Read MUKANDA WANZAMBI 1 Joani 1 Bible Online

1 Joani 1 - MUKANDA WANZAMBI bible

1 Joani 1

¹Ochu chadiŋi chakufumisha kutachi, chitunatiyi, chitunamoni namesu etu, chitwashinshikili, tuchikwata ninamakasetu, yowu izudawumi.

²Wumi wamwekeni, twawumweni, hitukushimuna wunsahu, hitukuyishimwina wumi wahaya nyaka wadiŋi naTata, watumwekesheleluwu.

³Ochu chitunamoni, chitunatiyi, dichi chitukuyishi mwina ninenu, kulonda mwakakundaŋani nanetu; chalala kukundaŋana kwetu yowu kukundaŋana naTata ninaMwanindi Yesu Kristu.

⁴Hitukusoneka yumiyi kulonda muzaŋilu wenu wakawanini.

⁵Nsaŋu yitwatiyili kudi yena diyi tukuyishi mwinenu, netu Nzambi hichejeji mudi yena himwekala mwidima hela wantuku.

⁶Neyi tukwila netu twadikunda nindi, iku seŋa twendela mumwidima, tunatwambi, hitwelaŋa mwaya nsaŋu yalalaku.

⁷Neyi twendaŋa muchejeji, neyi chekalayi yena muchejeji, twakundaŋanaŋa wumu namukwawu, nimashi aMwanindi Yesu atutookeshaŋa nshidi yejima.

⁸Neyi tukwila netu hitunavulumunuku, tunadidimbi, ninsaŋu yalala hiyekala mudetuku.

⁹Neyi tukwiteja namutunavulumuni, yena washinshika waloŋa, wukutwanakena nyiloŋa yetu nakututookesha kuheŋa kwejima.

¹⁰Neyi tukwila netu hitunavulumunuku, tunamutwambishi, nimazu indi hiyekala mudetuku.