Read MUKANDA WANZAMBI Baatuli 19 Bible Online

Baatuli 19 - MUKANDA WANZAMBI bible

Baatuli 19

¹Hanyakoyu habuliluwu mwanta walukanu mumpata yaIsarela hadiŋi kaLevi wumu washakama ishinadi di kwawu detuŋa daEfweremi damapidi, wakwatili ntombu yindi wamumbanda kuBetelemi Yuda.

²Yenowu ntombu yindi wamushiyili nakuya nakwila wuvumbi, hakufumakudi yena hakufunta kwitala datata yindi kuBetelemi Yuda, washakaminukutukweji tuwana.

³Nfumwindi wanyamukili wamulondeli kulonda ahoshinindi chakumukokweja, amuleti cheŋi. Wasendeli niŋamba yindi niyimbuluyiyedi. Yena mumbanda wamwiŋijili li mwitala datata yindi. Tata yanowuchaŋa dima chamumweniyi owu iyala watiyili kuwaha kudi mona nindi.

⁴Muku windi, tata yanowu chaŋadima, wamukakeleli, washakamini nindi, mafuku asatu. Adiili, anwini, ashakamini kwenoku.

⁵Ifuku damu chiwanawa hindukili budidi yayeni, yonyamuka nikunyamuka nindi ayaŋa. Tata yanowu chaŋadima wamwilili muku windi nindi, Dyakuku kachibalu kadinkendi wutiyi Ŋovu; neyi wunadyi dehi, himukuya.

⁶Nochu ashakamini, adiili, anwini, wejima wawu mwayedi wawu hamu. Tata yanowuchaŋa dima hakumwila iyala, nindi, Itejaku tuhu mwani, wukami nilelu, wutiyi kuwaha kumuchima weyi.

⁷Iyala wanyamukili nindi ayaŋa, mukuwindi wamukanjikŋili, wakamini cheŋi kwenoku.

⁸Hefuku damu chitanuwa hindukili budidi nankashi nindi ayaŋa. Tata yanowu chaŋadima nindi, Wundishaku muchima weyi mwivumu mwani, hembelaku kwili melela. Nochu adiili, anwini, wejima wawu mwayedi wawu.

⁹Chanyamukiliyi owu iyala, niyena nintombu yindi niŋamba yindi, muku windi, tata yanowuchaŋa dima, hakumwila nindi, Tala ntahi itena daya dehi mwani, kuminadakukama mwani. Tala ntahi itena hidikuya nakuholoka; kamaku kunukulonda wutiyi kuwaha kumuchima weyi. Kumadiki mwakanyamukabudidi mwakaya kwenu, kulonda mwakafunti cheŋi kumukala wenu.

¹⁰Ilaŋa owu iyala kwonti kwindi kukama cheŋi, wanyamukili kwindihakuya. Washi kili kwakwihi naYebusi, yowu Yerusalema. Wadiŋi nayimbuluyindi yiyedi yakukasila masadi akushakama. Nintombu yindiwadiŋi nindi.

¹¹Chashikiluwu kwakwihi naYebusi kwela dehi melela aweni. Ŋamba hakumwila mwanta windi, nindi, Tuyenu mwani, twambukimunjila, tuyi kumukalowu wawaYebusi, tukamuhu.

¹²Kuchinka mwanta windi nindi, Hitukwambuka munjila nakuya hamukala wanawa antu acheŋuku, ochu hiyanyana kaIsarela wanyi! Tukupandakana kwetu nakuya kuGibeya.

¹³Wamwilili ŋamba yindi nindi, Tuyi tukabili kushika kwakwihinanyikaloyu, twakakami hela kuGibeya, hela tuhu kuRama.

¹⁴Nochu apandakeni, hiyakuyaŋa munjila yawu. Itena dayiholokeleli kwakwihina kuGibeya waBenjamini.

¹⁵Aambukili munjila, hiyakuya haGibeya akakamuhu. Wayili hamukala, washakamini hanzi. Kwosi muntu wamulejeliitala dakukamaku.

¹⁶Neyi halehi, kutala ipala deyala hakufuma kunyidimu yindi kumahahamelela. Yenowu iyala wadiŋi wakwituŋa daEfweremi damapidi, kuGibeya washakaminuku tuhu chakushakama. Ilaŋa ntu ahamukala wuna adiŋi akwaBenjamini.

¹⁷Wafumbwili mesu indi, wamweni ŋeji weyala nashakami hanzi hamukala. Kutiya owu ipala nindi, Indi eyiwunafumi kudihi? Wukuya kudihi?

¹⁸Kuchinka iyala nindi, Twendatufuma kuBetelemi Yuda, hitukuya kumbadi hana yina yetuŋa dakuEfweremi damapidi, muloŋa diku nafuma. Nayili kuBetelemi Yuda. Ichi dinu hinukuya kwitala daYehova. Kwosi muntu nanleji itala dinduku.

¹⁹Matahu etu ayimbulu yetu tudi nawu nikudya kwawu. Nikudya nivinyutudi nayu, niyami niyakambuŋeyi wamumbanda, niyamukwenzi iwu tudinindi etu ambuŋeyi. Kwosi chuma chitunabuluku.

²⁰Kutiya owu ipalanindi, Kolenu ntahi; neyi hadi yiwunabuli nukukukeŋela. Chinjila enukukama hanzi.

²¹Nochu wamwiŋijili mwitala dindi, wayidiishili yimbulu. Aweleli kunyendu yawu, adiili, anwini.

²²Chashakaminuwu nakutiya kuwaha munyichima yawu, amayala amakwawu ahamukala adiŋi antu amukunkulwayi enjili kwitala niniku, niniku, hiyakweta nihachenzelu. Hiyakumwila owu ipala mwini itala dindi, nawu, Mwidishi owu iyala weŋila mwitala deyi kulonda tumwiluki.

²³Yenowu iyala mwini itala dindi wedi kili hanzi nakuhosha nawu, nindi, Chinjila, enu ana kwami, bayi mwila chatama chochichuku, mwani. Iwuiyala hiŋeji yami, bayi mwila wusupi iwuku.

²⁴Tala mwanami wamujiki, nintombu yindi owu. Nukuyiidishilawu muyisawuli kwenu, muyikoŋikwenu mwejima mumwamona kuwaha. Hakwila yeniwu iyala bayi mumwila wusupi watoha chi kuma hanichuku.

²⁵Awa amayala kwontikwawu kutiya mwizu dindi, dichi owu iyala wakwatili ntombu yindi, wayiidishililiyi. Amwilukili, achiishili wufuku wejima nakumutamisha hohu. Chikwasambishili kucha amúumbaku ni kumuumbaku.

²⁶Hankunku yakucha mumbanda wenjili nakudimbukila kuchisu chetala danowu iyala kwakama mwanta windi, nichikunachi to-o.

²⁷Mwanta windi wahindukili budidi, wenzulwili yenzelu yetala, wedikilihanzi nindi ayaŋa. Kutala chaŋadima, ntombu yindi, nadimbukili dehi kwiluŋa dachisu chetala, nimakasindi muchisu.

²⁸Wamwilili nindi, Nyamuka, tuyi. Ilaŋa yena hamwakwiluku. Dichi wamunyamwini, wamushili hachimbulu chindi. Yenowu iyala wanyamukili hamukala, wayili kumukala wawu.

²⁹Chashikiliyi kwitala dindi, wanoneni mpoku, wamukwatili ntombu yindi; wamuhabwili hayidi, hayidi, mbiji ikuminajiyedi, wajitemesheli mwejima mwahita ŋinza jawaIsarela.

³⁰Cheliluwu ochu, antu ejima achimweni hiyakuhosha nawu, Kanda tumonaŋahu dehi kukoŋa chumichi; saŋa afuminuwu anyana kaIsarela mwituŋa daEjipitu kushika nikwitaŋwa dalelu dinu, chinjila! Toŋojokenu chachiwahi, kwatenu mpùŋa muhoshi.