Read MUKANDA WANZAMBI Baatuli 10 Bible Online

Baatuli 10 - MUKANDA WANZAMBI bible

Baatuli 10

¹Mumatu waAbimeleki mwahiriili Tola mwana kaPuwa, Puwamwana kaDodo, iyala wakuIsakari, hakunyamuka nakuyamwina aIsarela. Yena washakamini muShamiri, mwituŋa daEfweremi damapidi.

²Yena wayihosheleli aIsarela nyiloŋa yawu nyaka makumi ayedi nanyakayisatu, hakufwa, amujiika nimuShamiri.

³Mumatu windi mwahiŋili Yayiri, mimtu wamuGileyadi; yena wayihosheleleli aIsarela nyiŋa yawu nyaka makumi ayedi nanyaka yiyedi.

⁴Yena wadiŋi nawanyanindi amayala makumi asatu, endelapa hanyanakayimbulu makumi asatu, adiŋi nanyi kala yawu makumi asatu, ayitenaŋa nawu nyikala yaYayiri nilelu, yekala mwituŋa daGileyadi.

⁵Yayiri wafwili, amujiikili muKamoni.

⁶Anyana kaIsarela elili cheŋi chatama kumesu aYehova, apesheli aBayali, niaAshitoreti, niakishi akuSiriya, niakishi akuZidoni, niakishi akuMowabi, niakishi awanyana kaAmoni, niakishi awaFwilistinu; Yehova amulekeli, hiyamukalakeleluku.

⁷Yehova wazuwili nawaIsarela, wayilandishili kudi aFwilistinu nikudi anyana kaAmoni.

⁸Ayi mwesheli yihuŋu nakuyikabisha anyana kaIsarela mwaka wuna; anyana kaIsarela ejima adiŋi kwishinadi daYodana, mwituŋa dawaAmori, dekala muGileyadi, ayikabishilinyaka ikumi nanyaka yitanu nayisatu.

⁹Anyana kaAmoni azambukili Yodana, akalwi naYuda naBenjamini nimutaŋa waEfweremi; dichi aIsarela amweni kukala nankashi.

¹⁰Anyana kaIsarela alembeli kudi Yehova nawu, Tunavulumuni dehi nanichi chitunaleki Nzambi yetu, hitukupesha aBayali.

¹¹Yehova wayilili anyana kaIsarela, nindi, Ami hiyami nayamwinini kudi aEjipitu, nikudi aAmori, nikudi anyana kaAmoni, nikudi aFwilistinuku?

¹²Nindi, Nia-Zidoni niaAmaleki niaMawoni ayikabishili nawa; enu mwalembeli kudami, ami nayamwinini kudi wena.

¹³Hakwila enu saŋa mwanlekela, himukupeshani akishi; dichi ami kwami hinakayamwina nawa chepuku.

¹⁴Yenu mwakalembi kudi akishi imunatondi, ayamwini himukumwena kukala.

¹⁵Anyana kaIsarela amwilili Yehova nawu, Tunavulumuni; atwili mwejima muwunamoni kuwaha; kumina dakutwamwina lelu hohu, tunalembi.

¹⁶Afumishili akishi mukachi kawu, amukalakeleli Yehova, niyena watiyiliku muchima mbe nalukadi lwakumonawu aIsarela.

¹⁷Anyana kaAmoni apompa nikupompa, atuŋa nichilombu muGileyadi. Anyana kaIsarela niwena adipompesheli, atupili chilombu muMizipa.

¹⁸Niantu, wowu atulamba amuGileyadi, hiyakudihula nawu, iyala nyiwu kutachika njita nawanyana kaAmoni? Diyi wakekala mwanta waeni-Gileyadi ejima.