Read MUKANDA WANZAMBI Sinulo 8 Bible Online

Sinulo 8 - MUKANDA WANZAMBI bible

Sinulo 8

¹Chalamwiniyi chilamiki chamuchitanu nachiyedi, mwiwulu mumwenanizo-o, kweseka neyi kwiji ora yachiketu.

²Hinukumona aŋelu atanu nayedi emanaŋu kumesu aNzambi, hiyakuyinka mpùŋa jitanu najiyedi.

³Kaŋelu wacheŋi hakwinza nakwimana kukameŋa, nasendi cheŋa chawuru chakusendela insensi. Hiyakumwinka insensi kulonda abombi nakulomba kwawakwakujila ejima hakameŋa kawuru kadi kumesu etanda dawanta.

⁴Wishi wainsensi yanabombuwu dehi nakulomba kwawakwakujila hiwukukakumukua kumesu aNzambi, chakufuma muchikasa chanowu kapelu.

⁵Owu kaŋelu hakunona cheŋa chakusendela insensi, hakuchinzesha nakesi kahakameŋa, hakuchinatila hamaseki. Hikukwila kudidima nimazu ninzaji nimutentanshi.

⁶Awa aŋelu atanu nayedi akweti mpùŋa jitanu najiyedi, hiyakudiloŋesha nawu embi.

⁷Watachi hakwimba, himukulondela nvula yamalola ni kesi kakubomba namashi, hiyakuyinatila hamaseki. Chibalu chahamaseki chamuchisatu hichikusukuma bwi, nichibalu chanyitondu chamuchisatu hicliikusukuma bwi, nimatahu amunyenvu ejima asukuma nibwi.

⁸Kaŋelu wamuchiyedi hakwimba; nichuma chidi neyi mpidi yeneni yidi nakusukuma, hiyakuchinatila mukaluŋalwiji.

⁹Chibalu chakaluŋalwiji chamuchisatu hichikubalumuka mashi, chibalu chamuchisatu chayuma yakuleŋa yekala mukaluŋalwiji yikweti wumi, hichikufwa; nichibalu chamaatu chamuchisatu hichikukisika.

¹⁰Kapelu wamuchisatu hakwimba; kwiwulu hikukuholoka katumbwa keneni nankashi, kadi nakuya nakusukuma neyi chimunyi, kaholokela nihachibalu chatuloŋa chamuchisatu, nihatuseloki twameji.

¹¹Ijina dakatumbwoku nawu, Mutondu walula. Chibalu chayimeji chamuchisatu hichikubalumuka mutondu walula; niantu amavulu afwa nawena meji owu, nanochu chanabalumukuwu dehi alula.

¹²Kaŋelu wamuchiwana hakwimba; nichibalu chetaŋwa chamuchisatu acheta nikucheta, nichibalu chakakweji chamuchisatu, nichibalu chatutumbwa chamuchisatu; kulonda chibalu chawu chamuchisatu chibalumuki kwiyila, nimwaana wubuli kumwekana chibalu chawu chamuchisatu, niwufuku chochimu.

¹³Nila nikumona nikutiya, mbuulu wumu hakutúuka hakachi kaluzwizu, hakuhosha nezu datiyakana nindi, ihuŋu! Ihuŋu! Ihuŋu! Mahuŋu akamonawu awa ekala hamaseki nanoku kuvuma kwakavuma mpiuŋa jikwawu jawaŋelu asatu anashaluhu.