Read MUKANDA WANZAMBI Baatuli 16 Bible Online

Baatuli 16 - MUKANDA WANZAMBI bible

Baatuli 16

¹Samisoni wayili kuGaza, kwenoku wamweni chivumbi, hakwijila mudi yena.

²AkwaGaza achitiyili nawu Samisoni nenzi kunu. Amujikililili niniku, niniku, amubataminini wufuku wejima kuchisucha mpwembu yamukala, amwena nikumwena zo wufuku wejima, nawu, Chikukucha budidi tukumujaha.

³Samisoni wakamini kame-e nimukachi kawufuku; mukachi kawufuku yohinduka nikuhinduka, yokwataniye nzelu yakuchisu champwembu yamukala, niyishimi yayu, nimukomenukumu, yojúula nikujúula, hakusha hamafwiji indi, hakusenda nakutwalakwiwulu dampidi yaditala naHeberoni.

⁴Kufuma henohu hakukeŋa mumbanda wakuchinekineki chakuSoreki, ijina dindi Delila.

⁵Anyanta jawaFwilistinu ayili kudi yena nakumwilanawu, Mudimbeki kulonda wutiyi mwekala Ŋovu jindi jabadika, twilukinamutukwimikila mushindu hadi yena, kulonda twakamukasi, twakamubabeshi; ninetu wejima wetu, hamuntu hamuntu, twakakwinka maliasiliva makulakaji ikumi nadimu.

⁶Delila hakumwila Samisoni, nindi, Nleji mwani, mwekala Ŋovu jeyi jabadika nimuyakukukasilawu nakukubabesha.

⁷Samisoni hakumwila nindi, Neyi akunkasa nanyibuŋu yituuta, yakadi kwanyikahu dehi yitanu nayiyedi nakazeya, nakekala neyi chekalawu antu ejima.

⁸Dichi anyanta jawaFwilistinu amutweleleli nyibuŋu yitanu nayiyedi yituuta zo-o yakadikwanyikahu dehi, niyena mumbanda wamukasili nachu.

⁹Kudi yenamumbanda kwadiŋi akwakubatamina, adiŋi mwitala damukachi. Yenamumbanda hakumwila nindi, AFwilistinu anakuwani, Samisoni. Yoketulani nyibuŋu ngwa ngwa, neyi chaketukapa wanda wunakwati kesi. NiŊovu yindi hiyayilukili muyekalaku.

¹⁰Delila hakumwila Samisoni, nindi, Aka! wunandimbi, wunanlejiya kutwamba. Ichi dinu, anleji mwani, muyakukukasilawu.

¹¹Samisoni hakumwila nindi, Neyi akukumina dakunkasa nanyonji yamaneni yayi haya mbalawanda yakadi kukopahu dehi nachu mudimu, nakazeya, nakekalaneyi chekalawu antu ejima.

¹²Nochu Delila hakutambula nyonji yamaneniyayiha yambalawanda, hakumukasa nachu, hakumwila nindi, AFwilistinu anakuwani, Samisoni. Akwakuba tamina adiŋi mwitala damukachi. Yena waketwili nyonji kumakasindi ngwa ngwa, neyi wanda hohu.

¹³Delila hakumwila Samisoni nindi, Mafuku ejima wunandimbi hohu, wunanleji yakutwamba hohu; nleji muyakukukasilawu. Wamwilili nindi, Yiba aba yansuki yamunamutu wami neyi wukuyitupila kumutondu wekinadakutupa nachu mahina.

¹⁴Hakuhatisha nalubwambu, hakumwila nindi, AFwilistinu anakuwani, Samisoni. Yohinduka ninamutulu twindi, yohukwilakumu nilubwambu lwachipamba, nimutondu wekina.

¹⁵Yena mumbanda hakumwila nindi, Indi eyi wunatweshi pahi kuhoshaneyi ami nakukeŋa? Kutala ami, eyi hiwapusha kumuchimaku. Wunandimbi dehi aka kasatu aka, hiwunanleji mwekala Ŋovu jeyi jabadikaku.

¹⁶Hakumukakeja nikumukakeja namazu indi, hakumushinjila, yena yotiyani kumuchima bwi neyi kufwa hohu.

¹⁷Yomuleja nimumbanda muchima windi wejima to-o, nindi, Mpoku yachayi kanda yihiti hoku kunamutu wamuku, muŋa ami nikaNaziri kambala kaNzambi, kufumisha hinavwalikili mwivumu damama yami. Mona antewula, Ŋovu yami yikunfuma, nakazeya, nakekala neyi chekalawu antu ejima.

¹⁸Delila chamweniyi namuleji dehi muchima windi wejima to-o, hakutemeshana kutambika anyanta jawaFwilistinu nakuyila nindi, Twayenu akakamu hohu aka, muloŋa nanleji dehi muchima windi wejima to-o. Anyanta jawaFwilistinu aya nikudi yena, asenda nimali mumakasawu.

¹⁹Yena mumbanda wamukamikili namutulu hamatafu indi, watambikili iyala, hakumutewula yibaaba yejima yitanu nayiyedi yakunamutu windi, watachikili kumukabisha, niŋovu yindi yimufuma nikumufuma.

²⁰Nindi, AFwilistinu anakuwani, Samisoni. Yohinduka namutulu twindi, nindi, Tali niidikineyi chinedikaŋa dikalu, nakadinyi kumuni. Ilaŋa chafuminiyi Yehova kudi yena hachilukiluku.

²¹AFwilistinu amukwata nikumukwata, amulokola nimesu, amutwela kuGaza, amupata munshimbi jawuneŋu; hakuhala mwitala dakaleya.

²²Ilaŋa nsuki jakunamutu windi jatachikili kukula cheŋi nachina chamutewiluwu.

²³Anyanta jawaFwilistinu apompeli kulonda nawu amuketwili mukishiwawu Dagoni yimuna yayivulu, kulonda azaŋalali; muloŋa ahosheli nawu, Yena mukishi wetu diyi natwinki chilumbu chetu Samisoni muchikasa chetu.

²⁴Antu chamumwenuwu, ahamekeli mukishi wawu, muloŋa elilinawu, Mukishi wetu diyi natwinki muchikasa chetu chilumbu chetu mukwakukisaŋana ituŋa detu, najahi akwetu amavulu.

²⁵Cheliluwu anatiyi kunyichima yawu kunawahi, nawu, Mutambi kenu Samisoni tumutali chakuhemayi. Amutambika niSamisoni mwitala dakaleya mwadiŋiyi, hakuhema kumesu awu, amusha hakachi kayishimi.

²⁶Samisoni hakumwilakansi keyala wamukwatili kuchikasa, nindi, Nleki nitiyi yishimi yakolela itala, kulonda nikundamenuku.

²⁷Itala dadiŋi denzala to-o namayala nawambanda; nianyanta jawaFwilistinu ejima kwokwadiŋuwu; hewulu detalahadiŋi neyi kwiji makombakaji asatu amayala nawambanda, nakutala chakuhemayi Samisoni.

²⁸Samisoni watambikili Yehova, nindi, Eyi Mwanta Yehova, ŋanakeni mwani, ankoleshi mwani, aka kamu hohu, eyi Nzambi, kulonda niditendihadi aFwilistinu hohenahanu namesu ami ayedi.

²⁹Samisoni wakwatilihayishimi yiyedi yakoleleli itala, washindamenenuku, chishimi chimuna chikasa chachidiilu, chikwawu nachikasa chachimunswa.

³⁰Samisoni welili nindi, Nifwili kwami hamu nawaFwilistinu. Wabandamini naŋovuyindi yejima; itala dishiwukila nianyanta niantu ejima adiŋumu. Nochulŋahiliyi hachidiŋiyi mumi akeheli; aswejeli kuvula ajahiliyi hafwiliyi.

³¹Niana kwindini ejima akumutaŋa watata yindi ayiluku, amunyamwini, amutweli nakumujiika kuneli Zora iku, Eshetawoli iku, hakachi, hohamujiikilu wutata yindi Manowa. Wayihosheleli aIsarela nyiloŋa yawu nyakamakumi ayedi.