Read MUKANDA WANZAMBI Sinulo 13 Bible Online

Sinulo 13 - MUKANDA WANZAMBI bible

Sinulo 13

¹Hinukumona kanyama hakufumpuka mukaluŋalwiji, wukweti nseŋu ikumi ninyitu yitanu nayiyedi; kunseŋu jindi kudi yibaŋula ikumi, kunyitu yindi kudi majina akutuka nachu Nzambi.

²Hinukumona kanyama wudi neyi chisumpa, nyendu yindi yidi neyi yabera, kanwa kindi kadi neyi kamutupa. Owu chazaŋombi hakumwinka Ŋovu jindi, niitanda dindi dawanta niwanta weneni.

³Mutu windi wumu hiwukumwekana neyi anawutapi chakufwa hohu; chitu chindi chakufwa chakusukili; antu ahamaseki ejima hiyakulondela owu kanyama nakuhayama hohu.

⁴Hiyakudifukula kudi chazaŋombi nanochu chahanayi dehi wanta windi kudi kanyama. Hiyakudifukula kudi kanyama nawu, Wudi neyi iwu kanyama hinyi? Wukutwesha kudasa nindi hinyi?

⁵Hiyakumwinka kanyama kanwa kakuhosha nakudisansula nikutuka Nzambi; hiyakumwiteja kukoŋa mwaya muchima windi hohu tukweji makumi awana natuyedi.

⁶Hakwasama mukanwa kindi kulonda kutuka Nzambi, niijina dindi, nitabanaka yindi, niashakamaŋa mwiwulu.

⁷Hiyakumwiteja kwasa njita nawakwakujila nikuyimika mushindu; hiyakumwinka wanta wanyichidi yejima, niwamatuŋa ejima, niwamadimi ejima, niwanyuza yejima.

⁸Antu ejima ashakama heseki hiyakudifukula kudi yena, wowu abuli luwu kusoneka majinawu, haaliluwu chikuku champata yamunu mwishina, mumukanda wawumi waKana kamukoku ajahiluwu.

⁹Muntu wukweti matu akutiya atiyi.

¹⁰Muntu wukukeŋa kutwala akwawu muwuduŋu, niyena nawa wakaya muwuduŋu; muntu wukukeŋa kujaha akwawu nampoku yakabali, niyena nawa akamujaha nampoku yakabali. Kweniku diku kudi kutatakena nikukuhwelela kwawakwakujila.

¹¹Hinukumona kanyama wacheŋi hakutupuka mumaseki; wudi nanseŋu jiyedi neyi jakana kamukoku, hakuhosha neyi chazaŋombi.

¹²Yena hakukoŋela kumesu anowu kanyama wakusambila mwejima mwaya wanta wakanyamowu. Hakukanjikŋa iseki niashakamahu adifukuli kudi kanyama wakusambila, wadiŋi nachitu chakufwa chakusukili.

¹³Hakukoŋa niyinjikijilu yeneni, hela yakusulwisha kesi mwiwulu kenzi heseki kumesu awantu.

¹⁴Hakudimba antu ashakama heseki nayinjikijilu yamwitejeluwu kukoŋa kumesu anowu kanyama. Hakuyila antu ashakama heseki nindi atuŋi nkishi yakanyama wadiŋi nachitu champoku yakabali wahandili.

¹⁵Hiyakwiteja kwonesha oyu nkishi yakanyama, kulonda oyu nkishi yakanyama yihoshi, yŋahishi nawa antu ejima ákubula kudifukula kudi owu mukishi wakanyama.

¹⁶Hakuyila antu ejima, nianyanya niamaneni, niakwakuheta niatuzweŋi, niabula wuduŋu nianduŋu, chiŋa ayifundi mufunda hachikasa chachidiilu hela hehama,

¹⁷kulonda kubuli muntu wukutwesha kulanda hela kulandisha, chiŋa wekala namufundowu, kafwampi hiijina danowu kanyama, hela mwakumina kuchinda ijina dindi.

¹⁸Imu dimu mwekala maana; muntu wukweti kashinshi achindi mwakumina kuchinda kwanowu kanyama; hikuchinda kwejina damuntu. Kumuchinda himakulakaji atanu nadimu namakumi atanu nadimu nakatanu nakamu.