Read MUKANDA WANZAMBI Baatuli 5 Bible Online

Baatuli 5 - MUKANDA WANZAMBI bible

Baatuli 5

¹Dichi Debora naBaraka dena ifuku odu hiyakwimba kamina nawu,

²Anlomboli alombweli aIsarela, muŋa antu adiheni chamunyi chimayawu awenawu. Sakililenu Yehova.

³Tiyenu enu anyanta; tiyililenu enu anyanawuta; ami, eŋa yami, nukumusambilila Yehova; nukwimba kamina kakumuhameka Yehova Nzambi yaIsarela.

⁴Eyi Yehova, chiwafumini kuSeyiri, chiwendeli nakufuma mumpata yaEdomi, iseki hidikuzaala, mawulu niwena asosota nimeji, eŋa, mavunawa asosota nimeji.

⁵Mapidi asuŋunuka nikusupunuka kumesu aYehova, hela yenowu Sinayi, kumesu aYehova Nzambi yaIsarela.

⁶Hanyaka hadiŋilaŋayi Shamaŋari, owu mwana kaAnati, hanyaka hadiŋilaljayi Yahela, mumakunku anjila mwabundili, akwakwenda hiyaku hitanamutushi mbwanjila.

⁷Anyuli amanini muIsarela, amanini nichinanyamukili ami Debora, nichinanyamukili ami mama yawu muIsarela.

⁸Atondeli akishi amaha; njita yashi kili nikuyisu yampwembu; mukachi kamakombakaji makumi awana amuIsarela ochu amwenumu helankebu hela iyoŋa?

⁹Muchima wami wakundama kudi aŋuvulu jamuIsarela, adiheni mukachikawantu chakunyichima yawu awenawu; mukiswilenu Yehova nkisu.

¹⁰Shimunenumu enu mwendelaŋa hayimbulu yitooka, ninenu mwashakama hamahina alema, ninenu mwcndaŋa munjila.

¹¹Kuna kwakulehi nalushindu lwawakwakwasa nyivu, kwatahaŋawu meji, diku kwakashimunwinawu mwelaŋa Yehova mwaloŋa, mwomwaloŋa mwelaŋayi chayulaŋayi aIsarela. Dihu hakunkumukilili antu aYehova hiyakuya kuyisu.

¹²Tonaku, tonaku, eyi Debora; tonaku, tonaku, imbaku kamina; nyamukaku, eyi Baraka, twalaku ankoli jeyi muwukoli, eyi mwana kaAbinowami.

¹³Henohu dihu hakunku mukililuwu ayilolu asheli, niantu; Yehova wanzelu mukilili walwili nawayilobu.

¹⁴MuEfweremi mwafumini ana akweti muji wawu muAmaleki; anakulondeli eyi Benjamini, mukachi kawantu eyi, muMakiri mwakunkumukili anyuli, muZebuluni mwafumini wena akwataŋa mufuka wawakulumpi anjita.

¹⁵Atulamba amuIsakari adibombeli naDebora; chadiŋuwu aIsakari dichi chadipiyi niBaraka; alotokeli muchinekineki hamu nayenamukulumpi wawu. Kutunyikolukolu twaRubeni kwadiŋi kutoŋolakwakweni kumuchima.

¹⁶Mwashakaminidi kumayinda anyikoku nakutiya chakuyimbilawu anyikokumahululu? Kunyichima yanyitaŋa yaRubeni kwadnji kudi hopeshakwasweja.

¹⁷Gileyadi washakamini kwishinadi daYodana; Dani niyena washaliladimuma atu? Asheri niyena wadishakaminini kuchi kumu chakaluŋalwijizo-o, washakamini kunyihopi yindi.

¹⁸AZebuluni hiyantu akeŋeli kumona yowu kufwa hohu, niaNafwatali niwena hohamu hanyikandu yamumpata.

¹⁹Anyanta alukanu enjili, alwili; hiyakulwa nikulwa wowu anyanta alukanu amuKenani, muTanaki kumeji akuMegido; hiyadiilili mwoku mali anŋalanyuku.

²⁰Twalwili kwiwulu, tutumbwa munjila jatu twalwili naSisera.

²¹Kaloŋa Kishoni kayikumpwili, yowu kaŋa kanyaka, yowu kaŋa Kishoni. Eyi wumi wami, endapa kweyi munjila yeyi naŋovu.

²²Yikwa yawatuwalu yidata nikudata, yowu kukiloka kiloka kwakukilo kawu asweja Ŋovu.

²³Kaŋelu kaYehova welili nindi, Mushiŋenu Merozi, yishiŋenu nankashiawa ashakamaku; nanochu chabuliluwu kwinza nakumukwasha kuYehova, amukwashuku Yehova nanjita yindi yakwasayi ayilobu.

²⁴Hadi ambanda wakoolekahu yowu Yahela hohu, iwu iŋoda kaKeni Heberi, hadi ambanda ashakama mumatenti wakakooleka diyihohu.

²⁵Walombeli meji, Yahela wamwinkeli mayeli, wamutweleleli mantekaha cheŋa chawutotombu.

²⁶Nachikasa chindi wakwatili kulubwambu lwetenti, chikasa chindi chachidiilu chikwata nichuma chakupopa nachu mukwakukoŋa mudimu; lupopu olu wamupapili nachu Sisera, wamupapili kunamutu windi zwa, mwalala wamulokweli, wamuhanwishili mukanyiŋiketu zwa.

²⁷Wabandamini kunyendu yindi, wadimbukili, akama nibukusu, wabandamini kunyendu yindi, wadimbukili; kwabandaminiyi kwokwadimbukiliyi, mwaka nafwi dehi zo-o.

²⁸Hakutalila kunjanina, hakubilela, mama yaSisera hakutala munjanina, nindi, Ikalu dindi dinalabilidi kubula kwinza? Tufumbu twamakálu indi tunalabilidi?

²⁹Akulumpi awambanda ababala adiŋiyi nawu, amwakwili, yena hakudilejayomweni,

³⁰Nindi, Mwalala, akwata dehuku? Mwaka adanjaŋena dehi yuma yakupupaku? Amayala ejima, iwu chaŋadima chamumbanda, iwu ayaŋadima ayeduku? Hakwinza Sisera yuma yindi himahina awulombuwe ijina weŋi, yuma yindi himahina awulombu weŋi naweŋi akuchimachima chachiwahi, awulombu weŋi nawcŋi, akusowa chachiwahi niishinadiniishinadi, hamafwiji anawa anakwatuwu.

³¹Eyi Yehova, ayilumbu jeyi ejima akafwi choche nochu; hakwinza wenaakumukeŋa akekali neyi itaŋwa haselaŋayi naŋovu jindi. Ituŋa diwunda nizo-o nyaka makumi awana.