Read MUKANDA WANZAMBI Baatuli 7 Bible Online

Baatuli 7 - MUKANDA WANZAMBI bible

Baatuli 7

¹Nochu Yerubayali, diyi Gideyona, niantu ejima adiŋiyi nawu amenekeli budidi, hiyakuya nakutuŋa chilombu kwishima daHarodi; chilombu chawaMidiyani chadiŋi kumbadi yakabeta kakuchimunswa, kumpidi yaMora muchinekineki.

²Yehova wamwilili Gideyona nindi, Antu wudi nawu ananvulili, hinatweshikuyinkawu aMidiyanuku, aIsarela akenza kadinka wanta nakwilanawu, Nadamwini nachikasa chamami aweni.

³Dichi dinu yaŋa, kayihoshiawa antu neyi, Yowu natiyi woma, yowu wukuzaala, afuntumu kwindi, afumi kunu kumpidi yaGileyadi. Kwafuntili antu makombakaji makumi ayedi namakombakaji ayedi, kwasheli makombakaji ikumi.

⁴Yehova wamwilili Gideyona, nindi, Antu achidi amavulu; yikunku mwishikumeji, diku kunukukwesekelawu. Mwakela, yoyenowu nukukulejanami iwu wakaya nindi, diyi wakaya nindi. Yenowu nukukulejanami yeniwu hiwakaya ninduku, yenowu hakayaku.

⁵Dichi wayikunkumwishili antu ejima kumeji. Yehova hakumwila Gideyona nindi, Ejima akukabula meji nedimi dawu, neyi chakabulaŋa kawa, wakayisha hakankawawu; ejima akufukama hamanuŋu nakunwa, niwena kanka wawu.

⁶Kuyichinda akabwili nakusha chikasa kukanwa, ashikili mumayala makulakaji asatu; hakwila antu anashali ejima afukamini hamanuŋu nakunwa meji.

⁷Yehova wamwilili Gideyona nindi, Nawenana amayala makulakaji asatu akabwili meji diwu nakayamwina nachu, nakuyinkawu aMidiyani. Antu ejima ayi kwawu, iwu kwindi, iwu kwindi.

⁸Nochu antu ana asendeli yakudya yawu nimpùŋa jawu; wafuntishili amayala ejima aIsarela kumatenti awu, walaminuku wowena amayala makulakaji asatu. Chilombu chawaMidiyani chadiŋi mwishina muchinekineki.

⁹Wufuku wowenowu Yehova wamwilili nindi, Nyamukaku, wukunku mukikweyi muchilombu, muloŋa nakwinkuwu dehi.

¹⁰Ilaŋa neyi wunatiyiwoma wakukunkumukamu, komana sendaku ŋamba yeyi Pura wuyinindi muchilombu.

¹¹Wakatiyi yakuhoshawu; wakakwatilumu Ŋovu yakukunkumuka nachu muchilombu chawu. Nochu wakunkumukilinaŋamba yindi Pura, hiyakuya kunsa kuna kudi amayala amuchilombu adimanyeka.

¹²NiaMidiyani niaAmaleki niantu ejima akumusela akaminina kutandama muchinekineki, kuvula neyi tubola; anŋameli jawu kutweshakuyichinda nehi, kuvula neyi wusekulula wekala kuchi kumu chakaluŋalwiji.

¹³Chanashikiyi Gideyona, kutala kudi iyala hakwawila mukwawukulota, nindi, Tiya, naloti dinkendi dimu dambutu yabali hidikwinzanakukunkumuka lufuchi muchilombu chawaMidiyani, dishika nikwitenti, hidikuhumaku, itenti hidikukunduka, dikuvwamana nikukuvwamana, dibuta niheseki la-a.

¹⁴Kutiya mukwawu nindi, Diyi mpoku yakabali yaGideyona mwana kaYowasha, iyala wakaIsarela, bayi chuma chacheŋuku. Nzambi namwinki niMidiyani niluntu lwejima.

¹⁵Chatiyiliyi Gideyona nichaawiliyi kulota nimwalumbulwiliyi, hakudifukula kudi Nzambi, hakufunta kuchilombu chawaIsarela nindi, Nyamukenu, Yehova nayinki dehi luntu lwawaMidiyani.

¹⁶Wenana amayala makulakaji asatu wayambwili yendu yisatu, wayinkeli wejima wawu mpupa kumakasa, nimasaba amukunkulu, niyimunyi mukachi kamasaba.

¹⁷Wayilili nindi, Muntalaŋami, ninenu mwilaŋa mwomumu; tiyenu, chinukushika kunsayachilombu, mwomunukwilami dimu mukwila ninenu.

¹⁸Chitu kwimba mpùŋa ninami niakwetu nidi nawu, ninenu mwakemba mpùŋa mbadŋejima jachilombu chejima, mwila nikwila nenu, Nyana kaYehova naGideyona, wo-o!

¹⁹NiGideyona ninkulakaji yawamayala adiŋiyi nawu, ashika nikushikakunsa yachilombu hohakutachika kuhembawu atulama amukachi kawufuku, mwomu mukuyishaku atulama katataka tuhu; emba nikwimba mpuja jawu, afumpani masaba adiŋuwu nawu mumakasawu pwashi, pwashi.

²⁰Yendu yejima yisatu hiyakwimba mpùŋa, afumpani masaba, yimunyi ayi kwata mumakasa achimunswa, mpùŋa kwata mumakasa achidiilu kulonda kwimba; ela nikwila nawu, Mpoku yakabali yaYehova niyaGideyona, wo-o!

²¹Weji-Tna wawu emeni, iwu nahindi, iwu nahindi, kuchilombu kwi-ndo; niluntulwejima hilukutemoka, antu aGideyona adikuwili, ayitemwisha nikuyitemwisha.

²²Mpuŋa jina makulakaji asatu ajiimbili, Yehova wayiluwaŋesheliiwu nakutapa mukwawu, iwu nakutapa mukwawu, luntu lwejima; luntu lwatemukili nakushika kuBetishita, kutwala kuZerere, kwokuŋinza yaAbeli Mehola, kwakwihi naTabata.

²³Amayala aIsarela adipompesheli, niamuNafwatali, niamuAsheri, niamuManase mwejima, hiyakuyihaŋa aMidiyani.

²⁴Gideyona watemesheli antemesha mwituŋa daEfweremi damapidi dejima, nakuyila nindi, Yikunkumukilenu aMidiyani muyiketwŋi kukaloŋa, nikuBetabara, nikuYodana. Nochu amayala amuEfweremi ejima adipompesheli, ajikililili kukaloŋa ndo nikuBetabara, nikuYodana.

²⁵Ayikwatili atulamba awaMidiyani, wowu aOrebi naZeyebi, mwayedi wawu; Orebi amujahila kwilola daOrebi, Zeyebi amujahila kuwukamwinu wavinyu waZeyebi, ayihaŋaŋa tuhu aMidiyani; nyitu yawaOrebi naZeyebi amutweleleli Gideyona kwishinadi daYodana.