu, ayilejaŋa kulambwisha antu iseka damwikumi mwaya nshimbi; hiyakulambwisha ana kwawu, kutoŋa anayivwali kudi Abarahama.

⁶Hakwila Melekizedeki, wabulili kufuma kumuchidi wawaLevi, watambwili kudi Abarahama iseka damwikumi, hakumukiswila nkisu yena wekala nayikaninu.

⁷Kwosi wukutadika mwoku, wanyanya amukiswilaŋa nkisu kudi wamubadika.

⁸Kunu alambulaŋa antu afwaŋa iseka damwikumi, ilaŋa kwenoku alambulaŋa owu anashimunuwu nawu wahandaŋa.

⁹Chaya mukwila nawu Levi, watambulaŋa yamwikumi, walambwili Melekizedeki yamwikumi mudi Abarahama,

¹⁰hadiŋiyi Levi kanda amuvwali kudi tata yindi, hamukinkilililuwu kudi Melekizedeki.

¹¹Ichi dinu, neyi kuwaha chikupu kwenjili nawupristu wawaLevi, muloŋa dimu mwatambwiluwu antu nshimbi, kwadi kumwekenadi kapristu mukwawu wafwana neyi Melekizedeki, bayi wakumuyachi waAronuku?

¹²Chanabalumunuwu wupristu, chiŋa abalumuna ninshimbi nawa.

¹³Muloŋa iwu anatenenuwu yumiyi, wekala kumuchidi wacheŋi wabulili kukalakala kukameŋa.

¹⁴Muloŋa tuneluki netu Mwanta wetu wavwalikili kudi Yuda, muchidi wabulili kutenenayi Mosi wupristu.

¹⁵Chinalumbuluki dehi nankashi ichi chikunamwekani dehi kapristu mukwawu wafwana neyi Melekizedeki,

¹⁶anakunjikuwu kwikala kapristu wakuŊovu jawumi wakanoŋaŋa, bayi wakulushimbi lwakuleja kwawuntuku.

¹⁷Muloŋanamushimuni wunsahu nawu, Eyi wukapristu wahaya nyaka wafwana neyi Melekizedeki.

¹⁸Afumishili kuleja kwakusambila muŋa kwazeyeli, kukwashana nehi;

¹⁹muloŋa nshimbi hijawahishili chikupu chuma nichimuku; hiyakuletamu kuchiŋeja kwabadika kuwaha kutukukundama nachu kwakwihi naNzambi.

²⁰Hichadiŋi chakadi kusanyikaku;

²¹muloŋa wena ayikunjikili kwikala atupristu chakadi kusanyika, hakwila yena chiŋa nakusanyika kwanowu welili nindi, Yehova wasanyikili, hakabalumuka mwoku, nindi, Eyi wukapristu wahaya nyaka.

²²Dichi Yesu nekali dehi chikilu chachitiyaŋenu chabadika kuwaha.

²³Chalala akunjikili antu amavulu kwikala atupristu, nanochu chakapenyuwu kushakama muwupristu hansaŋu yakufwa;

²⁴hakwila yena wukweti wupristu windi wakabalumukaŋa, nanochu chashakamayi haya nyaka.

²⁵Dichi yena natweshi kwamwina chikupu antu akundamaŋa kwakwihi naNzambi nayena, nanichi chahandayi yena haya nyaka nakuyilembelela.

²⁶Muloŋa kapristu muneni wudi ochu watuteleleli, wajila, wakadi makasu, wakadi kujilola, waambuka kudi akwanshidi, anamubadishi dehi mawulu.

²⁷Hakweti mudimu wakulambula hefuku hefuku neyi awa atupristu amaneni acheŋuku; wena asambililaŋa kuketula yimuna yahanyiloŋa yawu awenawu, nkumininaku niyawantu amakwawu nawa; Yesu welili mwenimu kamu hohu hadiheniyi yomweni ekali himulambu.

²⁸Muloŋa nshimbi jakunjikaŋa antu azeya kwikala atupristu amaneni, hakwila izu dakusanyika dalondeleli munshimbi, hidikukunjika Mwana wela dehi walala chikupu haya nyaka.