Read MUKANDA WANZAMBI Baatuli 2 Bible Online

Baatuli 2 - MUKANDA WANZAMBI bible

Baatuli 2

¹Kaŋelu kaYehova wafumini kuGiligali, wayili kuBokimi, wahoshelinindi, Ami nayifumishili kuEjipitu nayileti dehi mwituŋa dinayi sanyikilili ankakulula jenu; nelili nami, Ami kwami hinamba kajaha chitiyaŋenu chami chinatiyaŋeni nanenuku, haya nyaka,

²ninenu bayi mwakatiyaŋanachitiyaŋenu nawashakama mwituŋa iduku, nami, mwakahumoni tumeŋatwawu; hakwila enu kwenu kutiyilila mwizu dami nehi. Aka! Indi chenichi munachililidi?

³Dichi ami nawa nelili nami, Komana ami kwami hinukuyitemwina wunawaku, ilaŋa akela kwawu nyiŋa yamumbavu jenu, niakishiawu akela muhetu wakufwa enu.

⁴Cheliliyi kaŋelu kaYehova nahoshidehi mazu awa nawanyana kaIsarela ejima, antu nimumakumbu akudila.

⁵Henahana ateneni nawu kuBokimi; amuketwililuku Yehova chimuna.

⁶Yoshuwa chayimwaŋiliyi antu, anyana kaIsarela ayili iwu kuwuswanawindi, iwu kuwuswana windi, kulonda akatambuli ituŋa dawu.

⁷Antu amukalakelelaŋa Yehova mafuku ejima adiŋiyi Yoshuwa, nimafuku ejimaadiŋuwu awakulumpi ashiyiliyi Yoshuwa, amweni nyidimu yamaneni yejima yakoŋeliyi Yehova, yakoŋeleliyi aIsarela.

⁸Mwana kaNuni Yoshuwa, kambuŋaYehova, wafwili, washi kili munkulakaji nanyaka ikumi.

⁹Amujiikili muŋinza yawuswana windi mwomu Timinati Heresi, mwituŋa daEfweremi damapidi, hamutamba wakabeta kakuchimunswa wampidi yaGayashi.

¹⁰Niawakulumpi ahenohu ejima ayili kwaya ankakulula jawu, mwahiŋiliikiŋu dacheŋi abulili kwiluka Yehova hela kwiluka mudimu wakoŋeleliyi aIsarela.

¹¹Anyana kaIsarela akoŋeli chatama kumesu aYehova, apesheli aBayali;

¹²alekeli Yehova Nzambi yawankakulula jawu, diyi wayifumishili mwituŋa daEjipitu, alondeleli akishi, wowu akishi awantu adiŋuwu nawu kwi-ndo, ayifukaminini, amuvulokeli Yehova azuwi.

¹³Amulekeli Yehova, apesheli Bayali naAshitoreti.

¹⁴Kuzuwa kwaYehova kwabutukili hadi aIsarela, wayinkeli kudi akwakupupa ayipupili, wayilandishili kudi ayilumbu jawu adiŋi kwakwihi nawena kwi-ndo, hiyatwesheli nawa cheŋi kwimana nawayilumbujawuku.

¹⁵Mwejima mwayiluwu, chikasa chaYehova chayikaŋeshelihohu, chayitamishili, mwomwahosheliyi Yehova, mwomwayisanyikililiyi Yehova; dichi amweni kukala nankashi.

¹⁶Yehova wayinkeli ansompeshi, diwu ayamwininaŋa kudi owu ayibuwilaŋa.

¹⁷Hela ansompeshi jawu aIsarela kuyitiyilila nehi, ayili nakwilawuvumbi wakulondela akishi, nakuyifukamina; aambukili lufuchi hohumwendelelaŋa ankakulula jawu, mwovwahililaŋawu kuleja kwaYehova; hakwila wena kwawu hiyelili mwokuku.

¹⁸Chakuyinkayi Yehova ansompeshi, Yehova hakwikala nansompeshi, hakuyamwina kudi ayilumbujawu mafuku ejima hachidiŋiyi yenowu nsompeshi. Muloŋa muchima waYehova wamufutumukili chaabiluwu nawena ayikabishili, ayimwesheliyihuŋu.

¹⁹Chakwilayi owu nsompeshi nafwi dehi, hiyakufunta cheŋi, hiyakukoŋa chatama chakubadika chakoŋelaŋa ankakulula jawu, nakulondelaakishi nakuyipesha nakuyifukamina; hiyalekeli muyelilaŋawu hela munjilayawu yakuchinchikaku.

²⁰Kuzuwa kwaYehova kwabutukili hadi aIsarela, welili nindi, Muza iwu wunamotoki chitiyaŋenu chami chinalejeli ankakululajawu, hiyanatiyilili mwizu damuku.

²¹Dichi dinu ami kwami hinukuyitemwina nawa cheŋi nyuza yina yashiyiliyi Yoshuwa hafwiliyuku,

²²kulondanakeseki nachu aIsarela, nakatali neyi akalama njila yaYehova nakwendamuneyi chiyayilaminuwu ankakulula jawu, indi kwiji nehi.

²³Dichi Yehova walekeli nyuzoyu, nikuyitemunamu swayi nehi; hayinkeliyi Yoshuwaku.