Read MUKANDA WANZAMBI Baatuli 4 Bible Online

Baatuli 4 - MUKANDA WANZAMBI bible

Baatuli 4

¹Hafwiliyi Ehudi, anyana kaIsarela elili cheŋi chatama kumesu aYehova.

²Yehova wayilandishili kudi Yabini mwanta waku-Kenani, wadiŋi mwanta muHazori, mukulumpi wanjita yindi wadiŋi Sisera, owu watupili muHarosheti wawajentili.

³Anyana kaIsarela abileleli kudi Yehova, muŋa Yabini wadiŋi namakálu ayikupu makulakaji makumi atanu nawana; yena anyana kaIsarela wayikabishili naŋovu nyakamakumi ayedi.

⁴Kaprofwetu Debora iŋoda Lapidoti hamafuku owu diyi wasompeshelapa mwituŋa daIsarela.

⁵Yena washakamini mwishina damukoma waDebora, Rama iku, Beteli iku, yena hakachi, mwituŋa daEfweremi damapidi; anyana kaIsarela ayilaŋa kudi yena nakuhosha nyiŋa yawu.

⁶Yena watemesheli kuKedeshi Nafwatali nakutambika mwana kaAbinowami Baraka, wamwilili nindi, Yehova Nzambi yaIsarela, hanashimuni nindi, Yaŋa, kakundami kumpidi yaTabori, kasendi mayala makombakaji ikumi, nianyana kaNafwatali, nianyana kaZebulunu ku?

⁷Ninami nakakukokela Sisera, mukulumpi wanjita yaYabini, nimakálu indi niluntu lwindi kukaŋa Kishoni, nakakwinkayi.

⁸Baraka wamwilili nindi, Neyi eyi tukuya neyinukuya chi; hakwinza neyi kuya neyi nehi hinukuyaku.

⁹Welili nindi, Chalala nukuya neyi chi; ilaŋa njiloyu yiwukwenda hiyeyi wakatiyakenamumpuhuku; muŋa Yehova wakamulandisha Sisera kudi mumbanda. Debora wanyamukili, wayili naBaraka kuKedeshi.

¹⁰Baraka watambikilini aZebuluni niaNafwatali, nindi pompenu kuKedeshi. Ayili nindi amayala makombakaji ikumi; Debora niyena wayili nindi.

¹¹Heberi kaKeni, waambukili dehi nawaKeni anyana kaHobabi muku waMosi, walemeni itenti dindi kuna kumukula wamuZayanimi, wowuwekala kwakwihi nakuKedeshi.

¹²Amulejeli Sisera nawu mwana kaAbinowami Baraka nayi kumpidi yaTabori.

¹³Sisera watambikili makálu indi onsu, makálu ayikupu hohumakulakaji atanu nawana, niantu ejima adiŋiyi nawu, kufumisha kuHaroshetiwa wajentili kutwala nikukaŋa Kishoni.

¹⁴Debora omwila niBarakanindi, Nyamukaku; dalelu danakwinkiyi Yehova Sisera. Yehova watwamina dehi kumbiduku nawa? Baraka yokunkumuka nihampidi yaTabori, ni amayala makombakaji ikumi amulondaŋa munyima yindi.

¹⁵Yehova wamwapili Sisera, nimakálu indi ejima, ninjita yindi yejima, nampoku yakabali kukuya Baraka; Sisera wasulukili mwikalu dindi, watemukili heseki.

¹⁶Ilaŋa Baraka wahaŋili makálu ninjita, wayishikŋili kuHarosheti wawaJentili. Njita yaSisera yejima yatapikili hohu kumpoku yakabali zo-o, hikwasheli hoku niwumuku.

¹⁷Hakwinza Sisera watemukili heseki, wayili kwitenti daYahela iŋodaHeberi kaKeni, muloŋa Yabini mwanta wakuHazori namutaŋa waHeberi kaKeni, adikundili.

¹⁸Yahela wedi kili nakumukinkilila Sisera, wamwililinindi, Ipilaku mwanta wami, iŋilaku mwami, bayi wutiya womaku. Wepililimwitenti mwadiŋi yi, mumbanda wamubutili namwemba.

¹⁹Yena wamwilili nindi, Anyinki mwani, tumeji twantesha ninwi, natiyi mpwila. Wajikwili munswaha mwadiŋi mayeli, wamwinkeli, hakunwa, omubutani cheŋi.

²⁰Yena wamwilili nindi, Imanaku muchisu chetenti, wumoni muntu hakwinza nakukwihula nindi, Mwenomu mudi iyala? Eyi wumwilaŋaneyi, Mwosi.

²¹Yahela ujoda Heberi yonona nilubwambu lwetenti, yokwata nichuma chakupopa nachu kuchikasa chindi, hakuya chovu chovu kudi yena iyala, hakumupopa lubwambu mukanyiŋiketu, luhanuka zwani mumasekilwe, muloŋa yena wakamini tulu twatweni, wadiŋi wazeya dehi. Hakuhondomoka, hakufwa ni kufwa.

²²Chakuhitayi Baraka naleumuhaŋa Sisera, Yahela hakwidika nakumukinkilila, hakumwila nindi, Inzaŋa nikulejiiyala wunakeŋi. Hakuya nikudi yena, kutala Sisera iwu wunakami iwu, wafwa dehi zo-o, nilubwambu lwindi mukanyipiketu.

²³Nzambi ifuku diŋa wamufumbili Yabini mwanta wakuKenani hakwovwahila anyana kaIsarela.

²⁴Anyana kaIsarela Ŋovu yawu hiyi kuswejani kusweja naYabini mwanta wakuKenani, nichiyamujilishiluwu to-o Yabinimwanta wakuKenani.