Read MUKANDA WANZAMBI Baatuli 13 Bible Online

Baatuli 13 - MUKANDA WANZAMBI bible

Baatuli 13

¹Anyana kaIsarela elili cheŋi chatama kumesu aYehova. Yehova wayinkeluwu aFwilistinu nyaka makumi awana.

²Kwadiŋi iyala wumu wakuZora, wakuchisaka chaDani, ijina dindi Manowa; Iŋodindi wadiŋi nshinta, kuvwala anyana nehi.

³Kaŋelu kaYehova wadi mwekesheli kudi mumbanda, wamwilili nindi, Tala dinu, eyiwunshinta, hiwavwalaŋaku; ilaŋa wakabaaba ivumu, wakavwala mwanaweyala.

⁴Dichi dinu babalaku mwani, bayi wakanwa hela vinyu helawalwa wayilaku; bayi wakadya chuma chajilaku.

⁵Muloŋa wakabaaba ivumu, wakavwala mwana weyala; mpoku yachayi bayi yakahita kunamutuwinduku, muloŋa owu mwana wakekala kaNaziri kambala kaNzambi, kufumisha hakuvwalika mwivumu. Wakatachika kuyamwina aIsarela kudi aFwilistinu.

⁶Mumbanda wayili nakumushimwinamu nfumwindi, nindi, Muntu waNzambi wenza kudami, kumesu indi kwadiŋi neyi kumesu akaŋelu kaNzambi, kumutala chi kweti niwoma; hinamwihula kwafumayuku, helayena kunleja ijina dindi nehi.

⁷Hakuŋila nindi, Tiya, eyi wakabaaba ivumu, wakavwala mwana weyala. Dichi dinu bayi wakanwa hela vinyuhela walwa wayilaku, bayi wakadya hela chuma chajilaku, muŋa owumwana wakekala kaNaziri kambala kaNzambi, kufumisha hakuvwalika mwivumu anamutuukishi ndo nikwifuku damba kafwayi.

⁸Dichi Manowa wamulembeleli Yehova, nindi, Eyi Mwanta mwani, ona muntu waNzambi watemesha, enzi cheŋi kudetu atuleji mutwa kamwila mwana wakavwalika.

⁹Nzambi watiyililili kwizu daManowa, kapelu kaNzambi wenjili cheŋi kudi mumbanda chadiŋi nakushakamayi mwiha; ilaŋa nfumwindi Manowa hadipi ninduku.

¹⁰Mumbanda wanyakeli, watemukili nakuya nakumuleja nfumwindi, nindi, Muntu wadi mwekesheli kudami iwu! Ona wenza ifuku diŋa dadiŋuku.

¹¹Manowa yonyamu kaniku nyamuka, yomulonda niŋodindi, yoshika nikudi muntu, hakumwila nindi, Yeyi muntu wahosha naniwu mumbanda? Yena nindi, Yami.

¹²Manowa nindi, Muwahosha mumwekani. Owu mwana wakela ŋahi? Wakakoŋa mudimwinyi?

¹³Kaŋelu kaYehova wamwilili Manowa nindi, Mwejima munamuleja mumbanda ababali.

¹⁴Bayi akadya chuma chikufu maku muvinyu, hela kunwa vinyu hela walwa wayila, hela kudya chuma chajilaku; munamwila akelumu.

¹⁵Manowa wamwilili kapelu kaYehova, nindi, Imanaku mwani, tukutelekeli mwana kampembi.

¹⁶Kaŋelu kaYehova wamwilili Manowa, nindi, Wukupimika tuhu; hinukudya yakudya yeyuku. Neyi wunakeŋi kuloŋesha himulambu wakushita, chipa wuhimulambu li Yehova. Muloŋa Manowa helukilinindi hikaŋelu kaYehovaku.

¹⁷Manowa wamwilili kaŋelu kaYehova nindi, ijina deyi yeyinyi? Kulonda neyi mazu eyi anamwekani dehi twakakulemeshi.

¹⁸Kapelu kaYehova wamwilili nindi, Wukwihwiladi ijina dami? Dakujinda kwadu.

¹⁹Nochu Manowa watweii mwanakampembi hamu nahimulambu wawuŋa, oku kwilola wayilambwili kuri Yehova. Mweliliyi kaŋelu kaYehova mwakuhayama hohu; aManowa naŋodindi hiyakutala.

²⁰Kesi kadiŋi hakameŋa chikakuzuboka kwiwulu, kaŋelu kaYehova hakukandama kwiwulu mukesi kakukameŋa; aMano wanaŋo dindi hiyakutala; adimbuka nichamesu hamaseki.

²¹Kaŋelu kaYehova hadimwekesheli cheŋi hela kudi Manowa hela kudi iŋodi nduku. Manowa eluka nikwiluka nindi komana hikaŋelu kaYehova.

²²Manowa wamwilili inodindi nindi, Twakafwa hohu, muloŋa tunamumoni dehi Nzambi.

²³Kuchinka Iŋodindi nindi, Neyi Yehova wakeŋa a kutujaha atambuli kumakasetu himulambu wakushita nihimulambu wawuŋa? Atulejiyuma yejimiyi? Atushimwini mwenimu mwanatu shimwiniyi katataka?

²⁴Mumbanda yovwala ni mwana weyala, yonamutumba nijina dindi, nindi Samisoni; mwana yokula nikukula, Yehova wamukiswilili nkisu.

²⁵Spiritu ya Yehova hakutachika kumwendesha muMahane Dani, Zora iku, Eshetawoliiku, Mahane Dani hakachi.