Read MUKANDA WANZAMBI Baatuli 3 Bible Online

Baatuli 3 - MUKANDA WANZAMBI bible

Baatuli 3

¹Tiyenu nyuza yalekeliyi Yehova kulonda kweseka nachu aIsarela, abulili kwiluka majita ejima aasiluwu njita muKenani,

²kulondaanyana kaIsarela muyamba kavwalikilawu akeluki, kulonda kuyileja nachumaana akwasa njita, kafwampi wowenawa abulili kwilukamu hakusambila.

³Anyanta awaFwilistinu amakubu atanu, ni aKenani ejima, niaZidoni ejima, niaHivi ejima ashakamini kumpidi yaLebanoni, kufumisha kumpidi yaBayali Herimoni nakutwala kuwiŋililu wakuHamati.

⁴Adiŋi akweseka nachu aIsarela kulonda kwilukisha nachu neyi akutiyilila mukuleja kwaYehova kwalejeliyi ankakulula jawu kukanwa kaMosi.

⁵Anyana kaIsarela ashakamini hamu nawaKenani, wowu aHiti, nawaAmori, nawaPerizi, nawaHivi, nawaYebusi;

⁶atambwili anyanawu awambanda nakuyisumbula, ni anyanawu aweni ayiheni kudi anyana kawena nakuyisumbwisha, akapeshi niakishi awu.

⁷Anyana kaIsarela elili chatama kumesu aYehova, alalamini Yehova Nzambi yawu, apesheli aBayali nanyiyombu.

⁸Dichi kuzuwa kwaYehova kwabutukilili aIsarela, wayilandishili kudi Kushana Rishatayimi mwantawa kuMesopotamiya; anyana kaIsarela amukalakeleli Kushana Rishatayi minyaka yitanu nayisatu.

⁹Anyana kaIsarela abileleli kudi Yehova. Yehova wayinkeli anyana kaIsarela chamwinu, wayamwinini, diyi Otiniyeli mwana kaKenazi, mwanyi kaKalebi.

¹⁰Spiritu yaYehova wenjili hadi yena, wasompesheli aIsarela; wayili nakwasa njita, Yehova wamwinkeli Kushana Rishatayimi mwanta wakuMesopotamiya; niyena wemi kili Kushana Rishatayimi mushindu.

¹¹Mwituŋa mumwena nizo-o nyaka makumi awana. Mwana kaKenazi Otiniyeli yofwa ni kufwa.

¹²Anyana kaIsarela elili cheŋi chatama kumesu aYehova. Yehova wamwinkeli Egeloni mwanta wakuMowabi Ŋovu yakulwa nawaIsarela, nanochu cheliluwu chatama kumesu aYehova.

¹³Wadipompesheleli anyana kaAmoni nianyana kaAmaleki, wayili wayitapili aIsarela, mukala wanyikoma awutambula.

¹⁴Anyana kaIsarela amukalakeleli mwanta wakuMowabi Egeloni, nyaka ikumi nayitanu nayisatu.

¹⁵Hakwinza anyana kaIsarela chabileleluwu kudi Yehova, Yehova hakuyinka chamwinu, diyi Ehudi mwana kaGera, kaBenjamini, iyala wakapiku; anyana kaIsarela amutemesheli nahimulambu kudi Egeloni mwanta wakuMowabi.

¹⁶Ehudi wachilili mpoku yakabali yikweti wumwemu kuyedi, kuleha neyi munkotweli yachikasa, wayivweli mumahinindi hankumaya chidiilu.

¹⁷Hakumula mbula mwanta wakuMowabi Egeloni himulambu. Yena Egeloni wadiŋi muntu wasweja kutoha nankashi.

¹⁸Chakumishiliyi kulambula, hakuyila antu asendeli himulambu, nindi yenu.

¹⁹Hakwilayemweni wafuntilili kunyi ngochi yadiŋi kuna kuGiligali, welili nindi, Nidi nakalusaŋu kakukuleja kanka weyi, mwanta. Yena nindi, Mwenaku. Antu ejima emeni kwadiŋi yi yena edikilumu.

²⁰Ehudi wakundamini kudiyena; yena wadiŋi washakama kanka windi mwitala dindi dahewulu dawunda. Ehudi nindi, Nakuleteli izu dakudi Nzambi. Wanyamukili hetandadindi.

²¹Ehudi wolweli chikasa chindi chachimunswa, waholeli mpokuyakabali kunkuma yindi yachidiilu, wamupwikili nayu mwivumu nimuhinyi wayu lwe;

²²mpoku yajiminini mumanji, muŋa yena mpoku hayiholeli mwivumu dinduku; yahanukili zwa nikunyima.

²³Ehudi edika nikwidi kanakuya mwikeki, wenzeleli yenzelu yetala dakwiwulu mwadiŋi yi, yopatakuninsapi.

²⁴Chanedikiyi, apamba jaEgeloni enza nikwinza; kutala kuyenzeluyetala kwakupata nansapi; elili nawu, Hakukwata kumahinindi mwitala dindi dawunda.

²⁵Elili hembele-e ninsonyi yiyikwata nikuyikwata, kutalayena kwenzulula yenzelu yetala nehi; nkumininaku anona ninsapi, enzululani kwenzulula, kutala mwanta wawu nadimbuki dehi hamaseki, wafwa dehi.

²⁶Hohachidi kulabajalawu Ehudi yotemuka nikutemuka, hakupanda kananyi ngochi, hakutemukila kuSeyira.

²⁷Chanashikiyi kwenoku hakwimbani mpùŋa mwituŋa daEfweremi damapidi, anyana kaIsarela akunkumukili nindi kwituŋa damapidi, yena watwamininuku.

²⁸Wayilili nindi, Twayenumunlondi hanyima, muŋa Yehova nayinki dehi ayilumbu jenu aMowabi. Akunkumukili nindi nakumulonda hanyima, atambwili mwaba waYodana wambadi yaMowabi, hiyetejeli muntu kuzambukaku.

²⁹Henahana atapili amayala akuMowabi neyi kwiji makombakaji ikumi, ni amayala amaneni ejima niayilobu ejima, kwosi muntu niwumu wapulukiluku.

³⁰Dichiifuku odu aMowabi ayifwomweni kudi aIsarela. Mwituŋa mumwena nizo-onyaka makumi atanu nasatu.

³¹Mudi yena mwahipili Shamapari mwana kaAnati, yena watapili aFwilistinu amayala makulakaji atanu nadimu, namumba wakubiŋa nachu aŋombi; niyena waamwinini aIsarela.