Read MUKANDA WANZAMBI Baatuli 15 Bible Online

Baatuli 15 - MUKANDA WANZAMBI bible

Baatuli 15

¹Chihaleheli chanti, hachila aka chakudya tidiku, Samisoni hakuya nakutala Iŋodindi, wasenda mwana kampembi, nindi, Nukwijila mwitala mudi iŋodami. Ilaŋa tata yamumbanda kumwitŋia kwijila mukwonti kwindi.

²Tata yindi nindi, Ami chalala nelili nami wunamuheli dehi chikupu, dichi hinukumwinkayi niibwambu deyi; hakwila mwanyikindi hidiyi wasweja kuwahaku? Amutambuli yenowu mwani, namuhiŋishumu dehi.

³Dichi Samisoni wayilili nindi, Ichi dinu, hela nukuyilachatama, kudi aFwilistinu hinukwikala namuloŋaku.

⁴Samisoni hakuyanikuya, hakukwata nyumbu makulakaji asatu, yotambula niyimunyi yakesi, wabalumwini nyikila yawu yiditala, hakusha chimunyi mukachi kanyikilayi yedi, kunyikila yiyedi chimunyi, kunyikila yiyedi chimunyi.

⁵Chakwatishililiyiyi munyi kesi yoyumbaku nikuyumbaku, hiyi kuya nimutidikuya waFwilistinu yemana, hiyikwocha niyita nitidiku yemana bwi, nimatempa anyiolive kumu.

⁶AFwilistinu elili nawu, Nakoŋichi hinyi? Nawu, Samisoni, muku wanowu muntu wakuTimina, muloŋa yena namutambuli iŋodindi, namwinkiyi ibwambu dindi. AFwilistinu ayaku nikuyaku, hiyakwochaniyena mumbanda nitata yindi nakesi.

⁷Samisoni hakuyila nindi, Neyi dichi mukwila, komana nukumutenda iŋodami, nukuyŋahola, neyinakumishi dehi nakaleka.

⁸Wayitapili chacheni kwanyilalakata hohu, hakuya nakushakama kumwaji welola dakuEtami.

⁹AFwilistinu hiyakuyaku, atuŋa nichilombu muYuda, atandama nimu-Lehi.

¹⁰Amayala amuYuda nawu, Munatuleteli njita yanka? Nawu, Tunenzi twakamukasi Samisoni, twakamwili mwomwanatwiliyi etu.

¹¹Nochu amayala amuYuda makombakaji asatu hiyakuya kumwaji welolada kuEtami, hiyakumwila Samisoni nawu, Eyi kwiluka neyi aFwilistinu hiyanyanta jetu nehi, tahindi? Indi ichi chiwunatwili hichumanyi? Kuchinka yena nindi, Ami nayila mwomwaŋilawu ami.

¹²Wena hiyakumwilanawu, Etu tunenzi kunu nakukukasa, netu tukuhani kudi aFwilistinu. Samisoni hakuyila nindi, Sanyikenu chakusanyika nenu enu aweni himukulwana namuku.

¹³Wena amwilili nawu, Nehi, ilaŋa etu kwetu tukukutaŋila munyonji mbe, tukukuhana kudi wena; hakwila kukujaha hitukukujahaku, chalala. Hiyakumutaŋila munyonji yamaneni yambala wandayayiha yiyedi, hiyakumufumisha kwenoku kwilola.

¹⁴Chashikiliyi kuLehi, aFwilistinu hiyakuya nakumukinkilila nakudikuwa; Spiritu yaYehova hakwinza hadi yena naŋovu, nyonji yamaneni yadiŋi kumakasindi yelili neyi tuwanda tunahi mukesi, ninyonji yadiŋi kunkukuyamakasa yisubuka nikusubuka.

¹⁵Yowana niifwaha ditúuta dachibaŋacha chimbulu, yonona nikunona, hakutapa nachu amayala ikombakaji.

¹⁶Samisoni welili nindi, Nefwaha dachibaŋa chachimbulu nyilumba nanyilumba, nefwaha dachibaŋa chachimbulu natapi amayala ikombakaji.

¹⁷Chakumishiliyi kuhosha, hakunata ifwaha dachibaŋa dadiŋi kuchikasachindi; henahana hiyakutumbahu ijina nawu haRamatalehi.

¹⁸Watiyili mpwila nankashi, hakutambika kudi Yehova, nindi, Nachikasa chamami kambuŋeyi wunemikishi mushindu wejimiwu; ichi dinu hinukufwanampwila kulonda akankwati kudi awa ayidima?

¹⁹Ilaŋa Nzambi wabalwili muna mwembika muna muLehi, himukusefuka nimeji; chanwiniyi, wumi windi wafuntili cheŋi kudi yena, yosaŋuka nikusaŋuka; dichi henahana atumbiluhu ijina nawu, Ishima dawatambikili, dekala muLehinilelu.

²⁰Yena wayihosheleli aIsarela nyiloŋa yawu nyaka makumi ayedi, hanyaka yawaFwilistinu.