Read MUKANDA WANZAMBI Baatuli 8 Bible Online

Baatuli 8 - MUKANDA WANZAMBI bible

Baatuli 8

¹Amayala akuEfweremi amwilili nawu, Eyi wunatwili ŋahi chiwabuhili kututambika, chiwayili nakulwa nawaMidiyani? Amuhosholani kumuhoshola chacheni.

²Kuchinka yena nindi, Indi ami chuma nyichineli chakwesekana nanenu? Nyikabu yavinyu yinanonojoli Efweremi hiyinabadiki yanakuŋuliyi Abiyezeruku?

³Nzambi nayinki atulamba awaMidiyani, wowu aOrebi naZeyebi; indi ami natwesheli kwila chumanyi chakweseka nanenu? Chahosheliyi chenochu, nikuzuwa nindi nehi.

⁴Gideyona washi kili kuYodana yozambuka nikuzambuka, niyena niamayala makulakaji asatu adiŋiyi nawu, azeya dehi, ilaŋa chahaŋawu akwawu.

⁵Wayilili amayala akuSukoti nindi, Awa antu inidi nakwenda nawu, yinkenu mwani mankendi, muloŋa anazeyi, ami nidi nakuyihaŋa aZebahi naZalumuna, anyanta awaMidiyani.

⁶Kuchinka atulamba amuSukoti nawu, AZebahi naZalumuna wayikwata dehi, mwaka tuyinki njita yeyi kudya kwetu?

⁷Kuchinka Gideyona nindi, Neyi Yehova nanyinki dehi aZebahi naZalumuna ninami nakayitabola nyijimba yenu nanyiŋa yamwisaŋa nayikwata.

⁸Wafumini kwenoku, wayili kuPenuweli, wayilili mwomumu; amayala amuPenuweli amwakwili mwomwa mwakwiluwu amayala amuSukoti.

⁹Yena wahosheli kudi amayala akuPenuweli, nindi, Chinakenza cheŋi, ninjita yamwena dehi, ami nakahumuna italidi dakaposhi.

¹⁰AZebahi naZalumuna adiŋi muKarakora naluntu lwawu, kweseka neyikwiji amayala makombakaji ikumi natanu, wowu asheluhu hohu bweŋi kuluntu lwejima lwawantu akumusela; muloŋa hafwili amayala akwataŋa kumpoku yakabali nkulakaji yamakombakaji, namakombakaji makumi ayedi.

¹¹Gideyona wakandaminini njila yawena ashakamini mumatenti, niNibahini Yoŋebeha akuma kumujika, watapili luntu, muloŋa luntu lwadiŋi kwawuhelaji.

¹²AZebahi naZalumuna atemuka nikutemuka; yena hakuyihaŋa; wayikwatili wena anyanta alukanu ayedi, awaMidiyani, wowu aZebahi naZalumuna, niluntu lwejima wayizaalishili woma nankashi.

¹³Mwana kaYowasha Gideyona, wenjili cheŋi kwayiliyi kunjita, wafuntililiku mukandu wakuHeresa.

¹⁴Wakwatili mukwenzi wumu wahadi amayala akuSukoti, wamwihujoleli. Yena wamulejeli chachiwahi chadiŋuwu atulamba akuSukoti niakulumpi jawu, amayala makumi atanu nayedini amayala atanu nayedi.

¹⁵Washi kili kwadiŋuwu amayala akuSukoti, wayilili nindi, Talenu aZebahi naZalumuna wowu mwanseheli nenu, AZebahi naZalumuna wayikwata dehi, mwaka tuyinki antu eyi anazeyi kudya kwetu?

¹⁶Wakwatili awakulumpi amumukala, wakotweli nyiŋayamwisaŋa, niyikwata, wayilejeli nachu amayala amuSukoti maana.

¹⁷Itala damu Penuweli dakaposhi wadihumwini, ni amayala amukala wunawayijahili.

¹⁸Wayilili aZebahi naZalumuna, nindi, Amayala mwajahili kuTaboŋa diŋi ŋahi? Aakwili nawu, Chochiwudi eyi, dichi chadiŋuwu niwena; wejima wawu kuyitala afwana neyi anyana kamwanta.

¹⁹Yena nindi, Wowu ana kwami! Anyana kamama! Chahandayi Yehova kwaamu, mutenowu neyi mwayishiyiluhu, mutenowu ami kuyijaha kwami nehi.

²⁰Hakumwila niwedi windi Yeteri, nindi, Nyamukaku, yŋahi. Ilaŋa yena mukwenzi haholeli mpoku yindi yakabaluku, muloŋa watiyili woma, muloŋa wachidiŋi mukwenzi hohu.

²¹Kutiya aZebahi naZalumuna nawu, Nyamukaku eyi wututapi; mwashikayi iyala, mwomwashika niŋovu yindi. Gideyona wanya mukili, wajahili aZebahi naZalumuna, wafumishili nyibuluyadiŋi hanshiŋu jawa nŋameli jawu.

²²Henohu amayala awaIsarela amwila niGideyona, nawu, Ikalaku mwanta wetu, nineyi, nimwaneyi nimwizukulu weyi, muloŋa eyi wunatwa mwini kudi aMidiyani.

²³Gideyona wayilili nindi, Ami kwami hinukwikala mwanta wenuku, nimwanami hakekala mwanta wenuku. Yehova kwindi diyi wukwi kala mwanta wenu.

²⁴Gideyona wayilili nindi, Nakeŋi kuyilomba chuma, nami, nyinkenu wejima wenu tuzeya tumwafumisha hadiantu mwatapa kunjita. Adiŋi natuzeya twawuru muloŋa adiŋi aIshimeli.

²⁵Aakwili nawu, Tukukwinka kwetu lufuchi hohu. Aalilihina, ombililuhu wejima wawu tuzeya twawantu atapiluwu kunjita.

²⁶Kupezelesha tuzeyatuna twawuru twalombeliyi twashikili mujishekeli jawuru ikombakaji namakulakaji atanu nayedi; kubombelaku niyibaaba, niimba, nimahina awusombu avweli anyanta awaMidiyani alukanu, nimaleŋi akudikiluwu kunshiŋuja wanŋameli jawu.

²⁷Gideyona welili nachu ifwodi, wayishili mumukalawindi muOfwara; aIsarela ejima elilaŋa wuvumbi wakuyaku, yelili muhetu wakufwa Gideyona niakwetala dindi.

²⁸Chochina aMidiyani ayifwomweni kudi anyana kaIsarela zo-o, hiyabandukili cheŋi kunyitu yawuku. Mwituŋa mumwena nizo-o nyaka makumi awana hamafuku adiŋiyi Gideyona.

²⁹Yerubayali mwana kaYowasha wayili nakushakama kwitala dindi.

³⁰Gideyona wadiŋi nawanyanindi amayala makumi atanu nayedi akudi vwelayome nindi kumujimba windi, muloŋa wadiŋi nawaŋodi jindi amavulu.

³¹Ntombu yindi wadiŋi muShekemi niyena wamuvweleleli mwana weyala, Gideyona wanamutumbili ijina dindi nindi Abimeleki.

³²Mwana kaYowasha Gideyona wafwili hawushinakaji wawuwahi, amujiikili mwiyeŋudatata yindi Yowasha, mwomu Ofwara wawaAbiyezeri.

³³Chafwiliyi Gideyona, hohenohu anyana kaIsarela hiyakubalu mukacheŋi, hiyakwila wuvumbi wakulondela aBayali, amwilisha niBayali Beritimukishi wawu.

³⁴Yehova Nzambi yawu wayamwinini kudi ayilumbujawu ejima mbadi jejima, wena anyana kaIsarela hiya mwanukili kwawuku;

³⁵hela mutaŋa waYerubayali, diyi Gideyona, hiyayilili chachiwahi nanowukuwaha kwejima kwayililiyi aIsarelaku.