Read MUKANDA WANZAMBI Baatuli 1 Bible Online

Baatuli 1 - MUKANDA WANZAMBI bible

Baatuli 1

¹Chelili Yoshuwa nafwi dichi, anyana kaIsarela hiyakumwihula Yehova, nawu, Mwinetu wukusambila kutuyila nakulwa nawaKenani akalwinawu, hinyi?

²Yehova nindi, Kukuya Yuda; namwinki dehi ituŋa.

³Yuda wamwilili mana kwindi Simeyona nindi, Ntwaluku mwansakwililuwukulonda twakalwi nawaKenani, ninami nawa nakaya neyi mwakusakwililuwueyi. Nochu Simeyona wayili nindi.

⁴Yuda wayiluku; Yehova wayinkeluwu aKenani nawaPerizi, ayitapili muBezeki mayala makombakaji ikumi.

⁵MuBezeki awenumu Adoni Bezeki, alwili nindi, atapili aKenani nawa-Perizi.

⁶Ilaŋa Adoni Bezeki watemukili; amuhaŋili, amukwatili, amuketwili nyinu yindi yamadimbanu niyakumakasa niyakunyendu.

⁷Kuchinka Adoni Bezeki nindi, Anyanta alukanu makumi atanu nayedi, akweti nyinu yawu yamadimbanu niyakumakasa niyakunyendu yakuketula dehi, adiŋi nakunonojola twakudya twawu mwishina damesa yami; mwomunelami, dimu mwanankópiyi Nzambi. Amutweli kuYerusalema, kwokwafwililiyi.

⁸Anyana kaYuda alwili naYerusalema, awulukukili, awutapili nampokuyakabali, ocheli mukala nakesi.

⁹Kufuma henohu anyana kaYuda ayili akalwi nawaKenani ashakamini nikumpata yamapidi, nikumbadi yakabetakaku chidiilu, nimumpata yakuchikulu.

¹⁰Yuda wayili nakulwa nawaKenani ashakamini muHeberoni; hakusambila ijina daHeberoni dadipi daKiriyati Araba, atapili niSheshayi niAhimani niTalamayi.

¹¹Wafumini kwenoku, wayili nakulwa nawe niDebiri. Hakusambila ijina daDebiri dadipi daKiriyati Sefwenai.

¹²Kalebi welili nindi, Yowu wukutapa Kiriyati Sefwenai nakuwutambula, nakamwinka mwanami Akisaasumbuli.

¹³Otiniyeli, mwana kaKenazi, mwanyi kaKalebi owutambulaniku wutambula. Wamwinkeli mwanindi Akisa, nindi sumbulaku.

¹⁴Cheliliyi nenzi dehi kudi yena, hakumukanjikija iyala amulombi tatayindi mpata. Yena mumbanda wasulukili hachimbulu chindi; Kalebi wamwilili nindi, Wukukepadi?

¹⁵Yena mumbanda wamwilili nindi, Nkiswili nkisu; wunanyinki ituŋa dakabeta kakuchidiilu, nyinki nituseloki. Kalebi wamwinkeli tuseloki nitwakundundamu, nitwakunkulu.

¹⁶Anyana kanowu kaKeni, muku waMosi, afumini mumukala wanyikoma nawanyana kaYuda, ayili mwisaŋa daYuda dekala kumbadi yaAradi yakabeta kakuchidiilu, ayili, ashakamini nawantu akwenoku.

¹⁷Yudawayili namana kwindi Simeyona, ayitapili aKenani ashakamini muZefwata, awujilishili shati chikupu. Ijina damukalowu Horama.

¹⁸Yuda watambwili Gaza nikupinza yawu, niAshekeloni nikuŋinza yawu, niEkeroni nikupinza yawu.

¹⁹Yehova wadiŋi naYuda, yena eniituŋa damapidi wayitemwinumu. Muloŋa shakamini muchinekineki yena hatwesheli kuyi temunaku, muloŋa adiŋi namakálu awu ayikuŋu.

²⁰Amwinkeli Kalebi Heberoni, mwomwahosheliyi Mosi. Yena watemwinumu anyana kaAnaki amayala asatu.

²¹Anyana kaBenjamini hiyayitemwini aYebusi ashakamini kuYerusalemaku; aYebusi ashakamini hamu nawanyana kaBenjamini, nilelu.

²²Mutaŋa waYosefu niwena ayili nakulwa naBeteli. Yehova wadiŋi nawu.

²³Mutaŋa waYosefu atemesheli antu, nawu akendeshi Beteli. Hamwaka ijina damukala dadiŋi daLuzi.

²⁴Ayili nakwendesha amweni iyala hakufuma mumukala, amwilili nawu, Tuleji mwani muwiŋililu wamumukala, etu netu tukukwila chachiwahi.

²⁵Wayilejeli muwiŋililu wamumukala, atapili mukala wejima nampoku yakabali; hakwila owu iyala amulekeli adiyili kwindi, nichisaka chindi chejima.

²⁶Owu iyala wayilimwituŋa dawaHiti, watuŋili mukala, wawutumbili ijina dawu nindi Luzŋinilelu hiijina dawu.

²⁷Manase niaBetisheyani niamunyikala yawu hayitemwinuku, hela aTanaki niamunyikala yawu, hela aDori niamunyikala yawu, hela enibileyamuni amunyikala yawu, hela eniMegido niamunyikala yawu; ilaŋa aKenani elili nawu etu kwetu tukushakama mwituŋidi.

²⁸Chineli aIsarela anakwati dehi Ŋovu, hiyakuyilambwisha aKenani nyilambu, hiyayitemwini chikupu mwituŋaku.

²⁹Efweremi hayitemwini aKenani ashakamini muGezeruku; ilaŋa aKenani kwawu ashakamini hamu nawu muGezeri.

³⁰Zebuluni hayitemwini hela eniKitironi hela eniNahaloluku; ilaŋa aKenani ashakamini hamu nawu, ayilambwilaŋa.

³¹Asheri hayitemwini hela eniAko, hela eniZidoni, hela eniAhalaba, hela eniAkizibi, hela eniHeleba, hela eniAfwiki, hela eniRehobuku;

³²ilaŋa aAsheri kwawu ashakamini hamu nawaKenani, wowu eni ituŋa; muloŋa hiyayite mwinuku.

³³Nafwatali hayitemwini eniBetishemeshi, hela eniBetanataku; ilaŋa washakamini kwindi hamu nawaKenani, wowu eniituŋa; hela chochu eniBetishemeshi naeniBetanata ayilambwilaŋa.

³⁴Aamori ayishinjikili anyana kaDani kwituŋa damapidi; hiyayitejeli kwinza muchinekinekuku;

³⁵ilaŋa aAmori elili nawu tukushakama kwetukumpidi yaHeresi, muAyŋaloni, nimuShalabimi; hakwila mutaŋa waYosefu wayimikili mushindu, ayilambula nikuyilambula.

³⁶Ŋinza yawa Amori yafumini kumukandu waAkarabimi, kuna kwilola, hiyikukanduka nikwiwulu.