Read MUKANDA WANZAMBI 1 Samuele 10 Bible Online

1 Samuele 10 - MUKANDA WANZAMBI bible

1 Samuele 10

¹Samweli hakunona chipunda chamanji, hakwichila hanamutu windi, hakumupwepula, nindi, Yehova hanakuwayishi dehi nindi wikalinlomboli yawuswana winduku?

²Ichi chiwukufuma kunu kudami leluwakawana antu ayedi kwijamu daRacheli kuZeleza muŋinza yaBenjamini. Akakwila nawu, Yimbulu yiwayili nakukeŋa anamwekani dehi. Tata yeyi naleki dehi kwakama ayimbulu, hakukwakama eyi, nindi, Nukwila ŋahi nansaŋu yamwanami?

³Chiwakafuma kwenoku, chiwakaswilaku, wakashikakumukula wakuTabori. Kwakákubulakana antu asatu adi nakukanduka kuBeteli kudi Nzambi, wumu nasendi twana twampembi tusatu, mukwawu nasendi mankendi asatu, mukwawu nasendi nswaha yavinyu.

⁴Akakwimwisha, akakwinka mankendi ayedi, wakayitambula kumakasawu.

⁵Chiwakela wunashiki dehi kumpidi yaNzambi kwashawu mashidika awaFwilistinu, wakamona chiwakashika kwenoku kumukala kwakákubulakana chendu chawatuprofwetu adi nakukunkumuka nakufuma kuchinaŋanaŋa, adi nachisanji, nandimba, nehululu, nakadada anatwamini kumbidiyawu; adi nakuya nakuprofweta ho-o.

⁶Spiritu yaYehova wakenzana Ŋovu hadeyi, wakaprofweta nawu hamu, wakabalumuka hiwudi muntu wacheŋi.

⁷Chiwakamona yinjikijilu iyi, wakela mwonsu muwunakeŋi, muloŋa Nzambi wudi naneyi.

⁸Wakayaŋahu dehi kuGiligali, ami nakakulondela kwenoku kulonda nakashiti nyilambu yakushita, nakaketuli niyimunayanyilambu yakuwunda. Wakachiŋijilila mafuku atanu nayedi, nichinakakuwana, nakakuleji chiwakela.

⁹Cheliliyi nindi amufutaleli Samweli afumi kudi yena, Nzambi hakumubalumuna muchima wacheŋi. Yinjikijilu oyu yejima yamwekeni denoduifuku.

¹⁰Chashikiluwu kumpidi, nawu atali, chendu chawatuprofwetu ichi chikwinza nakumubulakana ichi. Spiritu yaNzambi hakwinza naŋovuhadi yena. Hakuprofweta hamu nawu.

¹¹Antu ejima amwilukili dehi chachikulu, chamwenuwu hakuprofweta hamu nawatuprofwetu, hiyakudiila wumu namukwawu, nawu, Ichichuma chinamuwani mwana kaKishi hichumanyi? Sawulu niyena komana hadi hamu nawatuprofwetu?

¹²Muntu wakwenoku hakwakula nindi, Ochu tata yawu yowinyi ntahi? Dihu hafumini chishimu chakwila nawu, Sawulu hadi hamu nawatuprofwetu nawa?

¹³Chakumishiliyi kuprofweta hakuya kuchinaŋanaŋa.

¹⁴Mandumi yaSawulu hakumwihula yena naŋamba yindi, nindi, Mwayilikudihi? Nindi, Twayili nakukeŋakeŋa yimbulu. Chitwelili kuyimonanehi, tushika nikudi Samweli.

¹⁵Mandumi yaSawulu nindi, Anleji mwaniyakulejeliyi Samweli.

¹⁶Sawulu hakumwila mandumi yindi, nindi, Watulejeli chalumbuluka chikupu nindi, Yimbulu yinamwekani. Hakwilansaŋu jawanta jateneniyi Samweli hamulejeli mwokuku.

¹⁷Samweli hakutambika antu, nindi, Pompenu kudi Yehova kuMizipa.

¹⁸Hakuyila anyana kaIsarela nindi, Tiyenu chanahoshiyi Yehova, Nzambi yaIsarela, nindi, Nafumishili aIsarela muEjipitu, nayipulwishili kudi aEjipitu, nikumawanta ayikabishili.

¹⁹Hakwila enu lelu munaleki dehi Nzambiyenu wayihandishili muyuma yatama yimwamweni yejima, nimuyihuŋuyenu yejima; munamwili dehi nenu, Chiŋa atudiishili mwanta wakutuyula. Dichi dinu imanenu kumesu aYehova hamuchidi hamuchidi, hamakombakajihamakombakaji.

²⁰Chashikijiliyi Samweli nyichidi yawaIsarela yejima kwakwihi, hiyakukwatamumuchidi waBenjamini.

²¹Hakushikŋa muchidi waBenjamini kwakwihi, hachisaka hachisaka, hiyakukwatamu chisaka chaMatiri. Hiyakukwatamu mwana kaKishi Sawulu. Nawu amukeŋakeŋi, kutwesha kumumonanehi.

²²Dichi hiyakumwihula cheŋi Yehova, nawu, iyala kandaenzi, tahindi? Yehova hakwakula nindi, Ona, nabatami mukachi kayuma, ona.

²³Hiyakuyaku lufuchi, hiyakumufumisha kwenoku. Chemeniyi mukachi kawantu wayibadikili antu ejima kutaluka, wasompokeli chamafwiji namutu.

²⁴Samweli hakuyila antu ejima nindi, Talenu anatondiyi Yehova, hadi antu ejima hadi wakweseka nindi? Antu ejima hiyakuvwakuka, nawu, Mwanta ahandi!

²⁵Samweli hakuleja antu muwakekalila wanta, asoneka nimumukanda, awisha ni kumesu aYehova. Samweli hakufuntisha antu ejima kunyikalayawu.

²⁶Sawulu hakuya kumukala wawu kuGibeya; chendu chawamayala akunkiliyi Nzambi kunyichima yawu ayili nindi.

²⁷Ilaŋa ntu amakwawu amukunkulwayi ahosheli nawu, Yeniwu iyala wakatuhandisha ŋahi? Amudiwili kwawu, hiyamutweleleli himulambu ku. Yena kwindi habaŋili kwoku.