Read MUKANDA WANZAMBI Baatuli 18 Bible Online

Baatuli 18 - MUKANDA WANZAMBI bible

Baatuli 18

¹Hanyakoyu, mumpata yaIsarela himwadiŋi mwanta walukanuku. Hanyakoyu muchidi wawaDani hiyakukeŋakeŋa wuswana wakushakama. Muloŋa hela henohu achidi kanda amoni wuswana wawu mukachikanyichidi yaIsarelaku.

²Anyana kaDani hachisaka chawu chejima anonenumu amayala atanu, ayilobu aweni, ayitemesheli hadiŋuwu kuZora naku-Eshetawoli ayi akendeshi ituŋa, akatala talumu chachiwahi. Ayilili nawu, Yenuŋa, mwakatalatali chachiwahi ituŋa. Ashikili kwituŋa daEfweremi damapidi, kwitala daMika, kwokwakaminuwu.

³Hashikiluwu kwakwihinetala daMika elukili izu danowu mukwenzi owu kaLevi. Hiyakwambukanakuyaku, hiyakumwihula nawu, Wakuleteli Itunu hinyi? Wudi nakwiladikwenakunu? Wukwetidikunu?

⁴Wayilili nindi, Tiya mwanaŋili Mika, nankwati dehi kumudimu windi, nela dehi kapristu kindi.

⁵Amwililinawu, Lombaku mwani, maana kudi Nzambi, kulonda twiluki neyi njilayetu yitukwenda yikuwaha.

⁶Kapristu wayilili nindi, Yenuŋa chachiwahi; njila yenu yimukwenda yidi kumesu aYehova.

⁷Owu mayala atanu ayili, ashikili kuLayishi, amweni antu chashakamawu adidiwilaku kwawu, neyi chashakamawu aZidoni, kwa zo-o, chakadikwakama. Muloŋa mwituŋa diŋa himwadiŋi wukweti wanta wakuyilachumaku. Adiŋi kwakulehi nawaZidoni, kwendaŋana kwawu munyikalayawakwawu nehi.

⁸Ashikili cheŋi kudi ana kwawu kwadiŋuwu kuZora nakuEshetawoli. Ana kwawu ayilili nawu, Enu nenwidi?

⁹Nawu, Nyamukenu, tuyenu twakalwi nawu. Ituŋa dawu tunadimoni komanadasweja kuwaha. Indi enu munamweni zo-o? Bayi muzeyazeyaku, nyamukenu muyi mwituŋa muditambuli kwenu.

¹⁰Chimukuya mwakawanaantu adidiwilaku kwawu, niituŋa deneni, muloŋa Nzambi nayinkidu. Kwenakuna hikwabulenaŋa chumaku, yuma yahamaseki yejima yidi kwoku.

¹¹Kwenoku kwanyamukili akuchisaka chawaDani, afumini muZoranamuEshetawoli, amayala makulakaji atanu nadimu, adimanyeka manyeka dehi yitwa yakunjita.

¹²Afumini kwenoku ayili nakuteeka kuKiriyati Yeyarimi, muYuda; dichi chatenenuwu kwenakuna nawu kuMahane Dani, nilelu dimu mwatenaŋawu, wudi kunyima yaKiriyati Yeyarimi.

¹³Anyamukili kwenoku, ahitili kwituŋa daEfweremi damapidi, ashikili kwitala daMika.

¹⁴Kutiya awa amayala atanu ayili nakwendesha ituŋa dakuLayi shihiyakuyila ana kwawu nawu, Enu himunachiluki nenu, omu mumatala omumudi niifwodi, ninkishi jakupanda, nimukishi wakusoŋa, nimukishi wakusuŋununaku? Dichi dinu, toŋojokenu chimukwila.

¹⁵Aambukili nakuyaku, ashikili kwitala danowu mukwenzi owu kaLevi, kwokwitala daMika, amwihwili chashakaminiyi.

¹⁶Owu mayala makulakaji atanu nadimu, chochadimanyekawu yitwa yawu yakunjita, wowu anyana kaDani, emeni kuwiŋililu wakuchisu chachipaŋu.

¹⁷Owu mayala atanu ayili nakwendesha ituŋa ayiluku, epililumu, anoneni mukishi wakusoŋa, niifwodi, ninkishijakupanda, nimukishi wakusuŋununa. Kapristu saŋa emenayi kuchisu chachipaŋu hamu nanowu makulakaji atanu nadimu adimanyeka yitwayakunjita.

¹⁸Chayiluwu mwitala daMika nakunonamu mukishi wakusoŋa, niifwodi, ninkishi jakupanda, nimukishi wakusuŋununa kapristu wayilili nindi, Mudi nakwila ŋahi?

¹⁹Amwilili nawu, Mwenaku kweyi. Kwata kuchikasa cheyi kukanwa keyi, twoka tuyi neyi, wikali tata yetu, wikali kapristuketu. Chachi wahi chidihi? Eyi kwikala kapristu kawakwetala damuntu wumu, tahindi kwikala kapristu kamuchidi nikachisaka chamuIsarela?

²⁰Kapristu watiyili kuwaha mumuchima windi, wanoneni niifwodi, ninkishijakupanda, nimukishi wakusoŋa, wayili hakachi kawu.

²¹Hiyakubalumuka hiyakuya nikuya, atwampaku nianyana anyanya, ni ayimuna, niyuma kumbidi.

²²Cheliluwu anashiki dehi mpata yalaloyunetala daMika, amayala adiŋi mumatala akundama kwakwihi netala daMika hiyakupompa, hiyakulondelamu, hiyakuyiwana anyana kaDani.

²³Hiyakuyibidika anyana kaDani. Wena ashetumukili kumesu awu, amwilili Mika nawu, Wunatiyi pahi mwaka winzi namukanka weji mowu?

²⁴Yena nindi, Munatambuli akishi ami inelili, nikapristu, himukudiyila kwenu, indi ami nashali nadi? Ndochu munaŋili pahi nenu, Wunatiyi ŋahi?

²⁵Kuchinka anyana kaDani nawu, Izu deyi bayi tuditiya mukachi ketuku, amayala akuma nyichima akenza kukulotokela, wakenza kajimbeshela namutuhu niwumi weyi niwawakwenu amwitala deyi.

²⁶Anyana kaDani hiyakudiyila kwawu. Mika chamweniyi Ŋovu yawu yinasweji, hakubalumukakwindi hakufunta kwitala dindi.

²⁷Wena atambwili yuma yeliliyi Mika nikapristu adiŋiyi nindi, ayiliku Layishi kudi antu ashakama kwawu zo-o, adidiwilaku, ayitapa nikuyitapanampoku yakabali, nimukala awocha ninakesi.

²⁸Kwadiŋi kwosi wakuyamwinaku, muloŋa kuZidoni kwadiŋi kwakulehi, niwena kwawu kwendapana munyikala yawakwawu nehi. Chadiŋi muchinekineki chekala kwakwihi naBetirehobi. Mukala awutuŋilwili cheŋi, ashakamamu nikushakamamu.

²⁹Mukala awutumbili ijina dawu nawu Dani, kafwampi dodijina datatayawu Dani avweliyi Isarela. Ilaŋa hakusambila ijina damukala dadiŋi daLayishi.

³⁰Anyana kaDani emikili mukishi owu wakusoŋa; Jonatani mwana kaGereshomi, Gereshomi mwana kaMosi, niyena ni anyanindi elili atupristu twamuchidi wawaDani anamutuukishi hamwaka wayikwatiluwu antu amwituŋa.

³¹Dichi emikili mukishi owu wakusoŋa weliliyi Mika nyakaye jima yadiŋi itala daNzambi muShilo.