Read MUKANDA WANZAMBI Sinulo 7 Bible Online

Sinulo 7 - MUKANDA WANZAMBI bible

Sinulo 7

¹Chiyakumini yumiyi hinukumona aŋelu awana anemani kunsajeseki jiwana, anakwati mpepela jeseki jiwana, kulonda kukaŋesha mpepela kukunka heseki, hela hakaluŋalwiji, hela hamutondu himutondu.

²Hinukumona kaŋelu mukwawu hakukandama nakufuma kwatuntukilaŋa itaŋwa, wudi nachilamiki chaNzambi wamumi. Hakubidika owu aŋelu awana enkeluwu mudimu wakukisaŋana iseki nikaluŋalwiji nezu datiyakana,

³nindi, Bayi mukisaŋana iseki hela kaluŋalwiji hela nyitonduku, chiŋa tunalamiki dehi ambuŋaNzambi yetu chilamiki hamahamawu.

⁴Hinukutiya mwachindililuwu antu alamikiluwu, nkulakaji yamakombakaji namakombakaji makumi awana nawana, akunyichidi yawanyana kaIsarela yejima.

⁵Kumuchidi waYuda alamikiluku makombakaji ikumi nayedi: kumuchidi waRubeni alamikiluku makombakaji ikumi nayedi: kumuchidi waGadi alamikiluku makombakaji ikumi nayedi:

⁶kumuchidi waAsheri alamikiluku makombakaji ikumi nayedi: kumuchidi waNafwatali alamikiluku makombakaji ikumi nayedi: kumuchidi waManase alamikiluku makombakaji ikumi nayedi:

⁷kumuchidi waSimeyona alamikiluku makombakaji ikumi nayedi: kumuchidi waLevi alamikiluku makombakaji ikumi nayedi: kumuchidi waIsakari alamikiluku makombakaji ikumi nayedi:

⁸kumu-chidi waZebuluni alamikiluku makombakaji ikumi nayedi: kumuchidi waYosefu alamikiluku makombakaji ikumi nayedi: kumuchidi waBenjamini alamikiluku makombakaji ikumi nayedi.

⁹Chiyakumini yumiyi nami nitali, hinukumona izaza deneni dakadi kutwesha kudichinda kudi muntu, dawantu akunyuza yejima, akunyichidi yejima, akumatuŋa ejima, akumadimi ejima, anemani kumesu etanda dawanta, ni kumesu aKana kamukoku, anavwali mahina akuluka atooka, anakwati nyitayi yanyikoma kumakasawu.

¹⁰Hiyakubidika nezu datiyakana nawu, Wamwinu wikali waNzambi yetu washakama hetanda dawanta, niwaKana kamukoku.

¹¹Aŋelu ejima hiyakwimana nakunyeŋumuka itanda dawanta niakulumpi niamomi awana, hiyakudinata chamesu heseki kwitanda, hiyakudifukula kudi Nzambi,

¹²nawu, Amena; ninkisu, ni kulema, nima ana, nikusakilila, nimpuhu, niŋovu, niwudumi, yiikali yaNzambi yetu haya nyaka nanyaka. Amena.

¹³Kuchinka mukulumpi wumu hakuŋila nindi, Awa anavwali mahina akuluka atooka anyi? Afuma kudihi?

¹⁴Hinukumwila nami, Eyi mwanta wami, yeyi weluka. Hakuŋila nindi, Wenawa anafumi kuyihuŋu oyu yeneni, anakosi dehi mahinawu, anayitookeshi namashi aKana kamukoku to-o.

¹⁵Dichi chaduwu kumesu etanda daNzambi dawanta; hiyakumukalakela nimwaana niwufuku mutembeli yindi; yena washakama hetanda dawanta wakalemena itenti dindi hadi wena.

¹⁶Hiyakatiya cheŋi nzalaku; hiya 144,000 katiya nawa cheŋi mpwilaku; hela itaŋwa hidakayiyeŋumukila iyenaku, hela nkanza niyantuku.

¹⁷Muloŋa Kana kamukoku wekala mukachi ketanda dawanta, wakekala kabiŋa kawu, wakayilombolaŋa kutuseloki twameji awumi; Nzambi wakakombola madilu ejima kumesu awu.