Read MUKANDA WANZAMBI Sinulo 12 Bible Online

Sinulo 12 - MUKANDA WANZAMBI bible

Sinulo 12

¹Mwiwulu himukumwekana chinjikijilu cheneni; mudi mumbanda wavwala itaŋwa, mwishina danyendu yindi mudi kakweji, kunamutu windi kudi chibaaba chatutumbwa ikumi natuyedi.

²Wudi nevumu, 1, 260 hakukaloka nyiteti, hakufunyisha, hakukata nyisoŋu yakuvwala.

³Mwiwulu mumwekana nichinjikijilu chikwawu. Nami nitali, hinukumona chazaŋombi muneni wuchinana, wukweti nyitu yitanu nayiyedi ninseŋu ikumi; kunyitu yindi kudi yibaŋula yitanu nayiyedi.

⁴Mukila windi hiwukukoka chibalu chatutumbwa twamwiwulu chamuchisatu, hakutunatila heseki. Chazaŋombi hakwimana kwakwihi namumbanda wudi hanchiŋa, kulonda chakuvwalayi adiyi mwanindi.

⁵Hakuvwala mwana, himwana weyala, diyi wamba kayula nyuza yejima nambwechi yachikuŋu. Hiyakuhukwila mwanindi kwadiyi Nzambi nikwitanda dindi dawanta.

⁶Mumbanda hakutemukila mwisaŋa mwamuloŋeshelawu dehi kudi Nzambi, kulonda amudiishilumu ikombakaji damafuku namafuku makulakaji ayedi namakumi atanu nekumi dimu.

⁷Mwiwulu himukwila njita; Mikeli nawaŋelu jindi hiyakwasa njita nanowu chazaŋombi; chazaŋombi niyena nawaŋelu jindi nawa hiyakwasa;

⁸kwimika mushindu nehi; mwiwulu himwamwekeni nawa cheŋi mwakushakama wenaku.

⁹Owu chazaŋombi muneni hiyakumunatila heseki; yowu kapela mukulu atenaŋawu nawu Diyabolu, diyi Satana, wadimbaŋa antu ampata yamunu mwishina ejima. Yena hiyakumunatila hamaseki, niaŋelu jindi hiyakuyinatila hamu nayena.

¹⁰Nitiya niizu datiyakana mwiwulu nindi, Ichi dinu wamwinu niŋovu niwanta waNzambi yetu wunenzi dehi, nikuyula kwaKristu windi; muloŋa mukwakuyinka ana kwetu nyiloŋa anamunatili dehi heseki, yowu wayinkaŋa a nyiloŋa kumesu aNzambi yetu nimwaana niwufuku.

¹¹Hiyakumwimika mushindu namashi aKana kamukoku, namazu ashimwinuwu. Hiyakeŋeli wumi wawuku; nawu hela kufwa tukufwa tuhu.

¹²Dichi enu mawulu, zaŋalalenu, ninenu mwashakamamu. O yihuŋu yakamona iseki nakaluŋalwiji! Muloŋa diyabolu nayisulukili, wudi nandombu yayeni, chanelukiyi nindi kunashali dehi mpinji yindi yantesha hohu.

¹³Owu chazaŋombi chanamoniyi anamunatili dehi heseki, hakukabisha mumbanda wavweli mwana weyala.

¹⁴Hiyakumwinka mumbanda mpuula jambuulu muneni jiyedi, kulonda atúukili mwisaŋa mwamuloŋeshclawu dehi, mwakumudiishilawu mpinji yimu, ŋijimpinji, nimpinji yachiketu, kwákubula kumumonawu kudi kapela.

¹⁵Kapela hakumupumbila mumbanda meji neyi kaloŋa, kulonda amuhuŋumuni nakaloŋa.

¹⁶Maseki hiyakukwasha mumbanda, hiyakwasama mukanwa kawu, aminya ni kaloŋa kanapumbiyi chazaŋombi mukanwa kindi.

¹⁷Chazaŋombi hakuzuwa namumbanda, hakufumaku nindi aasi njita nawanyanindi anashali, awa achidi kuhemba mwanayilejuwu kudi Nzambi, achidi kukakela kushimuna nsaŋu yaYesu. Hakwimana hawusekulula wakukaluŋalwiji.