Read MUKANDA WANZAMBI Baatuli 17 Bible Online

Baatuli 17 - MUKANDA WANZAMBI bible

Baatuli 17

¹Kwadiŋi iyala wakwituŋa daEfweremi damapidi, ijina dindi Mika.

²Wamwilili mama yindi nindi, Awa mali asiliva makulakaji ikuminadimu akunonenenuwu, iwashiŋeneni, iwateneni ami nichitiyaŋa, tala dinusiliva yina yami nidi nayu, yami nanoneni. Mama yindi nindi, Yowumwanami! Akukiswili kudi Yehova.

³Wamufuntishilili mama yindi maliana makulakaji ikumi nadimu. Kutiya mama yindi nindi, Siliva yina ami namujilikiliyi Yehova yakufuma kuchikasa chami yamwanami, yakwila nachu mukishi wakusoŋa nimukishi wakusuŋununa; dichi dinu nukukufuntishilayu.

⁴Chamufuntishililiyu mama yindi owu mali, mama yindiwanonenuku siliva makulakaji ayedi, wenkeli muchi, niyena hakwila nachu mukishi wakusoŋa nimukishi wakusuŋununa; ashakamini mwitala daMika.

⁵Yenowu iyala Mika wadiŋi netala dawakishi, watuŋili niifwodininkishi jakupanda, wajilikili nimwanindi weyala wumu, ekali kapristukindi.

⁶Hanyakoyu, mumpata yaIsarela himwadiŋi mwanta walukanuku; antu ejima mwomwafuukwiluwu awenawu nawu munawahi, dimu mweliluwu.

⁷Kwadiŋi mukwenzi weyala wakuBetelemi Yuda, wakuchisaka chaYuda, wadiŋi kaLevi, wayili nakushakama kwenoku.

⁸Yenowu iyala wafuminikumukala, wenowu waBetelemi Yuda, kulonda ayi nakushakama kwonsukwakamonayi kwoku; chendeliyi, washi kili kwituŋa daEfweremi damapidi, nikwitala daMika.

⁹Mika wamwilili nindi, Kuwukufuma kudihi? Yena nindi, NikaLevi wakuBetelemi Yuda, hinukuya nakushakama kwonsukunamoni kwoku.

¹⁰Mika wamwilili nindi, Shakamaku nanami, wikalitata yami nikapristu kami, ami nakakwinkaŋa hamwaka mali asiliva ikumi, nichakuvwala nichakudya. KaLevi etŋia nikwitŋia.

¹¹KaLevi wetiyilikushakama nayenowu iyala; owu mukwenzi welili neyi himwanindi wakudisemena

¹²Mika wajilikili kaLevi, owu mukwenzi welili kapristu kindi, washakamini mwitala daMika.

¹³Dichi Mika welili nindi, Ichi dinu nelukinami Yehova wakaŋila chachiwahi nanichi chinikweti kapristu kami waka-Levi.