Read MUKANDA WANZAMBI 1 Samuele 11 Bible Online

1 Samuele 11 - MUKANDA WANZAMBI bible

1 Samuele 11

¹KaAmoni Nahashi wenjili, wakuchikili Yabeshi Gileyadi. Antu amuYabeshi ejima hiyakumwila Nahashi, nawu, Kwataku chitiyaŋenu nanetu, twakakukalakelaŋa.

²KaAmoni Nahashi hakuyila nindi, Tiyenu hitukutiyaŋena nenu, nami, Chipa niyilokola mesu achidiilu wejimawenu, kulonda niyisawishi nachu aIsarela ejima.

³Akulumpi amuYabeshi hiyakumwila nawu, Atulekuku mafuku atanu nayedi, twakatemesha temeshiatuŋanda mwahita ŋinza jawaIsarela jejima. Neyi kwakabula wakutuhandisha twakenza kudeyi.

⁴Atuŋanda hiyakushika kuGibeya kwadiŋi Sawulu, hiyakuleja antu nsaŋuoyu. Antu ejima avwakuka nimumakumbu akudila.

⁵Henohu Sawulu wadiŋi nakwinza naŋombi hakufuma kumpata. Sawulu nindi, Awa antuchadi nakudilawu anatiyi nsaŋwinyi? Hiyakumuleja nsaŋu yafumini kudiantu akuYabeshi.

⁶Chatiyiliyi nsaŋu oyu Spiritu yaNzambi hakwinza hadiSawulu naŋovu, hakuzuwa nankashi.

⁷Hakukwata aŋombi ayedi, hakuyitetateta, hakutemesha kanti kanti nawatuŋanda mwahita ŋinza jawaIsarela jejima, nindi, Yowu wakabula kwinza nakulondela Sawulu naSamweli ŋombi jindi akajikoŋa chochochu. Woma waYehova hiwukuholokelahadi antu, hiyakunyamoka wejima wawu namuchima wumu hohu.

⁸Hakuyichindila kuBezeki. Anyana kaIsarela ashikili mumakombakaji makulakaji asatu, aYuda makombakaji makumi asatu.

⁹Hakuyila atuŋanda enjili, nindi, Tiyenu chimwakayila antu akuYabeshi Gileyadi, nenu, Kumadiki chimwakatiya mwaana busu, mwakapuluka. Atuŋanda hiyakufunta cheŋi, hiyakuyileja antu akuYabeshi, hiyakutiya kuwaha.

¹⁰Antu akuYabeshi hiyakuyila akwawu nawu, Kumadiki twakenza kudenu mwakatu koŋi mwonsu mumwakatiyila kuwaha.

¹¹Chikunachi Sawulu hakwambula antu yendu yisatu, hakwinza mukachi kachilombu hachilu chaha kwanza kana nakucha, hakuyitapa aAmoni, tape-e nimwaana busu. Asheluhu amwaŋala nindu-ndu, chakwila hela ayedi kwikala hamu nehi.

¹²Antu hiyakumwila Samweli nawu, Indi welili nindi, Sawulu bayi atuyulaŋa etuku, hinyi? Yiletenu awa antu, tuyijahi.

¹³Sawulu nindi, Lelu kujaha muntu nehi; muloŋa lelu Yehova nakoŋi jakupulwisha muIsarela.

¹⁴Samweli hakuyila antu, nindi, Twatuyenu kuGiligali twakakoleshelukuwanta.

¹⁵Antu ejima hiyakuya kuGiligali. Hiyakumudiishila Sawulu wanta kwenoku kuGiligali kumesu aYehova. Hiyakuketwilaku niyi muna yanyilambu yakuwunda kumesu aYehova. Kwenoku Sawulu nawaIsarela ejima azaŋaleli nankashi.