Read MUKANDA WANZAMBI 1 Pitrosi 5 Bible Online

1 Pitrosi 5 - MUKANDA WANZAMBI bible

1 Pitrosi 5

¹Dichi nalembeleli awakulumpi adi mukachi kenu, ami mwinawu mukulumpi, nichinsahu chamakabi aKristu, nimukwakutambulakulema kwamba kamwekana,

²nami biŋenu mukanka wanyikoku yaNzambi wudi mukachi kenu, nakuyitala; bayi chakukanjikijiku, Chiŋa nakutiya kuwaha mwaya muchima waNzambi; bayi nakulonda kuheta kwatamaku, Chiŋa namuchima wakukeŋamu;

³bayi nakwikala anyanta anawa ayishililuwu kuhembaku, Chiŋa nakwikala akutalilahu anyikoku.

⁴Chakamwekanayi Kabiŋa muneni, mwakatambula nichibaaba chakulema chakalepukaŋa.

⁵Mwomumu ninenu atwansi, ovwahilenu awakulumpi. Eŋaŋi, wejima wenu dikumbakeshenu kudizoza, kulonda mukalakeli akwenu; Muloŋa Nzambi wadikaŋaŋa nawakwakudinka wanta, hakwila akwakudizoza wayinkaŋa a luwi.

⁶Dichi dizozenu mwishina dachikasa chaNzambi chaŋovu, kulonda yena akayitoheshi hamwaka wanafuukuliyi.

⁷Mutwikenu kwakama kwenu kwejima, Muloŋa yena wayihembaŋa.

⁸Babalenu, tonenu; mukwankunyi nenu diyabolu wudi nakuya nakutambatamba nakukeŋakeŋa akudyayi, neyi mutupa wabulumaŋa.

⁹Dikaŋenu nindi, nakukola mukukuhwelela kwenu mbe, nakwiluka nenu ana kwenu adi mumpata yamunu mwishina niwena enda awanisha makabi wowamu.

¹⁰Chimukukaba mpinji yantesha, Nzambi waluwi nyaka kwekala mudi Kristu, yomwenindi wakayilisha alala, wakayikolesha, wakayinka Ŋovu.

¹¹Wanta wikali windi haya nyaka nanyaka. Amena.

¹²Nayisonekeli mazu antesha, nayitemeshi namana kwetu Silasi inamoni kushinshika, akuyikwasha nikuyileja, nami dilu luwi lwaNzambi lwalala. Imanenu mwenomu mbe.

¹³Iwu watondewa chimu nanenu, wekala muBabiloni, nayimwishi; nimwanami Maku nawa.

¹⁴Dimwishenu nakwimwisha kwakukeŋa. Kuwunda kwikali nanenu ejima mwekala mudi Kristu.