Read MUKANDA WANZAMBI Baatuli 14 Bible Online

Baatuli 14 - MUKANDA WANZAMBI bible

Baatuli 14

¹Samisoni wakunkumukili hakuya kuTimina. MuTimina wamwenumu mumbanda wakudi anyana kawaFwilistinu.

²Wafuntilikudi tata yindi namama yindi nakuyileja nindi, Namoni muTimina mumbandawakudi anyana kawaFwilistinu; dichi dinu kansumbwiliyi.

³Dichitata yindi namama yindi amwilili nawu, Hadi ana kweyi hela hadi akwetutwa semuka nawu, kwosi mumbandaku tahindi, mwaka wuyi wakasumbuli mumbanda wakudi aFwilistinu ayidima? Samisoni hakumwila tata yindinindi, Nsumbwiliyi; namumoni himuwahi.

⁴Ilaŋa tata yindi namama yindi hiyelukili nawu chinafumi kudi Yehovaku, muloŋa wakeŋa eli hakuvulumwina nsaŋu nawaFwilistinu, muloŋa hamwakawuna aFwilistinu ekala dehi anyanta jawaIsarela.

⁵Samisoni hakukunkumuka nitata yindi nimama yindi, hiyakuya kuTimina, ashika nikumatempa anyivinyu akuTimina. Kutala mutupahakwinza nakubuluma kudi yena.

⁶Spiritu yaYehova wenjili hadi yena naŋovu, Samisoni yomutabula nimutupa bwe-chi neyi kwiji hakutabula kanakampembi, kutopa kuchikasa chindi hikwadiŋi chumaku. Halejeli kwindihela tata yindi hela mama yindi mweliliyuku.

⁷Wakunkumukili nakuyanakuhanjika namumbanda. Samisoni wamumweni kuwaha nankashi.

⁸Chimwahitili mafuku antesha wayili nakutambula mumbanda, hakutondolwela nindi atali hafwilayi mutupa. Kutala mpuka jasooka dehi mumujimba wamutupa, niwuchi iwu.

⁹Wawusendeli mumakasa, hakuya nikuya, hakudiila mukwenda, yoshika nikudi tata yindi namama yindi, yoyinkahuni kuyinkahu, hiyakudya nikudya; ilaŋa chalooleliyi wuchi mumujimba wamutupa hayilejeli kwinduku.

¹⁰Tata yindi wakunkumukili kwadiŋiyi mumbanda. Samisoni watelekeshelukumawija, muloŋa dichi chelilaŋawu anyikwenzi amayala.

¹¹Chamu mwenuwu aleteli akwawu makumi asatu ashakami nindi.

¹²Samisoni wayilili nindi, Leka niyitili chishimu; neyi mukutwesha kunlumbulwila chumumafuku awa atanu nayedi namutukudiila mawŋia, neyi munashinshiki muchaya, ami nakayinka mahina atooka ashina makumi asatu, niyikovweluyakuvwala makumi asatu.

¹³Ilaŋa neyi mukukaŋanya kuchinlumbulwila, enu yenu mwakanyinkami mahina atooka ashina makumi asatu, niyikovweluyakuvwala makumi asatu. Amwilili nawu, Taku chishimu cheyi tuchitiyi.

¹⁴Yena hakuyila nindi, Mudi mukwakudya mwafumini yakudya, mudi mukwaŋovu mwafumini yatowala. Mwahitili mafuku asatu wena kutweshakulumbulula chishimu ochu nehi.

¹⁵Ifuku damu chitanu nachiyedi hiyakumwila iŋoda Samisoni, nawu, Mudimbeki nfumweyi atulumbulwili chishimu, mukunkulwayi tukukwochanineyi nimutaŋa watata yeyi nakesi. Mwatutambikili kulonda namutudiiliyuma yetu? Indi mwacheŋi?

¹⁶Iŋoda Samisoni hakumudilila nindi, Eyi wuna kumini dakunhela hohu, hiwankepaku. Wunatili anyana kawaya michishimu, hakwinza ami kunlejamu nehi. Yena wamwilili nindi, Chikaŋa tata namama kuyilejamu kwami nehi, nikulejumu eyi?

¹⁷Wamudililili mafuku atanu nayedi mwadiililuwu mawŋia awu, ifuku damu chitanu nachiyedi wamulejelumu muloŋa waswejeli kumukakeja, niyena mumbandahakuyileja anyana kawayindi chishimu.

¹⁸Ifuku damu chitanu nachiyedi itaŋwa kanda dihumi, amayala akumukala owu amwilili nawu, Indi chabadi kawuchi kutowala chika? Indi wabadika mutupa Ŋovu hinyi? Kuchinkayena nindi, Neyi mwabula kudima naŋombi yami, mutenowu mwakeŋa a kwiluka chishimu chami wanyi!

¹⁹Spiritu yaYehova hakwinza hadi yena naŋovu, hakukunkumu kanakuya kuAshekeloni, hakutapa amayala akwenoku makumi asatu, hakutambula mahinawu, hakuyinka alumbulwili chishimu yi kovwelu yawuyakuvwala. Yohila nikuhila mbe, hakuya cheŋi kwitala datata yindi.

²⁰Ilaŋa iŋoda Samisoni amwinkeliyi mukwawu wadiŋi ibwambu dindi.