Read MUKANDA WANZAMBI 3 Joani 1 Bible Online

3 Joani 1 - MUKANDA WANZAMBI bible

3 Joani 1

¹Ami mukulumpi nidi nakusoneka mukanda weyeyi Gayusi wakeŋa ewa, inakeŋa munsaŋu yalala.

²Eyi mukwetu twakeŋa a, nakulombelaŋa nami wushakami chachiwahi muyuma yejima, wukoli nimumujimba, neyi chekala wumi weyi wamukachi.

³Muloŋa nazaŋaleli nankashi henjili ana kwetu nakushimuna wunsahu wansaŋu yalala yamwenuwu mudeyi, chiwendaya mwaya nsaŋu yalala.

⁴Hinikweti muzaŋalu wakubadika weniwu, wakutiya nawu anyanami endaŋa mwaya nsaŋu yalalaku.

⁵Eyi mukwetu twakeŋa a, washinshikaŋa mwejima muwakalakelaŋa ana kwetu, eŋa nienyi nawa.

⁶Ashimwini kukeŋa kweyi muchipompelu. Neyi wakayendesha munjila yawu mwatelela Nzambi, wakela chachiwahi.

⁷Muloŋa hanyamukiluwu nakuya hansaŋu yejina, hiyatambwili yuma kudi aJentiluku.

⁸Dichi twadi kutambula antu adi ochu, kulonda twi kali akwakukalakala hamu nansaŋu yalala.

⁹Nasonekeleli chipompelu tusaŋu; ilaŋa Diyotefwesi, wakeŋa a kwikala muneni mukachi kawu, hatutambulaŋaku.

¹⁰Dichi chinakenza nakaanuka mwelaŋayi, nimazu atama atutavwilaŋayi. Hakuminaŋa dakutiya kuwaha mwenomu hohuku, niyomweni hatambulaŋa ana kwetuku, hela akukeŋa kuyitambula wayilekeshaŋa kwindi, hakuyihaŋa muchipompelu.

¹¹Eyi mukwetu twakeŋa a, imbujolaŋa yuma yayiwahi, bayi yuma yatamaku. Muntu welaŋa chachiwahi wakudi Nzambi, muntu welaŋa chatama hanamoni Nzambuku.

¹²Demeterusa amushimunana wunsahu kudi antu ejima, nikunsaŋu yalala yayeni; eŋa, ninetu nawa twamushimunaŋa wunsahu, nineyi muneluki wunsahu wetu walala.

¹³Nadiŋi nansaŋu jajivulu jakukusonekela, ilaŋa hinakeŋi kukusonekela nawulombu nansonekesuku;

¹⁴nakuhweleli nami keŋa tudimoni neyi, tuhanjiki mesu namesu.

¹⁵Kuwunda kwikali naneyi. Akwetu anakwimwishi. Ŋimwishili akwetu ejima hejina hejina ijina daMwanta Yesu.